របៀបអធិស្ឋានគំរូ

ជារៀងរាល់ថ្ងៃ យើងនិយាយទៅរកមនុស្សនៅជុំវិញខ្លួនយើង--អ្នកទាំងនោះ មានដូចជា ក្រុមគ្រួសារ មិត្តភក្ដិ និងសិស្សនៅក្នុងថ្នាក់រៀន។ តើនៅក្នុងបញ្ជីនេះ មានព្រះ ដែលអ្នកបាននិយាយជាមួយ ជារៀងរាល់ថ្ងៃ ដែរឬទេ?

ការអធិស្ឋាន នោះគឺដូច្នោះដែរ។ វាមានន័យថាជាការនិយាយ និងជាការស្ដាប់ពីព្រះ។ មនុស្សត្រូវការមានការប្រាស្រ័យទាក់ទង ដើម្បីឱ្យគេអាចមានទំនាក់ទំនងជាមួយនឹងមនុស្សដទៃ។ យើងនិយាយទៅរកព្រះ តាមការអធិស្ឋានជាប្រចាំថ្ងៃ ដើម្បីឱ្យយើងអាចមានទំនាក់ទំនងជាមួយនឹងព្រះអង្គ។ ហេតុដូច្នេះហើយបានជាការអធិស្ឋាន នោះពិតជាសំខាន់។

ទោះបើនៅពេលដែលមនុស្សគេអធិស្ឋាន និងប្រាប់ពីអ្វីទៅព្រះ ទាំងគេពុំសម្គាល់ដឹងថាព្រះមានបន្ទូលតបមកវិញយ៉ាងណាក្ដី នោះព្រះ នៅតែសព្វព្រះទ័យ ចង់ឱ្យយើងមានការប្រាស្រ័យទាក់ទងជានិច្ច ជាមួយនឹងព្រះអង្គ អស់ពេញមួយថ្ងៃ មួយសប្ដាហ៍ និងពេញអស់មួយជីវិតរបស់យើង។

នៅក្នុង វគ្គវីដេអូ ជីវិតរបស់ថាយឡឺ នេះ នោះ ថាយឡឺ បានសួរពីសំណួរ ដែលមាននៅក្នុងដំណើរជីវិតរបស់គាត់ ដើម្បីស្វែងយល់ ថាការអធិស្ឋាន នោះមានន័យយ៉ាងណា។ គាត់បានរៀនថា ការនិយាយ ឬអធិស្ឋានទៅរកព្រះ នោះមានន័យថា ជាការប្រាប់ និងជាការស្ដាប់ចំពោះព្រះ។

សំណួរ៖ តើអ្នកនិយាយទៅរកព្រះប៉ុន្មានដងដែរ ក្នុងមួយថ្ងៃ ឬមួយសប្ដាហ៍ របស់អ្នក?