Mwa 36

Nzyawa sya Esaũ

(1Mav 1.34-37)

1Ii nĩsyo nzyawa sya Esaũ, ũla kwa ĩsyĩtwa yĩngĩ weetawa Etomu. 2#Mwa 26.34 Esaũ atwaĩte iveti kuma eĩtunĩ ma Akanaani, nasyo syaĩ: Ata, ũla waĩ mwĩĩtu wa Eloni kuma mbaĩnĩ ya Aititi; Oolivama ũla waĩ mwĩĩtu wa Anaa, mwana wa Nzivioni kuma mbaĩnĩ ya Aivi. 3#Mwa 28.9 O ta ũu Esaũ nĩwatwaĩte Mbasemathi mwĩĩtu wa Ĩsumaeli, mwĩĩtu-a-inyia wa Navaiothi. 4Ata asyaie Elivasi, Mbasemathi asyaa Leueli, 5nake Oolivama asyaa Yeusi, Yalamu na Kola. Asu nĩmo ana ma Esaũ ala masyaĩwe nthĩ ya Kanaani.

6Esaũ nĩwoosie iveti syake, ana make na eĩtu make na andũ ala angĩ onthe ma mũsyĩ wake. O ta ũu nĩwoosie indo syake na nyamũ ila ingĩ syonthe syake vamwe na syĩndũ ila ingĩ syake wakwatĩte e nthĩ ya Kanaani. Nĩwaendie kũtũa nthĩ yĩ vaasa na vala mwana-a-inyia Yakovo watwĩe. 7Athamie nũndũ vala we na Yakovo matwĩe vayaĩ vatonya kũmeanĩa me elĩ nũndũ maĩ na ũthwii mwingĩ mũno. Maĩ na indo mbingĩ ũkethĩa nthĩ ya ũeninĩ ĩla matwĩe ndĩmeanĩa. 8Kwoou Esaũ nĩwatũie nthĩ yĩ iĩma ya Etomu.

9Ii nĩsyo nzyawa sya Esaũ ũmae wa Aetomu ala matwĩe nthĩ ĩsu yĩ iĩma ya Etomu. 10Ii nĩsyo syana sya Esaũ: Elivasi mwana wa Ata mũka wa Esaũ; Leueli mwana wa Mbasemathi mũka wa Esaũ. 11Ana ma Elivasi maĩ: Temani, Omali, Nzevo, Ngatamu, na Kenasi. 12Elivasi mwana wa Esaũ aĩ na mũndũ mũka watũĩtye ũla weetawa Timina. Kĩveti kĩu nĩkyasyaĩe Elivasi mwana weetawa Amaleki.

13Ana ma Leueli maĩ: Naathi, Nzela, Samama, na Misa. Asu maĩ esũkũũe ma Mbasemathi mũka wa Esaũ.

14Ana ma Oolivama mũka wa Esaũ mwĩĩtu wa Anaa mwana wa Nzivioni maĩ: Yeusi, Yalamu, na Kola.

15Ii nĩsyo mbaĩ ila syumĩte nzyawanĩ sya Esaũ. Elivasi mwana wa mbee wa Esaũ nĩwe waĩ ũmae wa mbaĩ ii: Temani, Omali, Nzevo, Kenasi, 16Kola, Ngatamu, na Amaleki. Isu nĩ mbaĩ sya nthĩ ya Etomu, ila nĩ nzyawa sya Elivasi. Asu onthe maĩ nzyawa sya Esaũ ala wasyaĩwe nĩ mũka wake Ata.

17Leueli mwana wa Esaũ nĩwe waĩ ũmae wa mbaĩ ii: Naathi, Nzela, Samama, na Misa. Isu nĩ mbaĩ sya nthĩ ya Etomu, ila nĩ nzyawa sya Leueli. Asu onthe maĩ nzyawa sya Esaũ ala wasyaĩwe nĩ mũka wake Mbasemathi.

18Aa nĩ ana ma Esaũ ala wasyaĩwe nĩ mũka wake Oolivama mwĩĩtu wa Anaa: Yeusi, Yalamu, na Kola. Isu nĩ mbaĩ sya nzyawa sya Oolivama mũka wa Esaũ. 19Mbaĩ isu syonthe nĩ andũ ma nzyawa sya Esaũ.

