Luka 16
16
1Ei voa awku Una aivara U erau voa kuruenave, Amua a’a monou aru oiviria a’a miaka; ei a’a ailieakei’inave una amua anu paku ai una amua anu aru u kaipui?-?kaipui‐lauaka.
2Amua oiviria a’a u ai aneai laea‐ulau’unave, erau voa veve’enave, ane, Oi voa ana nai virina uku ni eiai? ni oiviria iaki inu opara ipaikine, uku ni ei iaki oiviriai nai evere’eapea.
3Aru oiviria a’a una lai laru ai erau voa veve’enave, Nai oiamalimau? uku na amua oiviria iaki nai mere iou‐mimakina: nai kape venea peo iaki mu’u liai; pei nawkiliai nai makiri keina.
4A nai ipau uku iru pani eiai, nai ei oiviria iaki mere la’i’iakeia’ane oro umu?-?ai’iane‐iai omo marea laru ai.
5Una amua anu aru mia kamaia a’a u ai aneai u laea‐elau’unave, Pinai vaki u erau voa veve’enave, Kamaia aru oi mo’onu ana ni mi’ina na amua mere?
6U erau voa kurunave, Mera maina 100 nai kamaia keina. U erau voa kurunave, Ni aru kamaia pepa ni mi’ine, emoki pa’ane, 100 namokine, ni 50 kikirine.
7Kamaia a’a mo u erau voa veve’enave, Ni aru kamaia oiana? U erau voa kurunave, Kawni ikiau 100. U erau voa kurunave, Ni aru kamaia pepa ni mi’ine, 100 pauene, ni 80 kikirine.
8Amua una aru oiviria a’a kepoinave uku unu ewaea eiai; uku ei pani va’au unu a’a lai evera mai keina omo kiri a’a eiai, pamea a’a lai evera mau’u keina ei pani va’au unu opara eiai.
9Nai nakina, Pani va’au unu aru ailinaimakina noro orau oivirine noro paioka a’a e‐miane, kurua aru periakeia’ane, uku oro umu?-?ainaiane‐iai omo opai marea laru ai.
10Kurua a’a miki keina awku mau’u eiai, u a’a miki keina uku awku mo’onu eiai: a kurua a’a u kukia keina awku mau’u eiai, u a’a kukia keina uku awku mo’onu eiai.
11Noro miki liape liane ei pani va’au unu awku eiai, awku miki koama‐nakuamau noro oiviriane‐iai?
12Noro miki liape liane a’a e enu awku eiai, kurua awku nomo awku keina koama‐nakuamau?
13Aivara kapeo amua rere kamaia‐ekavai li’ina: u amua monou vai’i‐awkavakana naea, amua e umu‐awkavakana naea; amua monou u paiokavakana naea, amua e u inaka‐awkavakana. Eloi, ei pani va’au ane, noro kamaia‐ekavai liapea.
14Parisea a’a moni iawmia a’a kei’inave, ei voa uriria oro virinave: makiri‐awkavai oro kekeli’inave.
15U erau voa kuruenave, Noro a’a oro omo opara anana evere’ena a’a anu paku ai; a Eloi nomo umu ipa‐elauna: uku kurua awku kepoia keina a’a awkono avao ai, Eloi inu paku ai kurua awku inakaliakeina.
16Vupu, laikorava a’a ane, rokoakei’inave anea’?-?anea Ioane enu pani ai: ou pani mere Eloi inu eiei Iva voa omoro kuruakeina, a’a kavakava kurua eiei kouakoua ikirina.
17Pani muku, pani va’au ane, periai paraka keina; vupu unu ipawkia voa mau’u paueai kane keina.
18A’a kavakava una a’e laoina, a’e e mi’ina ane, u eve’eve li’ina, u awku u laoiakeia a’e mi’ina u eve’eve li’ina.
19Amua a’a monou rokoakei’inave, aro a’a kape, awpono urupu a’a kape ane, u panipani ai lukinave, lare kavakava pei veruku u na’anave ane:
20Nawki a’a monou, nawi Lasaro oroiakei’inave, amua a’a anu kikau ai u aiakei’inave, u auma aila miaka.
21U umulimakei’inave pei kakai miai amua anu pei pakara mere ara’anave: oroko anenave una auma mikinave ane.
22Nawki a’a imunave, i aivara‐avaea u vakaruakei’inave Aberahamo ai: amua a’a awku imunave, i’iakei’inave ane;
23Hade ai u inamu‐laka’?-?anave, u kukunu kei’inave, amai mere u Aberahamo inamu‐oinave, Lasaro ane.
24Voa araro u erau voa laea‐ulau’unave, Aberahamo mai‐vaki e, umu‐ikane, Lasaro okaivirine, una eve uru ere laru ai u aiane‐iai na anai kou’upua liai; uku ei iau anai laru ai nai kukunu?-?ilauakeina.
25Aberahamo erau voa kurunave, Mere e, laikora?-?nikine ni ima awku uriria ni rokoa pani ai ni miaka, orau Lasaro awku una lipi awku miaka. A eai, eu ai, u umu‐awkavakeina, ni ku?-?kunu‐nikavakeina.
26Voa mo ane, enere, ni ane, mokono ai vea peava aiakeina: uku oro ei ane mekai umuliane iou ane mekai keai kapea eria keina, oro awku ni eiei mere umuliane ei ane mekai maneai, kapea eria keina.
27U erau voa kurunave, Mai e, nai nawki‐nikana okaiviriai na mekai inu marea ai:
28Uku nai aroa a’a 5 mi’ina, u ioneliane‐iai omo paku ai, oro awku ei kukunu mako ai anenavaia.
29Aberahamo erau voa kurunave, Oro Mose, laikorava a’a ane, mi’ina, oro omo voa virinameki.
30U erau voa kurunave, Ai! Aberahamo mai‐vaki e, a a’a monou imua mere oro ai enava’ane, oro lai urukiakana.
31Aberahamo erau voa kurunave, Mose enu voa, laikorava a’a anu voa ane, oro viriape liane, oro ailiea?-?keiapea a’a monou imua mere la’ava’ane.
Attualmente Selezionati:
Luka 16: IAR1920
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the British and Foreign Bible Society in 1920.
