དང་པ་ཀོ་རིན་ཐི། 6
6
དད་པ་ཨ་ཁཱན་བ་ཀ་པོང་ཀ་ རྩིས་ཞུ།
1ཨི་བི་གི་ནེ་བུ་ ཐུར་གི་ཐུར་ཀབ་ཉི་ མ་ཆམ་ནེ་ལ་ ནང་ཀ་ཡི་ཤུ་པ་བ་ཀ་ དྲིག་པེ་བི་ལེ་མང་གི་ཝ་ ཧང་ཨ་ཉི་ དད་པ་མ་ཨ་ཁཱན་ དྲང་དཔོན་ག་ཉ་ རྩིས་ཞུ་ཕིད་པེ་དེན་གེ་ དིན་ཅ་ཡ། 2ཡི་ཤུ་པ་བ་ཀི་ འཛམ་གླིང་ག་ ཁྲིམས་ཅཱད་པེ་གི་ལ་ཨ་ཉི་ ན་ཤི་སེ་ལུ་མཱན་ཅ་སྨོ། ཉི་ན་ཧ་བ་ཤོ་ འཛམ་གླིང་ག་ ཁྲིམས་ཅཱད་ཁཱན་གི་ནེ་ལ་ ན་ཤི་ཨུ་ཐུ་ད་བུ་ ཆཱས་ཟེ་མུ་ཐུར་ག་བུ་ ཁྲིམས་ཅཱད་པེ་མར་བ་སྨོ། 3ཨ་ཤི་ ཞིང་ཁམས་ག་འཐེན་པ་བ་ཀ་ཆང་ ཁྲིམས་ཅཱད་པེ་གི་ལ་ཨ་ཉི་ ན་ཤི་སེ་ལུ་མ་ལ་སྨོ། ཨོ་ཐ་ཚེ་ག་ཀོར་གེ་ཏ་ ལག་ཏང་ ཧབ་ཏུར་ཨ་ལེ་ཁེ་ལེ་ཡ། 4ཨུ་ཉུ་ད་བུ་ ཏབ་མ་ཉམ་པ་ཤོ་ལ་ཀབ་ཉི་ རྩིས་ཞུ་ཕིད་པེ་དེན་གེ་ ཆོས་ཚོགས་གི་མ་ཙི་ཁཱན་ སོ་ངོ་ག་བཱརང་ཀ་ ཧང་ཨ་ཉི་དིན་ཅ་ཡ། 5ན་ཧ་བ་ ངི་ནང་ཁུན་ཆེན་དག་པ་གི་ ཇི་གི་ཨོ་ཐ་ཆཱས་ ན་ཧ་ཡེག༌ཅ། ཧང་ན་ཧ་པོང་ཀ་ ཏབ་མ་ཉམ་པ་ཤོ་ལ་ཀབ་ཉི་ ཆཱས་ཨ་ལེ་རེ་ཁཱན་ སོ་ངོ་མཁས་ཏྲ་ ཐུར་རང་མཱན་ཅ་སྨོ། 6ལག་ཏང་ ན་ཧ་པོང་ཀ་ དད་པ་ཨ་ཁཱན་ ཐུར་གི་ཐུར་ག་དགྲ་ཨ་ཉི་ རྩིས་ཞུ་ཕིད༌ལ། ཉི་ཨུ་ཉུ་བུ་ དད་པ་མ་ཨ་ཁཱན་བ་ཀ་གུབ་ཀ།
7ན་ཧ་པོང་ཀ་ ཨུ་ཉུ་ད་བུ་ ཏབ་མ་ཉམ་པ་ཆོ་ཁཱན་གི་ ཧང་གེན་ཅ་ཡ་དག་ནེ་ལ་ ན་ཧ་བ་ཤོ་ ཕམ་ཁཱན་ཡི་ཤུ་པ་བ་གི་ལ་དག་ཉི་ གེན༌ཅ། བཱརའ་གི་ ན་ཧ་ཏཱན་ངཱད་པ་ཀབ་ཉི་ ཧང་ཏ་ཀ་རང་མཱན༌ཅ། བཱརའ་གི་ ན་ཧ་ཇི་སྐོར་ཕི་ལ་ཀབ་ཉི་ ཧང་ཏ་ཀ་རང་མཱན༌ཅ། 8དག་པ་ཀབ་ཉི་ ནའི་ནའི་ཏེན་གི་རང་ངཱད་ཉི་ ཇི་སྐོར་ཕི་ན། ན་ཤི་ཨུ་ཉུ་བུ་ ན་ཧ་ཡི་ཤུ་པ་ ཡུང་ཟི་བ་ཀ་ཏཱན་ཨ་ན།
