Popular Bible Verses from MARKOS 13

Share

Baroh kin shun ïa phi na ka bynta jong nga. Hynrei uta uba ïaineh haduh kaba kut, un ïohlait im.

Sumar bha bad peitngor, namar phim tip lano kata ka por kan wan.

Bad haba la kem ïa phi bad ïalam sha ka ïingbishar, wat khuslai lypa ïa kaei kaba phin kren; haba ka por kan poi, to kren ïa kaei kaei kaba yn sa ai ha phi ha kata ka por. Namar ki ktien kiba phin sa kren, kin ym long ki jong phi; kin wan na U Mynsiem Bakhuid.

Ka bneng bad ka pyrthei kin leit noh, hynrei ki ktien jong nga kin ym leit noh lano lano ruh.”

“Ym don pat batip, lano kata ka sngi lane ka kynta kin wan — lymne wat ki angel ha bneng, lymne U Khun; tang U Kpa u tip.

Bad wat sngewkhuslai haba phi ïohsngew ki jingsawa ki thma hajan jong phi bad ïa ki khubor jong ki thma jngai na phi. Ka dei ïa kine kiei kiei ban jia, hynrei kam mut ba ka jingkut ka la long.

To ap phira bha te, namar phim tip lano u kynrad jong ka ïing un wan — ka lah ban long ha ka por janmiet lane ha ka por shiteng synñia lane ha shuwa ka step phyrngab lane ha ka por tang shu mih sngi. Lada un wan kynsan kynsan, um dei ban shem ïa phi ba phi ïohthiah. Kaei kaba nga ong ïa phi, te, nga ong ïa baroh: To khmih bha!”

Ki ri kin ïaleh para ma ki; ki hima kin tur ïaleh kawei ïa kawei pat. Ki jumai kin khynñiuh ha kylleng, bad kin don ki 'nemsniew. Kine kiei kiei ki long kum ki jingpang suh kha banyngkong.

Hynrei shuwa ba ka jingkut kan wan, ïa ka Gospel yn ïalap ha ki jaitbynriew baroh.

Shibun ki briew, ki ban kam ba ki kren na ka bynta jong nga, kin wan bad ong, ‘Nga long ma u!’ bad kin shukor ïa kiba bun ki briew.

“Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

“Ha ki sngi hadien kata ka por jong ka jingjynjar, ka sngi kan sa kylla dum, u bnai un ym shai shuh, ki khlur kin hap na bneng, bad ïa ki bor ha ka haw haw yn pynkynriah noh na ki lynti ïaid jong ki.