Luka 15
15
1Moni akoa a’a uriria, namea a’a ane, Una voa viriai U ai anenave.
2Parisea a’a, kikiria a’a ane, voa momou erau voa kurumakei’inave, Ei a’a namea a’a umu‐aina, oro kiripai pei na’ana ane.
3Ei aipo voa U kuruenave,
4Nomo a’a koana u mamoe 100 mi’ina, u mamoe monou paukiane, u mamoe 99 ave’eiapeana u ikou‐ena vaki voroane‐iai, anea’anea ue auian?
5U ikou‐ena vaki auiane, una ano ai u aina, kopaili?-?makina ane.
6U marea ai vairuane, una a’a kaupukiai ovaki airavaki ane u laea‐elauna, erau voa kuruemakina, Kopaili’ine uku na mamoe paukiakei’inave nai auiane euna.
7Nai kurunaina, Pani muku ai kopai liakeiakana uku namea a’a monou lai urukiane euna; kopai ipi’ipiapea opara anana a’a 99 eiai, uku lai urukiai oro oea‐rokoapea.
8Ei voa awku, oi a’e ana u moni la’a 10 mi’ina, u moni la’a monou paukiane, u lamepa iau awkuapeana, marea pure lauapeana, kevere‐kevere voroapeana, anea’anea moni la’a u auiane?
9U moni la’a auiane, una a’a, ovaki airavaki ane, kaupukiai u laea‐elauna, erau voa kurumakina, Kopaili’ine uku moni la’a nai pau?-?kiaka nai auiane euna.
10Nai kurunaina, Orau Eloi inu aivara‐avaea anu paku ai kopai liakeina uku namea a’a monou lai urukiane euna.
11Ei voa awku U erau voa kuruenave, A’a monou mere rere miaka:
12Ovaki una mekai erau voa kurunave, Mekai e, na roikia omoro‐pei ni ikune. Mekai omoro‐pei kokoranave orere eiai.
13Maura pani lare ailapea ovaki una aruku roikinave, pani va’au amai u aki‐enanave, avuavu opara eiai una aru u kaipui‐kaipui kai’inave.
14Una aru uriria u kaiaka’ane, pei oea ovara ou pani va’au ai kei’inave; u pei oea‐rokoanave.
15Ou pani va’au amua a’a monou unu aivara evere’eai u enanave, a’uri pei ekuai aura ai u okaivirinave.
16Uku u pei navai‐navaili’inave, a’uri inu pei navai u umuli’inave; a’a kapeo a’uri inu pei awkunave.
17U lai miki miaka’ane u erau voa kurunave, Na mekai inu aivara aila pei evereverea mi’ina uriria oro navai liapea; a uku pei oea nai eu ai imumakina.
18Nai la’avakana, na mekai ai vairuakana, erau voa kuruakana ane, Mekai e, Pani muku paku ai, ni paku ai ane, nai namea liane euna,
19Ni mere oroiakeiai nai ima keiapea: ni aivara orau nai keia’ane ni evere’ene.
20U la’anave, una mekai inu pani va’au ai anenave ane. U paiaka’ane mekai anu marea amai mere mekai inamu‐oinave, mere umu‐awkavaka ane; u area‐enanave, mere enu ke avikinave, epo‐awmi’inave ane.
21Mere erau voa kurunave, Mekai e, Pani muku paku ai, ni paku ai ane, nai namea liane euna, ni mere oroiakeiai nai ima keiapea.
22Mekai una aivara erau voa ekinave, Vaupa a’a kape minane, luki‐awmi’ine ane; eve uru moni aru kirine ane, rawre‐are awku minane una are eiai:
23Bovi ukua minane, a’ane ane; enei na’anamaki, kopaili’inamaki ane
24Uku na mere eire u imuakei’inave, u moawku rokona; u paukiakei’inave, u auiakeina. Oro kopaili’inave.
25Una airavaki aura ai rokoakei’inave, marea arekamu ai u aneaka’ane, aravea, a’a ekelimakina ane, u virinave.
26Aivara monou u ai aneai u laeali’inave, ei awku unu miki voa veve’enave ane.
27U erau voa kurunave, Ni ovaki ei‐anena; ni mekai bovi ukua mera vaki a’ane euna ane, uku una mere kape ima u mi’ina.
28Airavaki ia’iakei’inave, marea u ikiriapea, ou uku eiai una mekai elemanenave, marea ikiriai nawki‐awkanave ane.
29Una mekai u erau voa kurunave, Akoi’i, aumeia aila nai iaki liane eumakina ni eiai, ni awkia voa nai inaka liape, bovi ukua ni ikuape, na a’a kiripai nai kopailiane‐iai.
30A ni mere eire u anea’ane, kana a’ero kiripai ni aru u kaipui‐kaipui kaiane euna, u eiai bovi ukua mera vaki ni a’ane euna.
31Mekai erau voa kurunave, Mere e, panipani ai ni nai kiripai pokoina, uriria nai mi’ina ni awku mi’ina.
32Enei ekeliai, kopailiai limakina: uku ni ovaki imuakei’inave, eai u rokona; u paukiakei’inave, eai u auiakeina.
Attualmente Selezionati:
Luka 15: IAR1920
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the British and Foreign Bible Society in 1920.
