I Versetti Biblici più popolari da Lukas 8

Condividi

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Gə fɨ maa say ŋgɨə faŋ ŋə fìŋkə taa nyawsə, lùu yaa nu vɨɨ mbɨə faŋ vəŋ zɔ̀ nu Nwi, luu nə, vəŋ taa kɨ bəŋ gə, kɨ kɔŋ ŋwaa vəŋ buꞌ nu vətɔ və shɨ nsi. Nɨniŋ, vənu və ka, nə nu məzɨ ŋwaa bweꞌsə vəŋ, say vəŋ ku nɨniŋ, ŋgwisə yi kee yifuu me.

Say ŋgɨə faŋ ŋə fìŋkə taa yighɔsə nə, lùu yaa nu vɨɨ mbɨə faŋ vəŋ zɔ̀ nu Nwi, bìŋ nə məŋaytə, luu nə, kee kìi ghay me. Vəŋ biŋ sheꞌ maa wee-fɨ-yighee nee, ŋɨꞌ taa kɨ ŋii vəŋ, vəŋ nyɨŋkə fɨ maa məbiŋ vəŋ ghɔ́.

Ŋwə gi tɨ́ vəŋ laa, «Viŋ kee nùŋ fwi siŋ maa Nwi yimu?» Vəŋ fee. Shuu vəŋ yɔŋ. Vəŋ gi wə nə wə laa, «Sii bee lùu ndə nə, faŋ ŋwə sɔꞌ fɨɨ nə muu, mbə zɔnə ŋwə?»

Say ŋgɨə faŋ ŋə fìŋkə jɨɨ nə, lùu yaa nu vɨɨ mbɨə faŋ vəŋ yaa kɨ zɔ, tɨɨ vəzwitə vəbwəvə jwi fùusə fɨ taa fwi vəŋ, laa kɨ vəŋ nuŋ fwisə vəŋ maa Nwi, Nwi bweysə vəŋ me.

Kaꞌ nu Nwi kee goꞌ taa vəndenə me; ŋkə ndɔ fuu ntee. Kaꞌ vɨ kee ndɨ̀ə nu yinsəŋ Nwi me; ŋkə taa fuu taa shɨshwi, vɨɨ kɨ kɨɨ.

Wəzwi ghɔ́ ye laa kaꞌ yi kee ndenə fɨ ghɔ Yeso me, ndɔ̀ jwì nə məlaꞌ, gù nsi vɨsɨ Yeso, nàysə nu ŋkɨə faŋ ŋkə yɨ̀sə buu yi kɔŋ ŋwə, baa nə faŋ zatə ki kɔ́ mè yighee muꞌ nə. Vɨɨ vənshə zɔ nu kɔ́. Yeso gi tɨ́ wəzwi ghɔ́ laa, «Ŋwiŋ ŋwaa, məbiŋ wə yɨ̀sə a bwaŋnə. Gə nə mənɔŋ-bwaŋnə!»

Vɨɨ məzwetə nu Yeso gə yə̀ŋ ŋwə fɨ mbweysə, gì laa, «Tɨta, tɨta, nsiŋ taa ndi!» Ŋwə yenə fɨ mbweysə, ndɔ̀ yizɔ, shə̀ tɨ́ fɨŋ kɔ́ nə tɨ́ vəba və muu, mbə bwa, vədɨꞌ zu.