Mamerina indray ny hafalianaoSantionany

Fifaliana na inona na inona mitranga

Vakio ny Filipiana 4:6.

Manana filàna fototra mba ho faly ianao amin'ny fiananao. Ny fiainana tsy misy fifaliana dia henjana, mavesatra, mampahory. Ny fanadihadiana dia maneho fa arakaraka ny fifaliana ananantsika eo amin'ny fiainantsika no mahatonga antsika hamokatra kokoa. Namaky lahatsoratra tao amin'ny "US News and World Report" izay aho milaza fa manakarama "matihanina amin'ny fifaliana" ireo orinasa mba hanarina ny fifaliana any anatin'ny fiainan'ny olona mba hahatonga ny mpiasa hamokatra kokoa. Marina fa manana tanjaka, famoronana, famokarana kokoa ianao rehefa manam-pifaliana ao anaty fiainanao.

Ao anatin'ny bokin'ny Filipiana, izay toko efatra fotsiny, dia mampiasa ny teny hoe "fifaliana" in-16. Ny mahagaga dia tsy tamin'i Paoly tany am-pialan-tsasatra tany Caraibes no nanoratan'i Paoly an'ity boky ity. Tany am-ponja tany Roma izy, niandry ny hamonoana azy. Tao anatin'ny andro matroka indrindra tamin'ny fiainany izy no nanoratra ny boky miabo indrindra ao anatin'ny Baiboly.

Ao anatin'ny bokin'ny Filipiana, dia manome antsika mpanarina fifaliana enina i Paoly izay hanampy hampiparitaka ny fahakiviantsika sy hanaisotra ny fahaketrehantsika. Mba hanamora ny fitadiana azy, dia nohafoheziko amin'ny teny hoe JOYFUL. Androany isika dia hijery ny telo voalohany.

J ("Jettison"): Avotsory ny nenina rehetra momba ny lasanao.
Ny hoe "avotsory" dia midika famelana ho toy ny tsy misy lanjany, ariana, foanana, alaina. I Paoly dia milaza fa raha te hankafy ny fiainanao ianao, dia misy zavatra samihafa tokony arianao satria mandreraka anao sy manavesatra ny fiainanao. Ny Baiboly dia milaza ny hanadinoana ny neninao, satria izany no ataon'Andriamanitra: Izy dia misafidy ny mamela ny fahotanao rehefa injay mibebaka ianao. Ny fiandohan'ny fifaliana dia famelana ny lasa. Ny Filipiana 3:13 dia milaza fa "zavatra iray loha no ataoko; manadino izay zavatra ao aoriana ka miezaka hanatratra izay zavatra eo aloha".

O ("Omit"): Esory ny fanahiana momba ny ho avinao.
Raha hankafy ny anio ianao, dia mila manaisotra ny fanahiana rehetra momba ny hoavy. Ny ahiahy no mpamono fifaliana tsy azo iadian-kevitra indrindra. Tsy afaka ny ho faly sady manahy amin'ny fotoana iray ianao. Ny fanafodin'i Paoly dia ireo andininy ireto: "Aza manahy na inona na inona; fa aoka ny fivavahana sy ny fifonana mbamin’ny fisaorana no ho entinareo manambara ny fangatahanareo amin’Andriamanitra amin’ny zavatra rehetra" (Filipiana 4:6). Na manahy ianao na mivavaka.

Y ("Yield"): Maneke ny fikasan'Andriamanitra.
Raha mivezivezy foana ianao ka tsy hainao hoe avy aiza na ho aiza na koa nahoana no eto ianao, dia mazava ho azy fa tsy hanam-pifaliana amin'ny fiainanao. Isika rehetra dia mila antom-pisiana lehibe noho ny tenantsika mba hahatonga antsika hiaina. Izany no mitondra fifaliana ho antsika. Ny miaina ho an'ny tenanao dia tsy mitondra fifaliana.

Na dia namoy ny zavatra rehetra ara-bakiteny aza i Paoly dia nisy zavatra iray izay tsy afaka nalana taminy, dia ny anton'ny fiainany. I Paoly dia milaza ao amin'ny Filipiana 1:21, "Fa Kristy no anton’ny ahavelomako, ary ny fahafatesana no hahazoako tombony."

Raha te hanana fiainana feno hafaliana ianao, dia mila manaraka ny fikasan'Andriamanitra amin'ny fiainanao. Rehefa manomboka miaina ny fikasana izay nanaovana anao ianao, dia manjary misy dikany ny fiainana, ary ny fifaliana dia ho mora hita kokoa.