Nomerỳ 13
13
Ny mpisafo tany nalefan’i Mosesy tany Kanahàna
1Niteny tamin’i Mosesy ny TOMPO ka nanao hoe:
2–Mandefasa lehilahy hisafo ny tany Kanahàna izay omeko ny Israelita. Lehilahy iray isam-pokony avy no halefanareo, ka izy rehetra dia hotsongaina amin’ireo mpiandraikitra azy.
3Dia nalefan’i Mosesy avy eo an-taniefitr’i Paràna araka ny baikon’ny TOMPO ireo. Samy lohandohan’ny Israelita avokoa izy rehetra. 4Toy izao avy ny anarany:
I Samoa zanakalahin’i Zakora, avy amin’ny fokon’i Reobena;
5I Safata zanakalahin’i Hôrỳ, avy amin’ny fokon’i Simehôna;
6I Kaleba zanakalahin’i Jefonè, avy amin’ny fokon’i Joda;
7I Jigàla zanakalahin’i Jôsefa, avy amin’ny fokon’i Jisakara;
8I Hôsea zanakalahin’i Nona, avy amin’ny fokon’i Efraîma;
9I Paltỳ zanakalahin’i Rafò, avy amin’ny fokon’i Benjamîna;
10I Gadiela zanakalahin’i Sôdỳ, avy amin’ny fokon’i Zebolòna;
11I Gadỳ zanakalahin’i Sosỳ, avy amin’ny fokon’i Manase zanak’i Jôsefa;
12I Hamiela zanakalahin’i Gemalỳ, avy amin’ny fokon’i Dana;
13I Setora zanakalahin’i Mikaela, avy amin’ny fokon’i Asera;
14I Nahabỳ zanakalahin’i Vôtsỳ, avy amin’ny fokon’i Naftalỳ;
15I Geoela zanakalahin’i Makỳ, avy amin’ny fokon’i Gada.
16Ireo no anaran’ny lehilahy nalefan’i Mosesy hisafo ny tany Kanahàna. Nataon’i Mosesy hoe Josoa i Hôsea zanakalahin’i Nona#13.16 Ny anarana roa Hôsea sy Josoa dia avy amin’ny fototra hebreo izay samy midika hoe ny Tompo mamonjy. –I Josoa dia efa niseho tamin’ny tantara ao amin’ny Eks 17.8-16..
17Nalefan’i Mosesy hisafo ny tany Kanahàna izy ireo ka nataony hoe:
–Miakara avy any atsimo, dia mianiha ny tendrombohitra 18hahitanareo ny toetry ny tany sy ny mponina ao na mahery izy na malemy, ary koa na vitsy izy na maro. 19Jereo ny tany onenan’ireo vahoaka ireo na tsara na ratsy ary ny tanàna ipetrahany na mimanda na tobin-day. 20Jereo ny tany raha lonaka na ngazana, na misy hazo maniry na tsia. Koa mandehana ary mahereza, dia mitondrà amin’ny vokatry ny tany.
Fahamasahan’ny voaloboka rahateo tamin’izay.
21Dia niakatra izy ireo ka nisafo ny tany nanomboka teo amin’ny taniefitr’i Tsina ka hatrany Rehôba akaikin’i Lebô-Hamata. 22Niakatra avy any atsimo izy ireo ka tonga tao Hebrôna izay nonenan’ny tarik’i Ahimàna sy i Sesay ary i Talmay, samy taranaky ny Hanakita. I Hebrôna dia niorina fito taona talohan’i Tsôhàna#13.22 Hebrôna: toerana sahabo ho eo amin’ny 30 km atsimo andrefan’i Jerosalema. –Hanakita: avy amin’i Hanàka izay olona tsy dia fantatra loatra, saingy entin-kilazana kosa ireo mponina fahizay tany Palestinina. –Tsôhàna (na hoe Tanisy): tanàna ejiptianina izay voaorina indray nandritra ny tapany faharoan’ny taonjato faha-18 tal J.K. (jereo Is 19.11 sy nta.) any Ejipta. 23Nankany amin’ny Lohasahan’i Eskôla ireo mpisafo tany ka nanapaka tahom-boaloboka misy sampahony#13.23 Lohasahan’i Eskôla: dia ao avaratr’i Hebrôna. Ny voambolana hebreo hoe eskôla dia sampahom-boaloboka no dikany, jereo and 24., ary nolanjain’olon-droa tamin’ny hazo niaraka tamin’ny ampongabendanitra sy ny aviavy. 24Dia nomena anarana hoe Lohasahan’i Eskôla na Lohasahan-tsampaho izany toerana izany, noho ny sampahom-boaloboka izay notapahin’ny Israelita teo.
Nanao tatitra ireo irak’i Mosesy
25Nony afaka efapolo andro, dia niverina avy nisafo ny tany ireo iraka. 26Nankeo amin’i Mosesy sy i Aharôna ary ny Fiangonan’ny Israelita rehetra tao an-taniefitr’i Paràna any Kadesy#13.26 Kadesy (na Kadesy-Barnea), 32.8; dia toerana isian-java-maniry any an-taniefitra izay eo anelanelan’ny taniefitr’i Paràna (and 3) ao atsimo sy ny taniefitr’i Tsina (and 21) ao avaratra. izy ireo, ka nanao tatitra tamin’ny besinimaro ary nampiseho azy ny vokatry ny tany. 27Izao no notantarain’ireo mpisafo tamin’i Mosesy:
–Nankany amin’ny tany izay nanirahanao anay izahay, ka hitanay fa tany tondra-dronono sy tantely tokoa ilay izy#13.27 tany tondra-dronono sy tantely: jereo Eks 3.8 sy nta.. Itony no vokatra avy tany. 28Saingy ny mponina ao aminy kosa dia mahery, ary ny tanàna dia mimanda sady lehibe. Hitanay tao koa aza ny taranaky ny Hanakita. 29Ny Hamalekita no monina amin’ny faritra atsimo; ny Hetita sy ny Hivita ary ny Jebosita sy ny Amôrita no any an-tendrombohitra, fa ny Kanahanîta kosa no mipetraka amoron-dranomasina Mediteranea sy amoron’i Jôrdàna.
30Nampanginin’i Kaleba ny vahoaka izay nimonomonona tamin’i Mosesy ka nataony hoe:
–Aoka hiakarantsika ny tany ka halaintsika fa haharesy azy tokoa isika.
31Ireo olona niara-niakatra tamin’i Kaleba kosa nanao hoe:
–Tsy afaka manafika ireo olona ireo isika fa mahery lavitra noho isika izy.
32Dia nanao izay haharatsy laza ny tany izay nosafoiny tamin’ny Israelita izy ireo ka niteny hoe:
–Ny tany izay nosafoinay dia tany mamono ny olona tonga monina ao#13.32 Satria tany tsy mahasalama izy na koa manjaka ao lalandava ny ady., ary ny olona izay hitanay tao dia ranjanana avokoa. 33Hitanay tao hatramin’ireo olona goavambe#13.33 Jereo Gen 6.4. taranak’i Hanàka aza; tahaka ny valala izahay miohatra aminy, ary dia toy izany koa no fijeriny anay.
Voafantina amin'izao fotoana izao:
Nomerỳ 13: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.