MARKOS 13
13
U Jisu u ïathuh shaphang ka jingpynjot ïa ka Templ
(Mat. 24:1-2; Luk. 21:5-6)
1Katba U Jisu u dang mihnoh na ka Templ, uwei na ki synran jong u, u la ong, “Khmih, ko Nonghikai! Haduh katno ki maw bad ki jingtei ki long kiba iphylla!”
2U Jisu u la jubab “Phi ïoh kine ki jingtei bakhraw? Ïa uwei u maw ruh yn ym iehnoh ha ka jaka jong u; ïa uwei pa uwei na ki yn sa pynkhyllem noh.”
Ki jingjynjar bad ki jingshah pynshitom beiñ
(Mat. 24:3-14; Luk. 21:7-19)
3U Jisu u dang shong halor u lum ki Olib, pyrshah ïa ka Templ, mynba u Petros, u Jakob, u Ïoannis bad u Andriw ki la wan jar jar ha u. 4“To ïathuh ïa ngi lano kane kan sa long,” ki la ong, “bad to ïathuh ïa ngi kaei ka ban jia ban pyn-i ba ka por ka la poi na ka bynta kine kiei kiei baroh ban long.”
5U Jisu u la ong ïa ki, “Sumar bha, bad wat ai ïano ïano ban shukor ïa phi. 6Shibun ki briew, ki ban kam ba ki kren na ka bynta jong nga, kin wan bad ong, ‘Nga long ma u!’ bad kin shukor ïa kiba bun ki briew. 7Bad wat sngewkhuslai haba phi ïohsngew ki jingsawa ki thma hajan jong phi bad ïa ki khubor jong ki thma jngai na phi. Ka dei ïa kine kiei kiei ban jia, hynrei kam mut ba ka jingkut ka la long. 8Ki ri kin ïaleh para ma ki; ki hima kin tur ïaleh kawei ïa kawei pat. Ki jumai kin khynñiuh ha kylleng, bad kin don ki 'nemsniew. Kine kiei kiei ki long kum ki jingpang suh kha banyngkong.
9 #
Mat. 10:17-20; Luk. 12:11,12 “Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha. 10Hynrei shuwa ba ka jingkut kan wan, ïa ka Gospel yn ïalap ha ki jaitbynriew baroh. 11Bad haba la kem ïa phi bad ïalam sha ka ïingbishar, wat khuslai lypa ïa kaei kaba phin kren; haba ka por kan poi, to kren ïa kaei kaei kaba yn sa ai ha phi ha kata ka por. Namar ki ktien kiba phin sa kren, kin ym long ki jong phi; kin wan na U Mynsiem Bakhuid. 12Ki briew kin aiti noh ïa la ki hynmen ki para ban pynïap ïa ki, bad ki kpa kin leh kumjuh ïa la ki khun, ki khun ki ïeng pyrshah ïa la ki kmie ki kpa bad kin aiti ïa ki ban shah pynïap. 13#Mat. 10:22Baroh kin shun ïa phi na ka bynta jong nga. Hynrei uta uba ïaineh haduh kaba kut, un ïohlait im.
Ka Jingijli Bashyrkhei
(Mat. 24:15-28; Luk. 21:20-24)
14 #
Dan. 9:27; 11:31; 12:11 “Phin sa ïohi ïa ka ‘Jingijli Bashyrkhei’ kaba ïeng ha ka jaka kaba kam dei ban don.” (Ka jingpynkynmaw ïa uba pule: da pynthikna ban sngewthuh ka mut aïu kane!) “Te kito kiba don ha Judia ki dei ban phet sha ki lum. 15#Luk. 17:31U briew uba don halor ka tnum jong ka ïing jong u, um dei ban pynlut por da kaba hiar shapoh ka ïing ban shim ei ei ban rah bad u. 16U briew uba don ha ka lyngkha, um dei ban leit phai pat sha ïing na ka bynta ka jaiñkup. 17Katno kan long kaba shyrkhei ha kita ki sngi na ka bynta ki kynthei kiba armet bad ki kmie kiba don ki khun rit! 18To duwai ha U Blei ba kine kiei kiei kin ym jia ha ka por tlang! 19#Dan. 12:1; Jpw. 7:14Namar ka jingshitom jong kita ki sngi kan long kaba kham sniew, ban ïa kaei kaei kaba ka pyrthei ka la ju tip naduh myn nyngkong eh ba U Blei u la thaw ïa ka pyrthei haduh ka por ba mynta. Lymne yn ym don shuh hadien kum kata kaei kaei. 20Hynrei U Trai u la pynduna ïa ka jingjlan jong kita ki sngi; lada um shym la leh kumta, yn ym don u ban lait im. Hynrei, na ka bynta ki briew ba la jied jong u, u la pynduna ïa kita ki sngi.
