Igbaghara ndi n'emerụ anyi ahụIhe Atụ

Ịma Nma Nke Mgbaghara

Mgbaghara nke Akwụkwọ Nsọ na-ekwu kpọmkwem na arụtụsi aka ike banyere mmerụ ahụ nke onwe onye, n’agbanyeghị otú ha siri mie emi ma ọ bụ otu ha siri diba ime n’oge anyị gara aga. Mgbe ị na eleba anya na mmejọ ndị gara aga, ọ dị mkpa ịkpọ aha mmehie ndị ahụ nke ọma. N'ime otu a, anyị na-achọpụta ma na-ekwupụta ihe bụ ezi nsogbu. N'ime Akwụkwọ Nsọ, okwu ahụ bụ "nkwupụta" pụtara "ikwenye" n'okwu ana-ekwu maka ya. Mgbe anyị kwụpụtara mmehie n'ụzọ ziri ezi, anyị n'ekwete n'ihe Chineke kwuru bụ nsogbu dị n'etiti anyị na ndị ọzọ.

Jekob nyere ụmụ ya ndikom ezigbo ndụmọdụ; ọ gwara ha kpọmkwem ihe ha ga-ekwu, sị: “Biko, gbaghara ụmụnna gi maka oke ihe ọjọọ ha mere gi—maka mmehie ha ikpasi gi àgwà n’ụzọ jọgburu onwe ya.” A pụkwara ịsụgharị okwu ahụ bụ́ “oke ihe ọjọọ” dị ka “ihe rụrụ arụ.” N'oge nkwụpụta anyị nwere ike ịdị na-akpa àgwà ka mmehie anyị ma ọ bụ mmehie nke ndị ọzọ ha adighi njọ otu e si kwesi ile ha anya. Àgwà ụmụnne Josef mere n’ebe ọ nọ bụ nnọọ ihe rụrụ arụ. Josef maara n'onwe ya otú ajọ omume ha dịruru ná njọ. Nke ahụ bụ ibu arọ ụmụnne ya bu n’afọ ahụ niile, ibu arọ nke mere ka ha tụọ Josef egwu nke ukwuu—nke kwesịri ekwesi! Ha mere ihe ọjọọ megide nwoke ahụ bụ́ onyeikpe ha ugbu a. Ma, mgbe ha kwụpụtara ihe ọjọọ ha mere, Josef ọ̀ kpara àgwà site n'imeghachikwara ha ihe ọjọọ karịa? Mba! Josef kwara akwa! Ọ hụrụ na nzube Chineke na-arụkwa ọrụ site n’omume ọjọọ ụmụnna ya. Ya mere, ọ nwere ike ịgbaghara ma kasie ụmụnna ya obi, meekwa ka ya na ha dịghachi ná mma.

1 Jọn 1:9 kwuru sị, Ma ọ bụrụ na anyị ekwupụta mmehie anyị, Onye ahụ kwesiri ntụkwasị obi na Onye ezi omume, Ọ ga-agbaghara anyị mmehie anyị niile, sachapụkwa anyị site nʼajọ omume anyị niile.” Lee ịma mma nke mgbaghara! Mgbaghara nwere ike ịlaghachi azụ na mmejọ ndị miri emi nke ọtụtụ afọ gara aga, ma na atọhapụ n'agbu ndị mmadụ ibu arọ ha bu kemgbe ha bụ nwata.