Banye na NzubeIhe Atụ

Zọba Ụkwụ N'Nzube Site N'Ije Ọzi Na-abughi Naani Maka Nke Onwe Onye

Pọl kpọrọ ndị Galeshia ka ha bie ndụ nke na-egosipụta mmesapụ aka nke na achọghị naani ọdịmma onwe onye, nke dị iche n'ụwa na-eche nanị banyere onwe ya. Nnwere onwe nke anyị natara n’aka Kraịst abụghị akwụkwọ ikike maka nchịchọ naani ọdịmma onwe onye, kama ọ bụ ohere inye Chineke otuto na ijere ndị ọzọ ozi n’ịhụnanya (Lee Ndị Galeshia 5:13).

Anyị nwere ike ilegara Jizọs anya dị ka ihe atụ zuru oke nke onye batara na nzube ya site na nje-ozi na abụghị maka naani nke onwe. N’ime ibu mmadụ Ya, Ọ matara ọnụ ahịa nke ije-ozi n’achọghị naani ọdịmma onwe Ya, dịka Ọ kwuru si, “Nna m, ọ bụrụ na ọ ga-ekwe omume, ka iko a gabiga M”. N'agbanyeghị nke ahụ, anyị na-ahụ ka Jizọs na-eme ihe kacha mkpa na nje-ozi n'achọghị ọdịmma naani nke onwe, dịka Ọ kwụkwara, "Ọ bụghị uche M, kama ka uche Gị mee." Ọ nwụrụ ka anyị nwee ike ịbanye n'ime nzube. Ọ nwụrụ ka anyị nwee ike inyere ndị ọzọ aka ime otu ihe ahụ (Lee Matiu 26:39).

Ka ị na-ekpe ekpere, rịọ Onye-nwe-anyị ka Ọ kpugheere gị otu ị ga-eji na-ejere ndị ọzọ ozi n’ịhụnanya. Ị nwere ike ịhụ onwe gị n'ọnọdụ ebe ị na-ejere ndị mmadụ ozi na Ụlọ Ụka ma ọ bụ n'ebe ọrụ. Ihe ọbụla ị na-eme, mee ya niile dịka nye Onye-nwe-anyị maka ihunanya na nnwere onwe nke Ọ nyegọrọ gị.

Chenaniah Darma dere ya

Ọ bụrụ na ịchọrọ ozi ndị ọzọ na kọleji C3, biko pịa ebe a.