Tika Lisano Ya Kopamela Basusu | Eteni 2Mwa ndambo

MOKONZI YA KOPEMELA BASUSU

Yesu amonaki moto oyo akufa miso; mpe bayekoli bamonaka ye, na bongo mokomi akoki koloba ete: Yesu mpe bayekoli na ye bamonaka mokufi miso, kasi alobi kaka Yesu, mpo na nini? Yesu amonaki mokufi miso na miso ya motema mawa mpe ya komibanzabanza, nzokande bayekoli bazalaki na makanisi ya kosambisa mpe ya kozanga komibanzabanza mpoo na mokufi miso wana. Kozala Mokonzi elimboli komibanzabanza mpo na bato. Natngo nyonso oyo omoni moto moko oyo azali na bosenga zingazinga na yo, talela ye te na makanisi ya kopamela to kosambisa, kasi tale ye na miso ya Yesu. Omituna soki Yesu azalaki awa, alingaki kosala nini mpona moto oyo?

Likambo oyo ekesenisaka balonga na bazangi ezali ete bazangi balimbolaka mabe na mabe mpe bapesaka bato mosusu foti, nzokande balonga bandimaka ntango nyoso mokumba na bango. Awa tozali na mokakatano ya mokufi miso uta abotama, bayekoli bazalaki koluka moto oyo bakopesa foti na esika ya kosilisa mokakatano yango. Kozala te lokola bato oyo balongaka te, tika kopamelaka basusu mpe banda kozwa mokumba na yo. Soki omoni ete olingaka kopesa basusu foti mpe koluka komilongisa ntango nyonso yeba ete ozali na mokakatano. Bongwana mpe zala mokambi malamu oyo akomibanzabanza mpo na ntina ya basusu.

Libondeli: Nkolo, sailsa ngai ntalelaka bato ndenge yo moko otalelaka bango mpe kotalelaka mikakatano ndenge yo moko otelelaka yango. Naboyi kazala moto oyo azangi kasi naponi kozala moto oyo apesaka biyano. Salisa ngai nazala mokambi malamu mpo na lokumu ya nkombo na yo, na nkombo ya Yesu, AMEN.

Botangi mosusu: 1 Petelo 5:2-3 | Nzembo 78:72 | 1 Bakolinto 16:14 |