9སོ་ངོ་ཏེ་ངན་བ་ཀི་ དཀོན་མཆོག་ག་རྒྱལ་སྲིད་ མ་ཉོང་པ་དག་ཉི་ ན་ཤི་སེ་ལུ་མ་ལ་སྨོ། ནའི་ནའི་ཏེན་གི་ མགུ་སྐོར་མ་ཕི། ལུས་འབྲེལ་མ་ཙང་མ་ ཨ་ཁཱན་བ་དང་ སྐུ་ག་གསོལ་ཝ་ཏབ་ཁཱན་བ་ བཱརའ་ཀབ་ཉི་ལུས་འབྲེལ་ཨ་ཁཱན་ ཉི་ཕེ་ཝག་ཙ་ གཞང་བཙོང་མ་ཨ་ཁཱན་བ་དང་ ཕེ་ཝག་ཙ་ནང་དོ་ ལུས་འབྲེལ་ཨ་ཁཱན་བ་ཀི་བུ་ དཀོན་མཆོག་ག་རྒྱལ་སྲིད་ ཉོང་པེ་མར༌བ། 10ཨུ་ཉུ་མ་ཚཱད་པ་ དྲོ་ཝཱན་པ་དང་ བག་ཆགས་ཨ་ཁཱན་བ་ ཞུ་སུང་ཁུ་ཁཱན་བ་དང་ ཀོ་ཁ་ཨ་ཁཱན་བ་ ཉི་ཅོམ་ཁཱན་བ་ཀི་ དཀོན་མཆོག་ག་རྒྱལ་སྲིད་ ཉོང་པེ་མར༌བ། 11ཉི་ནའི་ཚེ་བང་བུ་ ཨུ་ཉུ་ད་བུ་རང་ཆོ༌ཝ། དག་པ་ཀབ་ཉི་ ན་ཧ་བ་ཀ་ སྡིག་པ་ཟིག་ཉི་དག་པ༌ཅ། ཉི་གཙོ་བོ་ ཡི་ཤུ་ཁིརིས་ག་མཚན་དང་ ཨ་ཧ་དཀོན་མཆོག་ག་ ཐུགས་ཉིད་གི་ཨ་ཉི་ དཀོན་མཆོག་ག་སྤྱན་ག་ ན་ཧ་བ་ དྲང་པུ་ཅོད་ཉི་གནང་མ༌ཅ༎
ལུས་འབྲེལ་མ་ཙང༌མ།
12ཐུར་ཕང་གི་ཡེག་ཏུ་ ཇི་གི་ཧང་རང་ ཨ་ལེ་ཆོག་པེ་དག༌ཉི། དག་པ་ཀབ་ཉི་ ཇི་གི་ཡེག་པེ་ ཐམས་ཅན་གི་ ན་ཧ་ཕཱན་མ་ཏོག༌པ། ཇི་གི་ཧང་རང་ ཨ་ལེ་ཆོག་ནེ་བུ་ ཇང་ཧང་ག་རང་ ཟ་པ་རི་ལེ་མང་ཕ། 13བཱརའ་ཐུར་ཕང་གི་ཡེག་ཏུ་ ལྟོ་ཤོ་ ཕོ་ལང་ག་དེན་གེ་གི༌ལ། ཉི་ཕོ་ལང་ཤོ་ ལྟོ་ག་དེན་གེ་གི་ལ་ཨ༌ཉི། དག་པ་ཀབ་ཉི་ དཀོན་མཆོག་གི་ ཉིག་ཙིང་རང་ མེ་པ་ཕིན་གེ༌མེ། གིན་ཐཱན་རང་གི་ནེ་བུ་ ཨ་ཧ་ལུས་པུ་ཤོ་ ལུས་འབྲེལ་མ་ཙང་མ་ཨ་ལེ་དེན་གེ་ བཀོད་པ་མང་གི། ཨ་ཧ་ལུས་པུ་ཤོ་ གཙོ་བོ་ག་དེན་གེ་ བཀོད་པ་གི༌ལ། ཉི་གཙོ་བོ་གི་ ཨ་ཧ་ལུས་པུ་བདག་འཛིན་ཨན༌ཅ། 14དཀོན་མཆོག་གི་ གཙོ་བོ་གཤགས་པ་གེ་ ལོག་ཉི་བཞེངས་གནང༌མ། ཉི་ན་ཧ་བ་བུ་ རོ་ཀ་ཤུགས་སྟོབས་གི་ཨ་ཉི་ ཤི་ཝ་གེ་ལོག་ཉི་ཝུན་གནང༌མེ།
