Luka 18
18
1Aipo voa U ipekinave ane uku oro panipani ai Eloi nawki‐awkavai limakina, oro oia eavu li’inavaia.
2U erau voa kurunave, Pai’iri monou ai voa vevea amua a’a uarokoanave, u avioia eria miaka Eloi eiai, a’a awku eiai.
3Kurua pai’iri ai a’e kepea i‐pokoinave; voa vevea amua anu paku ai u anenave, erau voa kurunave ane, Ipu?-?imi’ine uku na mani a’a eiai.
4Pinai pani a’e kepea anu nawki u kamaia‐a‐li’inavea: neko mere ai una lai laru ai u erau voa kurunave, Eloi, a’a ane, nai avieiapea:
5A uku ei a’e kepea kuku?-?puna‐ikana nai ipu‐awmia?-?kana, u anenavaia kuku?-?puna‐ikavai.
6Amua erau voa kurunave, Namea voa vevea amua anu voa virine.
7Eloi awku Una iaa a’a ipu‐emiapeana, U ane U lai kekepa keina oro eiai, oro lare pani, kipere pani ane, nawki‐awkana?
8Lia, U emoki ipu‐emia?-?kana. A A’a anu Mere anea’ane, pirimaroakoa pani va’au ai U auimau?
9A’a varomo oro laikoranave oro opara anana a’a kei’inave, a’a e oro inaka?-?ekanave, oro eiai ei aipo voa U kurunave:
10A’a rere Eloi nawki‐awkavai omoro marea inanave; a’a monou Parisea a’a kei’inave, a’a e moni akoa a’a kei’inave.
11Parisea a’a kape anana oimakei’inave, u verukua erau voa nawki‐awkanave, Nai avinina uku nai a’a e mikiriapea, nai avapu a’a peo, nai ewaea a’a peo, nai eve’eve a’a peo, nai ei moni akoa a’a mikiriapea.
12Lare rere ebedoma kavakava nai pei larili’ina, na aru uriria nai kokorana, aru aua monou nai la’aruku awkuna.
13Moni akoa a’a amai neko ai oimakei’inave, pani muku ai u inamu‐a‐ekinavea, una ukari ai eve vakimakei’inave, erau voa kurumakei’inave ane, Eloi e, nai namea a’a Ni umu‐ikane.
14Nai kurunaina, Ei a’a paue’awmiakei’inave una marea ai vairunave, uku una mua Parisea a’a anu mua ipi’ipia‐a‐kei’inavea: uku a’a kavakava una nane are’ena, u rurupu‐awkavakeiakana; a’a ane u una nane kekepa‐awkana, u are’eakeiakana.
15Upi U ai oro mi‐anenave U neke’eane‐iai: Una aivara ei opara inamu‐oiaka’ane oro upi inu mei ei’inave.
16Iesu upi U ai aneai laea‐elau’unave, erau voa kurunave ane, Upi mau’u Nai ai aneai evere’eine, pa eiai: uku Eloi inu eiei a’a oro orau keina.
17Nai kurunaina kapoi, a’a Eloi inu eiei umu‐aiape liane upi mau’u orau u ikiriapea.
18Amua a’a monou erau voa veve’enave, Amua ima e, nai oiamalimau rokoa opai roikiai?
19Iesu erau voa veve’enave, Uku oiana ni ima iroina? a’a kapeo ima keina, Eloi e ima keina.
20Ni vupu ipa‐elauna, Eve’eve pa liai; a’a pa avai; avapu pa liai; a’a pa aviai; ni mekai, mei ane, avieine.
21U erau voa kurunave, Na ukua pani mere ei vupu uriria nai kamaia‐ekava’ane euna.
22Iesu una voa viriaka’ane U erau voa kurunave, Awku monou ni oea‐rokona: ni aru uriria inaea li’ira, aru kavani rurupu a’a ekura, vaupa aru ni miakana pani muku ai: anene, e’e’ikane ane.
23U ei voa viriaka’ane u lai kukunu mai miaka, uku u aru mo’onu miaka.
24Una lai kukunu Iesu inamu‐oinave, erau voa kurunave ane, Aru mo’onu mia a’a kukupuna miakana Eloi inu eiei ikiriai!
25Opara paraka kamela nila anu rua ikiriai; opara kane miki aru mo’onu mia a’a Eloi inu eiei ikiriai.
26A’a ei voa viriaka’ane oro erau voa veve’enave, Koama iawkavakeiamau?
27U erau voa kurunave, Kurua awku kane keina a’a eiai, Eloi evere’eai li’ina.
28Petero erau voa kurunave, Akoi’i, awku uriria enei ave’eiane euna, e’e’nika’ane euna ane.
29U erau voa kuruenave, Nai kurunaina kapoi, A’a kavakava marea naea, a’e naea, aroa a’a naea, a’e mai ane naea, ukua mere naea, ave’eiane euna Eloi inu eiei eiai,
30U kavani evereverea ei rokoa pani ai miakana, pani aneliviai anelia u rokoa opai miakana.
31Aivara 12 U ai aneai U ekinave, U erau voa kuruenave ane, Akoi’i, enei Ierusalema ai inamakina, voa uriria i laikorava a’a kikiriakeina uku A’a anu Mere eiai oro evere’eiakeiakana.
32Uku lai unuku a’a eiai U piriakeiakana, makiri‐awkavakeiakana, vaki‐awmia?-?keiakana, upa mere kanuere kaiakeiakana.
33Oro vaki‐awmiakana, avakana ane, lare rere kaiane imua mere U moawku la’avakana.
34Uku ei awku uriria eiai oro pauapauakei’inave: ei voa anu miki oro ipaliakape uku voa anu miki oro mere vaua‐awkavakei’inave, awku eiai voa kuruakei’inave oro a‐ipali’inavea.
35U Ieriko pai’iri arekamu ai anemakei’inave, inamu apua a’a monou moni nawki‐limakei’inave kapea ai pa’amakei’inave.
36A’a aruru awpemakina u virimakei’inave, rawre enu miki u veve’einave.
37Oro erau voa kurunave, Iesu Nasareta a’a awpemakina.
38U erau voa laea‐ulau’unave, Iesu e, Davida anu mere e, Ni umu‐ikane.
39Paku ena a’a u eiekavai oro awkinave: voa araro u erau voa laea‐ulau’unave, Davida anu mere e, Ni umu‐ikane.
40Iesu ananakinave, inamu apua a’a U ai arekavai U ekinave: u arekamu ai aneaka’ane, Iesu erau voa veve’enave,
41Nai oiamalimau ni eiai? U erau voa kurunave, Amua e, evere’ene nai inamu emai miane‐iai.
42Iesu erau voa kurunave, Ni inamu emai ni mi’ine: ni pirimaroakoa aukarinika’ane euna.
43U inamu emai emoki mi’inave, U Iesu e’e’okanave ane, Eloi avioimakei’inave: a’a uriria ou awku inamu‐oiaka’ane oro Eloi avioinave.
Attualmente Selezionati:
Luka 18: IAR1920
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the British and Foreign Bible Society in 1920.
