Tika Lisano Ya Kopamela Basusu | Eteni 2Mwa ndambo

KOKAMBA NA NZELA YA NDAKISA

Molili ezali elilingi ya liwa, kozanga elikya, kozanga boyebi, kokwea mpe mabe, nzokande pole ezali elilingi ya bomoi, elikya, boyebi mpe bolamu. Lokola ozali moklisto oyo abotami mbala ya mibale, osengeli te kobanga liwa mpamba te Yesu alongi mpe yo osila kolonga yango. Osengeli kopesa elikya na baoyo bazangi elikya boyebi epai ya baoyo bayebi eloko te, kolonga na bisika bolongi ezali te mpe kobebisa misala mabe. Yo lokola pole, molili ezali na ndingisa te ya kosala epai ozali. Ezali kokamwisa ngai ntango moklisto azali kobanga bondoki mpe azali komilela na ntina na bondoki ya libota na ye. Lolenge nini mwinda ekoki komilela na ntina na kopelisama na yango na butu wana eyebi ete esalemi na mokano ya kobengana molili? Ozali pole ya libota yango, ozali elikya ya kompanyi na binso mpe ya ekolo na bino.

Soki bozali na molili mpe moto moko azali na mwinda, moto wana akokoma mokambi na bino, ata soki ezali moto ya ekolo nini, azala atanga kelasi te, azala aza eloko te, soki kaka ye nde azali na mwinda, bino nyonso bokolanda ye kaka. Lokola Joseph, tika ete pole na yo engenga bipai nyonso okokende na nkombo ya Yesu.

Libondeli: Na nkombo ya Yesu, nazali kokata mpe kosakola ete ntango nyonso oyo nakozala na bomoi, nakozala momonisi ya Klisto epai nyonso Nakokende. Nazali Ambasadere ya Klisto na mokili. Molili ekotemela gai te na nkombo ya Yesu, AMEN.

Botangi mosusu: Nzembo 18:28 | Nzembo 119: 105 | Yoane 1:5 | 1 Petelo 3:15 | Yoane 8: 12 | Yoane 12:46 | Matayo 5:16| Nzembo 27:3 |