ទាញយកកម្មវិធី#JESUS2019 - ពេលវេលាប្រចាំថ្ងៃជាមួយព្រះគំរូ
“សេចក្តីអធិស្ឋាននៃព្រះជាម្ចាស់” ប្រហែលជាការអធិស្ធានដ៏ល្បីនៅក្នុងព្រះគម្ពីរ។ នៅកាលពីកុមារភាពរបស់ខ្ញុំ ខ្ញុំត្រូវការរៀនទន្ទេញអត្ថបទនេះដោយចាំក្នុងចិត្តនៅក្នុងថ្នាក់រៀនខ្ញុំ។ ហើយនៅក្នុងអំឡុងពេលនោះវាដូចជាកំណាព្យ ដ៏គួរឲ្យធុញសម្រាប់ខ្ញុំ។ មួយសប្តាហ៍ទៅមួយសប្តាហ៍វាដក់ជាប់ក្នុងមាត់ខ្ញុំ។ ថ្ងៃនេះ “សេក្តីអធិស្ធាននៃព្រះជាម្ចាស់” បានក្លាយជាអ្វីមួយដ៏សំខាន់សម្រាប់ខ្ញុំលើសពីពាក្យធម្មតា ហើយខ្ញុំមិនចាំបាច់គិតថា តើពាក្យនោះមានអត្ថន័យយ៉ាង ណានោះទេ វាជាបញ្ជីផ្ទៀងផ្ទាត់។ បញ្ជីផ្ទៀងផ្ទាត់សម្រាប់ប្រចាំថ្ងៃ ដែលវាត្រូវបានតម្រៀបតាមអ្វីដែលសំខាន់មុន។ តើតាមរយៈការនេះខ្ញុំចង់មានន័យដូម្តេច?
១. ព្រះអង្គជាព្រះអស្ចារ្យ ជាស្តេច និងជាបិតារបស់ខ្ញុំ
ឱព្រះបិតានៃយើងខ្ញុំ ដែលគង់នៅស្ថានបរមសុខអើយ!
សូមសម្តែងព្រះនាមដ៏វិសុទ្ធរបស់ព្រះអង្គឲ្យមនុស្សលោកស្គាល់
២. គំនិតរបស់ទ្រង់គឺល្អប្រសើជាងគំនិតខ្ញុំ នេះជាមូលហេតុដែលបំណងព្រះហឬទ័យរបស់ទ្រង់គួរតែបានសម្រេច
សូមឲ្យព្រះរាជ្យ*ព្រះអង្គបានមកដល់ សូមឲ្យព្រះហឫទ័យទ្រង់បានសម្រេចនៅលើផែនដី ដូចនៅស្ថានបរមសុខដែរ។
៣. សូមផ្តល់កម្លាំងឲ្យកូនដើម្បីដើរតាមទ្រង់ សូមប្រទានអាហារដែលយើងខ្ញុំត្រូវការនៅថ្ងៃនេះ។
៤ ខ្ញុំនឹងអត់ទោសទៅកាន់អ្នកដទៃព្រោះទ្រង់បានអត់ទោសមកកាន់ខ្ញុំ
សូមអត់ទោសឲ្យយើងខ្ញុំ ដូចយើងខ្ញុំបានអត់ទោសឲ្យអស់អ្នកដែលបានប្រព្រឹត្តខុសនឹងយើងខ្ញុំ។
ព្រះយេស៊ូជាពិសេសសូមបានបញ្ជាក់បង្ហាញមកយើងថាយើងមិនគួរនិយាយចេញនូវអត្ថបទរបស់ទ្រង់ដូចជារបៀប ដែល យើងសូត្រនូវកំណាព្យនៃក្តីស្លាប់នោះឡើយ។ ទ្រង់ចង់ឲ្យយើងឆ្លុះបញ្ចាំងលើវា ហើយនាំយកនូវចំណុច នេះទៅកាន់ព្រះជាថ្មីជារៀងរាល់ថ្ងៃ។ ការចែកចាយនេះវាគ្រប់គ្រាន់ហើយសម្រាប់អ្នកដើម្បីយកមកគិតអំពីវា ប៉ុន្តែសូមឲ្យខ្ញុំបានចង្អុលបង្ហាញអ្វីមួយទៅកាន់អ្នក។
