Tika Lisano Ya Kopamela Basusu | Eteni 2Mwa ndambo

NZELA YA KOKENDE LIBOSO

Ezali te mikakatano nyonso eutaka na lisumu. Yobo azalaki moto ya sembo koleka bato nyonso ya ntango na ye; moto akoki te kolobela bosembo kozanga kolobela Yobo. Yobo azalaki moto ya sembo na boye été Nzambe ye moko akokaki kotatola mpo na Ye liboso ya Zabolo mpe baanzelu. Zekalia na Elisabeta bazalaki bato ya sembo, kasi na boumeli ya bambula mingi, babotaki te. « Dawidi alobi ete: Moyengebene amonaka mpasi mingi, kasi Yehova akobikisa ye kati na yango nyonso. Abatelaka mikuwa na ye nyonso ; mpe mokuwa na ye moko te ebukani ».

Ntango moto azali na mikakatano, ezali te ntango ya kopesa ye to bato mosusu foti, kasi nde ntango ya koluka ndenge ya kosilisa yango. Soki likambo oyo ekotaki na mangomba ya lelo oyo, ekokaki kotalelama lokola elakeli mabe ya libota mpe moto oyo akufa miso asengelaki kolona mboto to kopesa mbeka mpo na kobuka bitumbelo ya mabe mpe elakeli mabe ya libota na mboka na ye.

Na mbala oyo lisusu, Yesu amonisaki été azali mokambi ya malamu mingi na ndenge apesaki moto ata moko foti te, mpe na esika na ye, apesaki nde nzela ya kosilisa mokakatano yango. Bakambi bazali bato oyo bapesaka biyano, kasi bazali te bato oyo bapesaka basusu foti. Ata moke te, Yesu apamelaki mokufi miso to baboti na ye, kasi nde amonisaka mwango ya libela mpo na kosilisa mokakatano yango. Soki nkosi ezali kokamba etuluku ya bampate mpe mapte ezali kokamba etuluku ya nkosi, bondima yango to te, bampate oyo ekambami na nkosi bakolonga bankosi oyo bakambami na mpate, mpamba te bituluku ya mabe ezalaka te, kasi balakisi ya mabe nde bazalaka.

Zala moalkisi malamu, mokonzi malamu oyo alukaka soliyo na esika ya koluka bandimbola.

Okoki kosalisa basusu sans kopesa bango to bato mosusu foti.

Mpo na kosilisa mokakatano yango, Nzambe amonisaki nguya na ye. Soki ozali nano na kondima ete Yesu azali ndenge moko lobi, lelo mpe libela na libela, na bongo osengeli kondima ete Nzambe akoki na komonisa nguya na ye na bomoi na yo na mokolo ya lelo mpamba te molimo oyo azalaki kosala makamwisi elongo na Yesu azali kato na yo. Luka nde nzela ya kokende liboso, kasi ya kozonga nsima te. Kotya masano foti ezali kozonga nsima nzela ya kokende liboso ezali Yesu Klisto mwango ya kosilisa mikakatano na biso. Ndima kaka okomona nkembo ya Nzambe na bomoi na yo.

Libondeli: Nkolo, Nandimi été ozali ndenge moko lelo, lobi mpe libela. Nabondeli mpo na moto nyonso azali kobela sasa hipi abika na nzoto na ye mobimba na nkombo na Yesu. Mpo na oyo nyonso azali na kati ya mikakatano mpe mitungisi, natatoli kimya na nkombo na Yesu. Tika été kimya ezala na mabala mpe na bikolo nyonso ya mokili, na nkombo ya Yesu, AMEN.

Botangi mosusu: Nzembo 34: 19-20 | Yobo 1:8| Luka 1: 5-7 | Ba Ebre 13:8 |Malako 9:23 | 1 Bakolinto 12:4-11 | Misala 2:2-4, 6-11|