Luka 11
11
1Mako monou ai U nawki‐awkamakei’inave, U la’avaka’ane Una aivara monou erau voa kurunave, Amua e, enei nawki‐awkavai Ni ipakine, orau Ioane una aivara ipekinave.
2U erau voa kuruenave, Noro nawki‐awkava’ane, erau voa kurune, Ene Mai e, pani muku ai, Ni nawi iaa evere’enamoki. Ni eiei anenamoki. Ni lai pani va’au ai, pani muku ai, orau li’inamoki.
3Ei lare pei akune ei lare eiai.
4Enei paue’ami’ine ene namea opara eiai; uku enei awku ene mani a’a kavakava paue’awmi’ina. Ailia pani ai Ni paiakane;
5U erau voa veve’einave, Nomo a’a koana u a’a mi’ina, kipere mokono ai una a’a ai u enana, erau voa kuruna, Kimi e, pu aw rere kaiane ara’imi’ine;
6Uku na a’a aki mere ei‐anena, nai pei eria mi’ina u paku ai aiai.
7A’a marea larua mere erau voa kuruakana, Enara, kikau awkuakeina, nai ukua mere kiripai keimakina; pu aw nikuai nai la’avai liapea.
8Nai kurunaina, u la’avape liane uku pei awkuai, uku u una a’a keina, a uku una nawki‐nawki u la’avakana, pu aw awkuakana orau u oea‐rokona.
9Nai kurunaina, Nawki‐awkane, au‐nakuakeiakana; vorone, noro auiakana; vakine, kikau auakeiakana noro eiai.
10Uku a’a kavakava nawki‐awkana u mi’ina; u ane u vorona u auina; u ane u vakina u eiai kikau auakeiakana.
11Nomo a’a koana una mere pu nawki‐awkava’ane u mere rawre ama‐awkumau? mere emeiki nawki‐awkava’ane, u paiko ama‐awkumau?
12U kokora munu eiai nawki‐awkava’ane, mekai omaina ama‐awkumau?
13Noro namea a’a ipaliane la’aruku ima nomo ukua mere ekuai: nomo pani muku Mai Avaea Iaa ekuapeana oro nawki‐awkava’ane?
14U momoa avaea laoi?-?makei’inave; avaea lipi eleaka’ane, momoa a’a voa kuruai li’inave; a’a aruru varuavakei’inave.
15Oro varomo erau voa kurunave, I Belesubo avaea‐lipi inu amua U avaea‐lipi laeina.
16A’a mo ailimakei’inave, veia eiai kaia ai oro nawki‐awkanave.
17U omo lai ipalimakei’inave erau voa kuruenave, Eiei kavakava mani‐kora?-?vakeina u oavakeina; avai a’a omo a’a mani‐ekana oro e‐avakeina.
18Satani mani‐koravakeia’ane, una eiei eka’ama?-?keiamau? Noro kuruna i Belesubo Nai avaea‐lipi laeina.
19I Belesubo Nai avaea‐lipi laeiane, nomo mere avaea‐lipi i koamalaei’i? Ou uku eiai oro nomo voa vevea a’a keiakana.
20I Eloi inu eve uru Nai avaea‐lipi laeiane, Eloi inu eiei noro ai ei‐anena kapoi.
21Venea a’a anai, ere ane, miane una marea oiviriai, una aru ima uakeina:
22A venea‐mai a’a anea’ane, awkoni‐awkava’ane, una anai, ere awku uriria, u iou‐mi’ina, aru u avapuli’ina u kokorana.
23A’a pai’ikavape liane u Na mani a’a keina: u ane u Nai kiripai ie’eape liane u laumakina.
24Avaea‐upu a’a mere eleane euane, eorari mako u are rokona u laikaiai mako auiane‐iai; u mako eria auina, u erau voa kuruna, nai i‐vairuakana marea mere nai elemanenave.
25U vairuane, marea pure lauakeina, akuru liakeina, u auina.
26U elena avaea‐lipi 7 iara mai u kaupukina, are’ekana marea ai, oro ikirina, i‐pokoina ane: ou a’a anu ika pani opara lipi‐mai evere’ena, una pinai pani opara lipi mau’u kei’inave.
27U ei voa kurumakei’inave, a’e monou a’a aruru mere erau voa araro kurunave, Kurua a’e kinininave, ame nikunave ane, u kopai‐awkavakeina.
28U erau voa kurunave, Ai! a a’a Eloi inu voa virina, kamaiali’ina ane, oro kopai‐ekavakeina.
