ជំហានដំបូងរបស់អ្នកគំរូ

អត់ឱនទោស

ការជ្រើសរើសដើរតាមព្រះយេស៊ូវ មិនមែនគ្រាន់តែបានដាក់ជំហានរបស់អ្នក ទៅក្នុងមាគ៌ាមួយថ្មីប៉ុណ្ណោះនោះទេ តែវាមានន័យថា ព្រះមិនយកអតីតកាលរបស់អ្នក មកពាំងអ្នកដែរ។ បើនិយាយឱ្យស្រួលស្ដាប់ នោះគឺថាព្រះអង្គបានអត់ឱនទោសឱ្យអ្នកហើយ។

ការទទួលបាននូវការអត់ឱនទោស នោះគឺជាបទពិសោធន៍ ដែលនាំឱ្យយើងមានមានអារម្មណ៍ថាខ្លួនយើងស្រាល ហើយមានសេរីភាព។ ការរស់នៅដោយពុំមានជាប់នៅភាពអាម៉ាស់ ឬវិប្បដិសារី នោះមានន័យថា យើងអាចរស់នៅជាមួយនឹង ជីវិតដែលលែងកាន់បន្ទុក ហើយមិនធ្ងន់ដូចមុន។

ហើយផ្នែកដ៏ល្អបំផុត នោះគឺថា៖ អ្នកមិនចាំបាច់ប្រឹងធ្វើការងារហត់នឿយ ដើម្បីទទួលបានការអត់ទោសនេះទេ។ ព្រះអង្គប្រទានការអត់ទោសដល់អ្នកដោយឥតគិតថ្លៃ។

តែទោះជាយ៉ាងនេះក្ដី មាននូវតម្រូវការចំនួនពីរ ដើម្បីឱ្យអ្នកអាចទទួលនូវការអត់ឱនទោសនេះបាន។

1. អ្នកត្រូវតែទទួលស្គាល់ទាំងចេះបន្ទាបខ្លួន ថាអ្នកត្រូវការការអត់ឱនទោសពីបាប។
2. អ្នកត្រូវអត់ឱនទោសឱ្យដល់អ្នកដទៃ។

យើងមិនអាចក្លាយទៅជាអ្នកទទួលបានពីព្រះគុណ ដែលយើងមិនសមនឹងទទួល រួចហើយកាន់ជាប់នូវការមើលងាយ និងស្អប់ខ្ពើមចំពោះអ្នកដទៃបានទេ។ ការរស់នៅក្នុងជីវិតទទួលបានការអត់ទោស នោះមានន័យថា ឥឡូវនេះ អ្នកមានសេរីភាព នៅក្នុងការបានអត់ឱនទោសឱ្យហើយ។ អ្នកមិនចាំបាច់សន្សំពិន្ទុ រាល់ពេលនរណាម្នាក់ធ្វើខុសទៀតទេ។ ព្រះជាម្ចាស់បានជម្រះក្ដារខ្មៅ (ឬអាចនិយាយមួយបែបផ្សេងទៀតថាជា បញ្ជីក្បាលឆ្កែនៃទង្វើខុសឆ្គងទាំងឡាយ) នោះហើយ។ បន្ថែមពីនេះ ព្រះអង្គបានបង្គាប់ឱ្យអ្នកធ្វើយ៉ាងដូច្នេះ សម្រាប់អ្នកដទៃដូចគ្នា។

ពេលណាអ្នកជ្រើសរើសអត់ឱនទោសឱ្យនរណាម្នាក់ បានកាន់តែលឿន នោះអ្នកក៏នឹងទទួលបានសេរីភាព កាន់តែលឿនយ៉ាងនោះដែរ។ ចូរធ្វើខ្លួនដូចជាអង្គព្រះយេស៊ូវ៖ ព្រះអង្គបានអត់ឱនទោសដល់អ្នក។ ឥឡូវនេះ ចូរអ្នកអត់ឱនទោសដល់អ្នកដទៃដែរ។