ការតមរយៈពេល ២១ ថ្ងៃគំរូ

មិនទទួលទានអ្វីទាំងអស់ក្រៅពី បន្លែនិងទឹក។ ហើយមិនគ្រាន់តែសម្រាប់ ៣ សប្ដាហ៍តែប៉ុណ្ណោះនោះទេ ប៉ុន្តែគឺអស់មួយរយៈកាលពេញ នៅពេលដែលពួកគេត្រូវចំណាយពេលបង្វឹកបង្វឺននៅឯស្រុកបាប៊ីឡូននោះ! ការឆ្លើយតបរបស់បុរសវ័យក្មេងទាំង ៤ នាក់ មិនមែនថ្លែងដោយសារតែពួកគេភិតភ័យ ដោយខ្លាចមាននរណាគេចាប់គាត់ ពេលប្រព្រឹត្ដខុសក្រឹត្យវិន័យឡើយ។ ទង្វើរបស់ពួកគេ គឺធ្វើឡើងដោយសារតែពួកគេ មានចិត្ដផ្ដោតភ្ជាប់ទៅកាន់បទបញ្ជានៃព្រះជាម្ចាស់ ដែលបានមានមូលដ្ឋានគ្រឹះដ៏មាំនៅក្នុងពួកគេ មុនពេលដែលពួកគេ​ បានត្រូវខ្មាំងចាប់និរទេស ចេញពីស្រុកកំណើតរបស់ពួកគេ ទៅទៀត។ នៅក្នុងអំឡុងពេលតមនេះ អ្នកនឹងទទួលនូវឱកាស (ការល្បួង) ឱ្យអ្នកចាកចេញឆ្ងាយពីការប្ដេជ្ញាចិត្ដរបស់អ្នក--ជាពិសេស ប្រសិនបើអ្នកធ្វើការតមដោយឯកឯង ឬប្រសិនបើមិនមាននរណាម្នាក់រកឃើញពីការគ្រោងរបស់អ្នកនោះទេ។ ចូរអធិស្ឋានទៅកាន់ព្រះជាម្ចាស់ ដើម្បីសូមឱ្យទ្រង់អាចផ្ដល់ឱ្យអ្នកនូវដំណោះស្រាយ និងក្ដីក្លាហាននៅក្នុងការបន្តនៅជាប់ និងឈរមាំលើស្តង់ដារ ដែលអ្នកបានត្រៀមប្ដេជ្ញា ហើយលើកដំកើងព្រះនាមរបស់ព្រះជាម្ចាស់ ទោះបើអ្នកត្រូវឆ្លងកាត់អ្វីក៏ដោយចុះ។