15ན་ཧ་ལུས་པུ་ཤོ་ ཁིརིས་ རོག་ཏེན་ག་སྐུ་གཟུགས་ག་ དབང་པོ་གི་ལ་དག་ཉི་ སེ་ལུ་མཱན་ཅ་སྨོ། ཧང་ཇི་གི་ ཁིརིས་ག་ དབང་པོ་ཁེ་པ་བུན་ཐཱན་ གཞང་བཙོང་མིན་ཀབ་ཉི་ ཐ་ལེ་སྨོ། ཇི་གི་ཨུ་ཉུ་ད་བུ་ ཏི་ངེ་རང་མ་ཨ༌ལ། 16ཨི་བི་གི་ གཞང་བཙོང་མིན་ཀབ་ཉི་ཆོ་ཝ་ཐུར་ ཨོ་ཉ་སོ་ངོ་ཁེ་པ་ གཞང་བཙོང་མིན་ག་ ལུས་པུ་ཀབ་ཉི་ ཐུར་རིན་ཅ་གི་ལ་དག་ཉི་ ན་ཤི་སེ་ལུ་མཱན་ཅ་སྨོ། ཧང་ཡ་དག་ནེ་ལ་ གསུང་རབ་གེ་ཤོན་ཅ་ རོག་ཉིག་ཙིང་ཐུར་རི་ལེ་#6:16 ཇུན་པ་ག་དཔེ་ཆ་ 2:24དག༌ཉི། 17དག་པ་ཀབ་ཉི་ གཙོ་བོ་ཀབ་ཉི་ཆམ་ཁཱན་ སོ་ངོ་ཁེ་པ་ རོ་ཀ་ཐུགས་ཉིད་ཀབ་ཉི་ ཐུར་རིན༌ཅ།
18ཨོ་ཉི་ཨ་དེན་གེ་ ལུས་འབྲེལ་མ་ཙང་མ་པང༌ཤོ། ཧང་ཡ་དག་ནེ་ལ་ སོ་ངོ་གི་ བཱརའ་སྡིག་པ་ཨ་ཁཱན་བ་ རོ་ཀ་ལུས་པུ་གེ་ཕིས་ཀ་ ཨན་ཅ་གི༌ལ། དག་པ་ཀབ་ཉི་ ལུས་འབྲེལ་མ་ཙང་མ་ ཨ་ལ་ཀབ་ཉི་ ཨོ་ཉ་སོ་ངོ་གི་ རོ་ཀ་ལུས་པུ་ག་དགྲ་ཨ་ཉི་ ཨན་ཅ་གི༌ལ། 19ཧང་ན་ཧ་ལུས་པུ་ཤོ་ ན་ཧ་ནང་ཀ་བཞུགས་ཁཱན་ དམ་པའི་ཐུགས་ཉིད་ག་ མཆོད་ཁང་གི་ལ་དག་ཉི་ ན་ཤི་སེ་ལུ་མཱན་ཅ་སྨོ། ཉི་ཨོ་ཉ་ཐུགས་ཉིད་ དཀོན་མཆོག་གི་ ན་ཧ་གནང་མ་གི༌ལ། ནའི་ཤོ་ ནའི་ཏེན་ག་མང་གི། 20ན་ཧ་བ་ཤོ་ ངེ་ལོང་བི་ཉི་ ངོ་ཝ་གི༌ལ། ཨོ་ཉི་ཨ་དེན་གེ་ ན་ཧ་ལུས་པུ་གི་ དཀོན་མཆོག་ག་ གཟི་བརྗིད་ཕུལ༌ཤོ༎
Attualmente Selezionati:
དང་པ་ཀོ་རིན་ཐི། 6: TNTB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshangla New Testament
© 2023, The Bible Society of India
all rights reserved