21“Te, lada uno uno u ong ha phi, ‘Khmih, hangne u don U Messaïah!’ lane, ‘Khmih, hangtai u don!’ — wat ngeit ïa u. 22Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah. 23Sumar bha ïa lade! Nga la ïathuh ïa kiei kiei baroh ha phi shuwa ba ka por kan poi.”
Ka jingwan U Khun U Briew
(Mat. 24:29-31; Luk. 21:25-28)
24 #
Isa. 13:10; Joel. 2:10,31; 3:15; Jpw. 6:12;
Isa. 13:10; Ese. 32:7 “Ha ki sngi hadien kata ka por jong ka jingjynjar, ka sngi kan sa kylla dum, u bnai un ym shai shuh, 25#Isa. 34:4; Jpw. 6:13; Joel. 2:10ki khlur kin hap na bneng, bad ïa ki bor ha ka haw haw yn pynkynriah noh na ki lynti ïaid jong ki. 26#Dan. 7:13; Jpw. 1:7Nangta U Khun U Briew un mihpaw, da kaba wan ha ki lyoh ha ka bor bakhraw bad ka burom. 27Un phah noh ïa ki angel sha sawdong ka pyrthei ban ïalumlang ïa ki briew ba la jied jong U Blei, na kawei ka dong jong ka pyrthei sha kawei pat.”
Ka jinghikai na u dieng Dumbur
(Mat. 24:32-35; Luk. 21:29-33)
28“Ai ba u dieng Dumbur un ai ka jinghikai ïa phi. Haba ki tnat jong u ki la jyrngam bad khie lung bad u la sdang ban sei ki sla, phi tip ba ka lyiur ka la jan. 29Ha kajuh ka rukom, haba phi ïoh ïa kine kiei kiei ba ki jia, phin tip ba ka por ka la jan, kaba la kloi ban sdang. 30To kynmaw ba kine kiei kiei kin jia shuwa ba ki briew kiba dang im mynta, ki la ïap noh. 31Ka bneng bad ka pyrthei kin leit noh, hynrei ki ktien jong nga kin ym leit noh lano lano ruh.”
Ym don batip ïa ka sngi lane ka kynta
(Mat. 24:36-44)
32 #
Mat. 24:36
“Ym don pat batip, lano kata ka sngi lane ka kynta kin wan — lymne wat ki angel ha bneng, lymne U Khun; tang U Kpa u tip. 33Sumar bha bad peitngor, namar phim tip lano kata ka por kan wan. 34#Luk. 12:36-38Kan long kumba u briew uba mih na ïing ban leit jingleit, bad u iehnoh ha ki shakri ban khmih ïa ka kam, hadien ba u ai ha uwei pa uwei ïa ka kam jong u ban leh, bad hadien ba u ong ïa u nongap khyrdop ban peit bha. 35To ap phira bha te, namar phim tip lano u kynrad jong ka ïing un wan — ka lah ban long ha ka por janmiet lane ha ka por shiteng synñia lane ha shuwa ka step phyrngab lane ha ka por tang shu mih sngi. 36Lada un wan kynsan kynsan, um dei ban shem ïa phi ba phi ïohthiah. 37Kaei kaba nga ong ïa phi, te, nga ong ïa baroh: To khmih bha!”
Currently Selected:
MARKOS 13: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.