Nzyawa Sya Seili

(1Mav 1.38-42)

20Ana ma Seili ũla waumĩte andũnĩ ala matwĩe nthĩ ya Etomu nĩ: Lotani, Sovali, Nziveoni, Anaa, 21Ndisoni, Eseli, na Ndisani. Isu nĩsyo mbaĩ sya Aoli ala matwĩe Etomu, ila nĩ nzyawa sya Seili.

22Ana ma Lotani maĩ: Oli na Emani. Lotani aĩ na mwĩĩtu wa inyia weetawa Timina.

23Ana ma Sovali maĩ Alivani, Manaathi, Evali, Sevo, na Onamu.

24Ana ma Nziveoni maĩ Aia, na Anaa ũla nĩwe woonie ithima sya kĩw'ũ kĩvyũ weũnĩ, yĩla waĩthasya mang'oi ma ĩthe wake Nziveoni. 25Syana sya Anaa syaĩ Ndisoni, na mwĩĩtu weetawa Oolivama. 26Ana ma Ndisoni maĩ: Emitani, Esivani, Ĩthilani, na Kelani.

27Ana ma Eseli maĩ: Mbiliani, Nzaavani, na Akani.

28Ana ma Ndisoni maĩ: Ũsi na Alani.

29Ii nĩsyo mbaĩ sya Aoli ala matwĩe nthĩ ya Etomu: Lotani, Sovali, Nziveoni, Anaa, 30Ndisoni, Eseli, na Ndisani.

Asumbĩ ma Etomu

(1Mav 1.43-54)

31Aa nĩmo asumbĩ ala masumbĩkie nthĩ ya Etomu mbee wa andũ ma Ĩsilaeli matanethĩwa na mũsumbĩ o na ũmwe:

32Mbela mwana wa Mbeoli nĩwatw'ĩkie mũsumbĩ wa Etomu. Ndũa ĩla waumĩte yeetawa Ndiniava. 33Mbela akw'a, Yovavu mwana wa Nzela kuma Mbosila nĩwe watw'ĩkie mũsumbĩ ĩtina wake. 34Yovavu akw'a, Usamu kuma nthĩ ya Atemani nĩwe watw'ĩkie mũsumbĩ ĩtina wake. 35Usamu akw'a, Aatati mwana wa Mbetati kuma ndũanĩ ya Avithi nĩwe watw'ĩkie mũsumbĩ ĩtina wake. Aatati nĩwasindie Amitiani me nthĩ ya Moavi.

36Aatati akw'a, Samala kuma Maseleka nĩwatw'ĩkie mũsumbĩ ĩtina wake.

37Samala akw'a, Sauli kuma ndũanĩ ya Leovothi ĩla yĩ vakuvĩ na Ũsĩ wa Euvalati nĩwatw'ĩkie mũsumbĩ ĩtina wake.

38Sauli akw'a, Mbaali-aanani mwana wa Akivoli nĩwatw'ĩkie mũsumbĩ ĩtina wake.

39Mbaali-aanani mwana wa Akivoli akw'a, Aatali kuma ndũanĩ yĩtawa Vai nĩwatw'ĩkie mũsumbĩ ĩtina wake. Mũka wake eetawa Meetaveli, mwĩĩtu wa Matileti na mwĩsũkũũe wa Menzaavu.

40Esaũ nĩwe waĩ ũmae wa mbaĩ ii sya Aetomu kwĩanana na masyĩtwa masyo, mĩsyĩ yoo, na kũla matũaa: Timina, Aliva, Yevethi, 41Oolivama, Ela, Vinoni, 42Kenasi, Temani, Mivisali, 43Makitieli, na Ilami. Isu nĩsyo mbaĩ sya Etomu, nzyawa sya Esaũ kwĩanana na kũla matwĩe nthĩ ĩla yaĩ ng'ũndũ yoo.

Attualmente Selezionati:

Mwa 36: KAMBA

Evidenziazioni

Copia