29A’a aruru kouakoua kaupukiaka’ane U erau voa kuruenave, Lipi a’a kiri eire: oro veia vorona, veia eria, Iona laikorava a’a anu veia e, ekuakeiakana.
30Uku orau Iona veia kei’inave Nineve a’a eiai, orau A’a anu Mere veia keiakana ei a’a kiri eiai.
31Nara eiei amua a’e ei kiri a’a kiripai la’avakana voa vevea pani ai, mua‐ekavakana ane: uku pani va’au unu orai mere u anenave Solomona anu lai evera viriai; akoi’i, eu ai monou pokoina Solomona upa mere U amua‐mai keina.
32Nineve a’a ei kiri a’a kiripai lala’avakana voa vevea pani ai, mua‐ekavakana ane: uku oro lai‐urukinave Iona anu omoro voa eiai; akoi’i, eu ai monou pokoina U Iona upa mere amua‐mai keina.
33A’a lamepa iau awkuane, u lamepa vauavaua mako a‐ai’inakea, maua u’ui ai a‐ruawkinakea, lamepa u pakara upa mere pa‐okana, a’a marea ikiriane oro pamea inamu‐oiane‐iai.
34Inamu kape enu pamea keina: ni inamu unu emai ima keia’ane, ni kape iki pamea evopoakeina; ni inamu lipi keia’ane, ni kape iki muru evopoakeina.
35Lai ipine pamea ni laru ai keina u muru keia’ane.
36Ni kape iki pamea evopoakeia’ane, muru eria mi’?-?ane, ni kape iki pamea evopoakeiakana, lamepa anu pamea akuru orau pamea nikuna.
37U voa kurumakei’inave Parisea a’a monou u kiripai pei navai u nawki‐awkanave: U ikirinave, pei navai U pa’anave ane.
38Parisea a’a inamu‐oiaka’ane U pinai eve ere kikiriakape u varua’anave.
39Amua erau voa kurunave, Noro Parisea a’a koiri, ainau ane, iki mere upu namokina; a noro laru ai voviri, namea ane, evopoakeina.
40Avuavu a’a e, U ane U iki awku karikinave, larua awku U karikipeana?
41A uku larua awku eiai la’aruku ekune: awku uriria emoki urupu keina noro laru ai.
42Au’a noro e, Parisea a’a e! uku noro kavana akoa moni awkuna aurapei kavakava eiai, opara anana eiai, Eloi inu umu eiai ane, noro lai eria mi’ina: ei awku noro liai liane euna, a awku e noro liape.
43Au’a noro e, Parisea a’a e! uku amua a’a anu pakara omoro marea ai noro umuli’ina, a’a anu kepoia voa ane pai’iri kanikari ai.
44Au’a noro e, Parisea a’a e! vauakava lauoi noro mikiriakeina, a’a oro upa mere are rokona oro paua?-?paua keina lauoi omo are arau ai.
45Vupu lai evera a’a monou erau voa kurunave, Amua e, Ni makiri‐akana.
46U erau voa kurunave, Au’a, vupu lai evera a’a e! uku noro paua mu’u a’a upa mere aina, kurua paua noro eve uru a‐nekenakea.
47Au’a noro e! laikorava a’a nomo mai‐oro e‐a’anave, omo lauoi noro la‐ekana.
48Noro iki e’ena kapoi nomo mai‐oro onu opara noro evere’eina, uku oro laikorava a’a e‐avaka kapoi, omo lauoi noro la‐ekana.
49Ei uku eiai Eloi inu evera voa kuruane euna, Laikorava a’a, iva a’a ane, Nai ekaiviriakana oro eiai, varomo oro e‐avakana, mani‐ekavakana ane:
50Uku laikorava a’a uriria anu aro upuakei’inave pinai pani mere aro kavani ei kiri a’a mere iou‐miakeia’?-?ane‐iai.
51Abela anu aro anea’?-?anea Sakaria ane, u avakei’inave iaa pakara, omoro marea mokono ai: Nai kurunaina kapoi, omo aro kavani ei kiri a’a mere iou‐miakeiakana.
52Au’a vupu lai evera a’a e! uku lai evera anu taviri noro iou‐miane euna: noro ikiriape, oro ikirimakei’inave noro ei’inave.
53U marea mere ave’eaka’ane, kikiria a’a, Parisea a’a ane, oro iara voa kurumakei’inave, ailiane‐iai voa kuruai uku awku aila eiai:
54Oro aioiaka‐pokoimakei’inave U voa kuruane‐iai, oro uku miane‐iai avia voa eiai.
Attualmente Selezionati:
Luka 11: IAR1920
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the British and Foreign Bible Society in 1920.
