དང་པ་ཀོ་རིན་ཐི། 5
5
ལུས་འབྲེལ་མ༌ཙང༌མ་ཨ༌ཁཱན་སོ༌ངོ་ ཤོན་གེམ༌ཤོ།
1ན་ཧ་པོང་ཀ་ མ་ཆོག་ཁཱན་ ལུས་འབྲེལ་ཨ་ན་དག་ཉི་ ཇི་གི་ན་ཐ༌ཝ། ཨུ་ཉུ་ད་བུ་ཤོ་ དད་པ་མ་ཨ་ཁཱན་བ་ཀ་པོང་ཀ་ཆང་ ཇུང་མུ་མཱན༌ཅ། ཨོ་ཉ་སོ་ངོ་གི་ རོ་ཀ་ཨ་པ་ག་མེ་ཝག་ཙ་ཀབ་ཉི་ ཆོ་ན་དང་། 2ཨོ་ཉེ་རང་གི་ནེ་བུ་ ན་ཤི་ཁམ་ཙོང༌ལ། མ་པ་ཏ་ ན་ཧ་བ་ ལག་ཏང་ཁོ་དང་ཆཱད་ཉི་ ཆོ་ལེ་ཁེ༌ལེ། ཉི་ཨུ་ཉུ་ད་བུ་ཨ་ཁཱན་ སོ་ངོ་ཁེ་པ་ ཆོས་གྲོགས་གེ་ ཤོན་གེ་མེ་ཁེ༌ལེ།
3-4ཇང་ན་ཧ་པོང་ཀ་ མཱན་ཐཱན་རང་གི་ནེ་བུ་ ཇ་ག་རྣམ་ཤེས་ག་ ཇང་ན་ཧ་བ་ཀབ་ཉི༌ཅ། ཉི་ཇང་ ན་ཧ་པོང་ཀ་ཆོ་ཝ་པུརུས་ཀིན་ཨ་ཉི་ གཙོ་བོ་ཡི་ཤུ་ག་མཚན་ག་ ཇི་གི་ཨུ་ཉུ་ད་བུ་ཨ་ཁཱན་ སོ་ངོ་ཁྲིམས་ཅཱད༌ཅ། ན་ཧ་བ་ ཏབ་ཐུར་ཛོ་མ་ཀབ་ཉི་ ཇང་བུ་ ཇ་ག་རྣམ་ཤེས་ག་ ན་ཧ་བ་ཀབ་ཉི་ཛོམ༌ཅ། ཉི་གཙོ་བོ་ཡི་ཤུ་ག་ ཤུགས་སྟོབས་བུ་ ཨ་ཧ་བ་ཀབ་ཉི་བཞུགས༌ཅ། 5ཨུ་ཉུ་གང་ཀ་ ཨོ་ཉ་སོ་ངོ་ཁེ་པ་ སེ་ཏཱན་ག་ ག་དང་ག་སྤྲོད༌ཅོ། ཧང་ཡ་དག་ནེ་ལ་ སྡིག་པ་གི་ཕུང་ཁཱན་ རོ་ཀ་ལུས་པུ་ཁེ་པ་ མེ་པ་ཕིན་ཆེན། ཉི་གཙོ་བོ་ག་ནོང་ཀ་ རོ་ཀ་རྣམ་ཤེས་ ཐར་པ་ཉོང༌པེ།
6ན་ཤི་ཁམ་ཙོང་ཁཱན་ཤོ་ ལེག་པུ་མང་གི། ཧང་བི་ཏོ་ད་སུར་གི་ བོག་པི་ཐམས་ཅན་རང་ ཕོར་ཅ་དག་ཁཱན་ཁེ་པ་ ན་ཤི་མ་སེན་ཤི་སྨོ། 7ཉི་ན་ཧ་བ་ བི་ཏོ་མ་ཁཱན་ བོག་པི་རི་ལེ་དེན་གེ་ ཨོ་ཉ་བི་ཏོ་ཁེ་པ་ ཤོ་ཉི་གེམ༌ཤོ། མ་པ་ ན་ཧ་བ་ཤོ་ བི་ཏོ་མ་ཁཱན་ བོག་པི་རང་གི༌ལ། ཧང་ཡ་དག་ནེ་ལ་ ཨ་ཧ་གོག་ཉི་དི་ཝ་ག་དུས་ཆེན་ག་ ཤི་ཤ་ཀ་ཏོང་ཤོ་ ཁིརིས་གི༌ལ། ཉི་རོ་ཀི་ མཆོད་པ་ཕུལ་བ༌ཅ། 8ཨོ་ཉི་ཨ་དེན་གེ་ ཨ་ཤི་ དུས་ཆེན་ཙིན་ཅ་ཨ་ཉི་ ཏེ་ངན་དང་ ངན་པ་གི་ཕུང་ཁཱན་ བི་ཏོ་མཱན་མ་ཁེ་པ་ ཟ་ཉི་མང་གི་ཝ་ དེན་པ་དང་ཙང་མ་ཆོ་ཁཱན་ བི་ཏོ་མ་ཁཱན་ཀེབ་ཏང་ཁེ་པ་ ཟ་ཉི་ཙི༌ཁེ།
