PALABURU 9
9
Pojanji i mPue Ala pai Noho
9:1-17
1 #
Pal. 1:28
Ndadonco i mPue Ala i Noho pai waʼa ananya ndatoʼo, “Ndipomulimo da naka sondo, waʼa mulimi da mampeari sambawo lino seʼi. 2Mpengaya-ngaya tonci pai bau sangkani pinatuwu anu ntaninya da maekanya ri siko. Tau seʼe pura-pura setu reʼe ri raya ngkuasamu. 3Pura-pura setu maya mewali pangkonimu, ewa waʼa mpinamuya anu mayawuyu; pura-pura setu kupepombaika ri siko da mewali pangkonimu. 4#Tad. 7:26-27, 17:10-14, 19:26, Paw. 12:16, 23, 15:23 Podo sangaya anu bareʼe maya ndikoni inceʼemo sanga mpinatuwu anu ntongo madaa-daapa, maka inosa setu ri daa kareʼenya. 5Pura-pura tau bara pinatuwu anu mampepate tolino da ndahuku mate. 6#Pal. 1:26, Pa. 20:13 Tolino ndapapewali ewa Yaku; Inceʼe painaka, isema ntano anu mampepate tolino, siʼa seʼe woʼu da napepate ntolino.
7 #
Pal. 1:28
Mewali, komi ndipomulimo naka sondo, da naka waʼa mulimi mampeari sambawo lino.”
8Ndatoʼo i mPue Ala ri Noho pai waʼa ananya, 9“Seʼi-seʼi Yaku da mampareʼe pojanjiku pai komi pai waʼa mulimi, 10pai pura-pura waʼa anu moʼinosa, inceʼemo waʼa ntonci pai pura-pura pinatuwu anu ri karatana, inceʼemo pura-pura anu mesuwu ungka ri raya duanga setu sangkani-ngkani pai komi. 11Seʼimo pojanjiku pai komi: Yaku mojanji pura-pura anu tuwu bareʼemo da Kugero pai pesambori ue. Bareʼemo reʼe pesambori ue anu da magero lino seʼi. 12Petondoni kabareʼenya bali pojanji pai komi sangkani pai pura-pura anu tuwu, 13seʼi Kudika pinoraaku ri limu mewali petondoni woʼu pojanji-Ku pai lino. 14Sangkani-sangkani, ane ndikita yangi kukaʼuwika limu, da ndikita pinaraa, 15da kono Kuendo janji-Ku pai komi pai waʼa anu tuwu. 16Ane ndikita pinoraa ri limu, Yaku da mangangkita pai da mangaendo pojanji-Ku anu bereʼe kabalinya setu ri oyoku pai waʼa anu tuwu ri lino. 17Inceʼemo petondoni mpojanji-Ku anu Kuwai ri pura-pura anu tuwu ri lino.”
I Noho pai waʼa ananya
9:18-29
18Waʼa ana i Noho anu mesuwu ungka ri raya duanga inceʼemo i Semu, i Yapeti pai i Kamu. (I Kamu inceʼemo papa i Kanaʼa.) 19Ana i Noho anu tatogo setu inceʼemo anu mampomulika pura-pura tau ri lino.
20I Noho sambaʼa topojamaa, pai siʼamo anu uyu-uyunya mampowia bonde anggoro. 21Butu roo nainu ue anggoro mayangumo siʼa. Nalambe pura-pura rengkonya nepa yore siʼa melambe-lambe ri raya ngkemanya. 22Ri pangkita i Kamu papa i Kanaʼa, papanya melambe-lambe, mesuwu siʼa njoʼu mantoʼo katedikanaka mpapanya ri kasangkomponya anu radua setu. 23Ungka lairia natima i Semu pai Yapeti sambaʼa juba, nabini nepa napesampeka ri awaa ntau seʼe. Tau seʼe melinja ntaliku mesua ri raya ngkema nepa nakaʼuwika juba setu koro mpapanya. Tau seʼe motaliku da naka neʼe nakita koro mpapanya anu melambe-lambe setu. 24Butu mayoa muni raya i Noho pai da nadonge ewambeʼi powia ananya anu kasupua setu ri siʼa, 25natoʼo,
“Tetadeasimo i Kanaʼa!
Siʼa da mewali watua
anu kapuru raya ri waʼa
ngkasangkomponya.
26Undemo i Pue, i Pue Ala i Ncemu!
I Kanaʼa da mewali watua i Ncemu.
27Mbolimo i Pue Ala da marangani
popadonco ri Yapeti
da mampakabangke kareʼe mpearinya.
Mbolimo waʼa mulinya da maroo-roo
sangkani-ngkani pai muli i Semu.
I Kanaʼa da mewali watua i Yapeti.”
28Ungka ri karoo mpesambori ue setu i Noho ntongo tuwupa 350 ntaʼu kasaenya. 29Kapatenya 950 ntaʼu tinuwunya.
Attualmente Selezionati:
PALABURU 9: LAIPMF
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