យើងកំពុងស្ថិតនៅសប្តាហ៍ដែលនិយាយពី “នំបុ័ងជីវិត” ដូចនេះសូមក្រឡេកមើល (ខទី១១) ។
សូមប្រទានអាហារដែលយើងខ្ញុំត្រូវការនៅថ្ងៃនេះ។
មើលទៅប្រយោគនេះដូចខ្លី និងមិនសំខាន់សោះ វាសឹងតែលុបបាត់ដោយសារខគម្ពីរដែលវែងទៅហើយ។ ខ្ញុំអាចនឹងសរសេរនូវសេចក្ដីអធិប្បាយដោយប្រើខគម្ពីរបន្ទាប់ ប៉ុន្តែព្រះយេស៊ូបានផ្តល់អ្វីមួយមកកាន់គំនិតរបស់ខ្ញុំ គឺនៅពេលដែលទ្រង់បានមានបន្ទូលឲ្យយើងសុំនូវអាហារប្រចាំថ្ងៃ។
តើអ្នកមានកត់សម្គាល់អ្វីមួយដែរទេ? យើងទទួលបានអំណាចនូវនំបុ័ងដ៏សំខាន់មុននឹងយើងអត់ទោស។ តើអ្នកមានស្គាល់ការផ្សព្វផ្សាយពាណិជ្ជកម្ម ដែលមានមនុស្សម្នាក់មិនព្រមស្ងាត់សោះរហូតទាល់តែបានញ៉ាំសូកូឡាទេ? ប្រសិនបើយើងមិនចេះស្ងប់ចិត្តពីខាងក្នុងមកទេ នោះយើងនឹងពិបាកក្នុងការអត់ទោស។ វាស្រដៀងគ្នាទៅនឹងពេលដែលអ្នកស្ថិតក្នុងអារម្មណ៍មិនល្អ ព្រោះពោះអ្នកឃ្លាន។ នេះជាមូលហេតុដែលយើងត្រូវញ៉ាំនំបុ័ងខាងព្រលឹងវិញ្ញាណជាប្រចាំ។
ការអនុវត្ត:
សូមអធិស្ធានដោយប្រុងប្រយ័ត្នចំពោះ ”អាហាររបស់ព្រះអម្ចាស់” ដូចជាបញ្ជីដែលត្រូវធ្វើ។ សូមបានសម្រាកនិងសរសេរបន្ថែមនៅពាក្យផ្ទាល់ខ្លួនរបស់អ្នកនៅក្នុងនេះ ហើយសូមចងចាំថាអ្នកត្រូវការនំបុ័ងជារៀងរាល់ថ្ងៃដើម្បីអាចធ្វើការអត់ទោសបាន។
Andreas Hörner – ICF Grünheide
អត្ថបទគម្ពីរ
អំពីគម្រោងអាននេះ
ក្នុងអំឡុងប៉ុន្មានសប្ដាហ៍មុនពិធីបុណ្យព្រះយេស៊ូរស់ឡើងវិញយើងចង់ទទួលបាននូវការយល់ដឹងស៊ីជម្រៅអំពីព្រឹត្តិការណ៍ដ៏សំខាន់នេះនៃជំនឿរបស់យើងអោយស្គាល់ទ្រង់កាន់តែច្បាស់ហើយមានពិសោធន៍ពីរបៀបដែលប្រកបដោយសេចក្ដីស្រឡាញ់របស់ទ្រង់នៅលើឈើឆ្កាងអាចផ្លាស់ប្តូរជីវិតយើងជារៀងរហូត។ យើងនឹងពិនិត្យមើលយ៉ាងដិតដល់នូវពាក្យរបស់ព្រះយេស៊ូដែលថា "ខ្ញុំជា" ហើយដោយការធ្វើដូច្នេះយើងនឹងរកឱ្យឃើញថាព្រះយេស៊ូវគឺជានរណានិងអ្វីទៅដែលទ្រង់ត្រូវតែផ្តល់ឱ្យយើងកាន់តែស៊ីជម្រៅបន្ថែមទៀត។
More
យើងសូមអរគុណដល់ ICF Movement ដែលបានផ្តល់នូវផែនការនេះ។ សម្រាប់ព័ត៌មានបន្ថែមសូមទស្សនា: www.icf.church/jesus