9གོ་མ་ ཇི་གི་ན་ཧ་ཏཱན་ ཡི་གུ་ཀེ་བ་ཀབ་ཉི་ ཡེག་པ་ཆོ་ཝ་ ན་ཧ་བ་ཤོ་ ལུས་འབྲེལ་མ་ཙང་མ་ཨ་ཁཱན་ སོ་ངོ་བ་ཀབ་ཉི་མ་ཆོའི་དག༌ཉི། 10ལུས་འབྲེལ་མ་ཙང་མ་དང་ བག་ཆགས་ཨ་ཁཱན་ ཉི་དྲོ་ཝཱན་ཨ་ཁཱན་དང་ སྐུ་བ་ཀ་གསོལ་ཝ་ཏབ་ཁཱན་ འཛམ་གླིང་ག་སོ་ངོ་བ་ཀ་ཀོར་གེ་ ཇི་གི་ ན་ཧ་ཆཱས་ཡེག་པ་མང་གི། ན་ཧ་བ་ འཛམ་གླིང་སྤང་ཉི་དི་ནེ་ཤ་ ཨུ་ཉུ་ད་བུ་སོ་ངོ་བ་ཀེ་ སོ་སུ་ཨ་ཉི་ཆོ་ལེ་རེ༌བེ། 11དག་པ་ཀབ་ཉི་ ཇི་གི་ན་ཧ་འབྲི་ཁཱན་ཤོ་ ལུས་འབྲེལ་མ་ཙང་མ་དང་ བག་ཆགས་ཨ་ཁཱན་ ཉི་སྐུ་ག་གསོལ་ཝ་ཏབ་ཁཱན་དང་ ཀོ་ཁ་ཨ་ཁཱན་ ཉི་ཞུ་སུང་ཁུ་ཁཱན་དང་ ཇི་སྐོར་ཕི་ཁཱན་ ཡི་ཤུ་པ་དག་ཉི་ཆིན་ཁཱན་ཀབ་ཉི་མ་ཆོའི་དག་ཉི་ ཡེག་པ་གི༌ལ། ཨུ་ཉུ་ད་བུ་སོ་ངོ་ཀབ་ཉི་ ལྟོ་བུ་ཏབ་ཐུར་མ་ཟའི།
12ཕིས་ཀ་སོ་ངོ་བ་ཀ་ ཨུ་ཉུ་ད་བུ་ཡེག་པེ་ག་ ཇ་ག་ལའི་མང་གི། དག་པ་ཀབ་ཉི་ ཆོས་ཚོགས་ནང་ཀ་ སོ་ངོ་བ་ཀི་ ཨུ་ཉུ་ད་བུ་སྡིག་པ་ཨ་ནེ་ལ་ ན་ཤི་ཡེག་པེ་ཁེ༌ལེ། 13ཕིས་ཀ་སོ་ངོ་བ་ཀ་ དཀོན་མཆོག་གི་ ཁྲིམས་ཅཱད༌པེ། དག་པ་ཀབ་ཉི་ ན་ཤི་ཤོ་ ཨོ་ཉ་ཏེ་ངན་སོ་ངོ་ཁེ་པ་ ཤོ་ཉི་གེམ༌ཤོ༎#5:13 ཁྲིམས་ལུགས་ག་དཔེ་ཆ་ 17:7, 19:19, 21:21, 22:21,24, 24:7
Attualmente Selezionati:
དང་པ་ཀོ་རིན་ཐི། 5: TNTB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshangla New Testament
© 2023, The Bible Society of India
all rights reserved