PALABURU 10
10
Muli waʼa ana i Noho
10:1-32
1Seʼimo muli waʼa ana i Noho, inceʼemo i Semu, i Yapeti pai Kamu. Karoo mpesambori ue, tau seʼe tatogomo seʼe paka marata waʼa ana tuama.
2Waʼa ana i Yapeti inceʼemo i Gomeri, i Mago, i Madai, i Yawani, Tubali, i Mese pai Tirasi. 3Muli i Gomeri inceʼemo anu mampeari Asikena, Ripati pai Togarima. 4Muli i Yawani inceʼemo anu mampeari Elisa, Sipanyoli, Kiperu pai Rodesi. 5Tau seʼemo anu mampomulika waʼa banca anu mampamiwi wiwi ntasi pai waʼa ntogongi.
Inceʼe pura-pura muli i Yapeti. Sambaʼa-sambaʼa banca pai lemba maroo-roo ri tana sambaʼa-sambaʼa seʼe.
6Waʼa ana i Kamu inceʼemo i Kusi, i Masiri, i Libia pai Kanaʼa. 7Muli i Kusi anu mampeari Seba, Hawila, Sabata, Raema pai Sabateka. Muli i Raema inceʼemo anu mampeari Seba pai Dedani. 8I Kusi mampotumpu ana tuama toʼonya i Nimero anu mewali tau ndapomaaka pai makoje anu uyu-uyunya ri lino. 9Ua pantulungi i mPue siʼa mewali topangela anu ndapomaaka. Inceʼe painaka biasa napowobo mpau ntau mantoʼo, “Mbolimo i Pue da mampapewali siko sambaʼa topangela anu ndapomaaka ewa i Nimero.” 10Uyu-uyunya siʼa mamparenta Babeli, Ereki, Akadi, daera tatogo setu paka tesua tana Babeli. 11Ungka njairia njoʼu siʼa ri Asuri, nepa nawangu kota Niniwe, Rehobo Iri, Kalahi, 12pai Reseni ri oyo ngkota Niniwe pai Kalahi. Pura-pura setu paka waʼa ngkota anu bangke.
13Muli i Masiri inceʼemo anu mampeari Lidia, Anami, Lehabini, Napituhimi, 14Patirusimi, Kasiluhimi pai Kapitorimi. Kasiluhimi inceʼemo anu mampomulika to Pilisiti.
15Waʼa ana i ngKanaʼa inceʼemo i Sidoni, siʼa anu uyue, pai Heti. 16I Kanaʼa woʼu anu mampomulika banca Yebusi, Amori pai Girigasi, 17-18to Hewi, Araki, Sini, Arawasi, Semari pai Hamati. Waʼa lemba banca Kanaʼa setu lawa katesebunya, 19painaka tida ntana ntau seʼe ungka ri Sidoni moojo tondo selata natotoka Gerari mosu da rata ri Gasa, pai ri tondo pebetea natotoka Sodomo, Gomora, Adima pai Seboi, mosu da rata ri Lasa.
20Incetumo pura-pura muli i Kamu. Sambaʼa-sambaʼa banca pai lemba paka mampeari tananya ngkalionya pai mampotumpu bahasanya ngkalionya.
21I Semu tukaka i Yapeti, inceʼe anu mampomulika pura-pura banca Ibarani. 22Waʼa ana i Semu inceʼemo i Ela, i Asuri, i Aripakasa, i Loʼoti pai Arami. 23Muli i Arami inceʼemo anu mampeari Usi, Huli, Geteri pai Masi. 24I Aripakasa papa i Sela. Pai i Sela papa Eberi. 25I Eberi mampotumpu radua ana tuama; anu kaʼisa toʼonya Pele, maka ri tempo ngkatuwunya waʼa banca ri lino tetila-tila; anu karadua toʼonya i Yokatan. 26Muli i Yokatan inceʼemo anu mampeari Alimoda, Selepa, Hasari-Maweti pai Yera, 27Hadorami, Usa, Dikila, Abimaeli, Seba, 28-29Opiri, Hawila pai Yoba, pura-pua setu muli i Yakata. 30Tana peari ntau seʼe ungka ri Mesa jela ri Sepa, inceʼemo daerah buyu mongkodo ri tondo pebetea. 31Incetumo pura-pura muli i Semu. Sambaʼa-sambaʼa banca pai lemba mampeari tananya pai basaya ngkalionya.
32Pura-pura setu paka muli i Noho, sambaʼa-sambaʼa banca, malulu potutua anu mampomulika tau seʼe. Tau seʼemo anu mampomulika waʼa banca ri lino seʼi ri karoonya mesambori ue.
Attualmente Selezionati:
PALABURU 10: LAIPMF
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
