Luka 17
17
1Una aivara Iesu erau voa kuruenave, Uai aieakeiakana kapoi, au’a, u eiai, uku u uai aieakeiakana!
2Ima u eiai rawre ovara una ke piriakeia’ane, ere aura arau ai u keimakeia’?-?ane, u ei a’a mau’u monou aravai eane.
3Noro oivirine nomo opara eiai. Ni aroa a’a namea liane, ni eine; u lai urukiane, ni paue’awmi’ine.
4U lare monou, pani 7, namea‐nikava’ane; pani 7 u lai urukiane, ni paue’awmi’ine.
5Iva a’a Amua erau voa kurunave, Pirimaroakoa Ni akune.
6Amua erau voa kuruenave, Nomo pirimaroakoa sinapi uru ipi’ipiakeia’ane, ei iri noro erau voa awkiai liakana, Lainikine, ni neva ane, ere aura ai kiniakeine; u kamaia‐nakavakana.
7A nomo a’a koana u aivara a’a mi’ina, kurua a’a aura ai iaki limakina naea, mamoe eivirimakina naea, u iaki mere vairuane, nomo a’a una aivara erau voa kurumau, Pei navai emoki pa’ane.
8U erau voa kuruapeana, Na pei evene, eme pirine ane, pei kamaia‐ikane ane, anea’anea na pei nai oailiane; neko mere ai ni awku pei navakana?
9U aivara amakepoi’i uku u kamaia li’ina orau amua awkiaka?
10Awkia voa uriria na?-?kiakeina, noro kamaia liane euna, noro awku erau voa kuruai limakina, Ene kamaia iaki avioia eria mi’ina, uku iaki enei liane euna enei liai limakina.
11Omo aki oro enamakei’inave Ierusalema i, Samaria eiei, Galilaia eiei ane, vimu ai U enanave.
12U pai’iri monou ikirimakei’inave, apa auma a’a 10 au‐awkunave, oro amai mere oinave.
13Voa araro oro erau voa laea‐ulau’unave, Iesu e, Amua e, umu‐akane.
14U inamu‐eimakei’inave, erau voa kuruenave, Enara, nomo kape omoro a’a ipekira. Oro enamakei’inave kapea ai omo kape urupu‐eiakei’inave.
15Omo a’a monou u inamu‐oiaka’ane u aukarikavakeina, u vairunave, voa araro u Eloi avioinave,
16Iesu unu paku ai u are epo ai’inave, kepoinave ane: ei a’a Samaria eiei a’a kei’inave.
17Iesu erau voa veve’enave, A’a 10 urupu‐eiakei’inave peana? A’a 9 ekeiana?
18Omo a’a kapeo ana vairuna Eloi kepoiai, ei kau?-?riri a’a e ana?
19Ei a’a Iesu erau voa kurunave, La’ane, ni pai’iri ai enara: ni pirimaroakoa aukarinika’ane euna.
20Parisea a’a voa veve’e?-?aka’ane uku Eloi inu eiei inu anea pani eiai, U erau voa kuruenave, Eloi inu eiei vauki‐rokoa aneliviai anelia.
21A’a erau voa kuruapea, Eu aku, iou aku, uku Eloi inu eiei noro laru ai uakeina.
22U aivara erau voa kuruenave, Pani aneliviai anelia noro umuliakana A’a anu Mere enu lare monou inamu‐oiai, noro inamu‐oiapea.
23Oro kurunaiakana, Akoi’i, eu aku! iou aku! Evoroai noro pa e’e’ekavai.
24Uku orau evao kaia ei ane mekai mere iou ane mekai ai paraparali’ina; orau awku A’a anu Mere keiakana Una lare ai.
25A pinai U kukunu aila miai limakina, i ei kiri a’a inaka‐awkavakeiakana.
26Orau opara rokoakei’inave Noa anu rokoa pani ai, orau opara keiakana A’a anu Mere enu pani ai.
27Oro pei na’amakei’inave, a’e mimakei’inave, vako pei awkumakei’inave, anea’anea kurua lare Noa mapea lakeane, ere aru anea’ane, oro uriria e‐avakei’inave.
28Orau awku liakei’inave Lota anu rokoa pani ai; oro pei na’amakei’inave, peipei inaea limakei’inave, aurapei kinimakei’inave, marea la?-?ekamakei’inave;
29A kurua lare Lota Sodoma pai’iri mere elenave, iau kaia mere ara’anave, oro uriria e‐a’anave ane.
30Orau keiakana kurua lare ai A’a anu Mere ipawkiakeia’ane.
31Kurua lare ai a’a una marea i’i ai pokoiakana, una aru marea laru ai keiakana, u pa liliai una aru iou‐miai: u ane u aura ai pokoiakana, u marea ai pa vairuai.
32Lota anu a’e laikora?-?nakine.
33A’a kavakava una rokoa iawkavai u umuli’ina, una rokoa u paukiakana; a a’a kavakava una rokoa paukina una rokoa u iawkavakana.
34Nai nakina, kurua kipere ai a’a rere kile monou upa mere keiakana; monou iou‐miakeiakana, a’a mo ave’eakeiakana.
35A’e rere kiripai pu awmakeiakana; monou iou?-?miakeiakana, a’e mo ave’eakeiakana.
36A’a rere aura ai keiakana; monou iou‐miakeiakana, a’a mo ave’eakeiakana.
37Oro erau voa veve’enave, Amua e, Ekeiana? U erau voa kuruenave, Mako‐mako ai kape pomoa keina kio awku i‐kaupukia?-?kana.
Attualmente Selezionati:
Luka 17: IAR1920
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the British and Foreign Bible Society in 1920.
