Igbaghara ndi n'emerụ anyi ahụIhe Atụ

Ihe Ndabere Nke Mgbaghara

Mgbe ị na-ahụ mmejọ ndị ọzọ, gịnị ka ị na-eme?

Ọtụtụ n’ime anyị na-ebu ọnya ime mmụọ ndị anyị natara n’aka ndị ọzọ. Ndị ahụ merụrụ anyị ahụ́ nwere ike ịkwu okwu nke n'esighi n'ime obi ha bụ “Ewela iwe” wee gaa n'ihu. Ma eleghị anya, ha mere ka à ga-asị na ọ dịghị ihe na-emerụ ahụ merenụ. Ọ na-esiri gị ike ichefu ihe ndị a arụtụrụ aka? Ị na-ezere ndị mejọrọ gị? N'aka nke ọzọ, ikekwe ndị ọzọ agbanarịgo gị n'ihi ihe ọjọọ i mere ha.

N'ilu a, Jizọs kpọrọ ohu ahụ onye ọjọọ n'ihi na, mgbe ọ natasịrị mgbaghara, ọ zaghachighị n'ụdị esi meere ya. Kama nke ahụ, ọ ji ụkpụrụ dị elu jide ndi ji ya ụgwọ karịa ka osi jide onwe ya. Ka anyị na-agụ akụkụ akwụkwọ nsọ a, obi anyị na-eti mkpu, “Ezighi ezi!” Anyị na-ahụ ikpe ya na-ezighị ezi nke ọma: ya bụ ohu kwesịrị ịgbaghara ndị ji ya ụgwọ.

Anyị na-amata ma chọọ izi ezi n’ihi amara niile nke Chineke na-enye anyị. Olee otú anyị kwesịrị isi meghachi ndị ọzọ omume n'mmejọ ha? Akwụkwọ Nsọ na-adọ anyị aka ná ntị n'ebe a banyere iburu enweghị mgbaghara n'ime obi anyị. N’ebe a, anyị na-ahụ kpọmkwem otú Chineke chọrọ ka anyị si meghachi ndị ọzọ omume n'omume ojọọ ha—Ọ na-atụ anya ka anyị gbaghara. N'ihi gịnị ka Chineke ji tụọ anya nke a? Atụmanya Ya dabeere n'ịhụnanya mgbaghara Ya n'ebe anyị nọ. Anyị na-ejikarị ụkpụrụ dị iche na-ekpe ndị ọzọ ikpe karịa ka anyị si ekpe onwe anyị ikpe.

Anyị na-ahụ mmehie ndị ọzọ n’ebe anyị nọ dị ka ihe dị njọ karịa ajọ omume anyị, ma ọ bụ anyị na-atụ anya ka ha mee ebere karịa ka anyị onwe anyị dị njikere ime. Àgwà dị otú ahụ n'ebe anyị nọ bụ ihe Chineke machibidoro iwu. Kama, Ọ chọrọ ka anyị cheta ebere Ya ma mee otú Ọ si anyi mee. N'ikpeazụ, mmehie anyị mere ndị ọzọ bụ mmehie megide Chineke. Ọ kere onye ọ bụla n’ime anyị ma chọọ ka anyị na-ahụ ibe anyị ka ndi bara ezigbote uru nke ego n'enweghi ike izụtanwụ, ọbụnadi itinye mkpa nke ndị ọzọ n'ihu tupu anyi emebe nke anyị (Ndị Filipaị 2: 1-4). Ọ doziwo n'ụzọ doro anya udi mgbaghara anyi kwesiri idi n'eme—onyinye nke nzọpụta nke anyị.

Kedu ka ị ga-esi gbanwee? Depụta ụfọdụ ụzọ Chineke si gbaghara gị. Tulee n'uche gi nnukwu ihunanya Chineke nwere n'ebe i nọ: n'ime Kraist ka Ọ nyere uzọ nke adighị akwu ụgwọ ka eji gbaghara gi, ọbụnadi na ị juru Ya (Ndị Rọm 5:8). Malite ịgbaghara ndị ọzọ, na abụghị dabere na mmetụta, kama dabere na onyinye nke akwụghi ụgwọ na nke ebere nke Chineke nyere gị.