OODEZHECHEGAWINEWAH 3
3
1Owh dush Peter kuhya John keühneweejeendewug keëzhahwaud ewede keche‐ahnuhmeä‐weguhmigoong uhpe wajechesanig cheähnuhmeähwaud, me ewh shaungussoo‐tebahegun.
2Pazhik dush enene kahahchahoosad pahahkoo‐negid kepemewenah, oogeähsahwaun dush emuh ishquaundamewung ewh keche‐ahnuhmeä‐weguhmig ewh Quahnauj kahezhenekahdag, chenundoodahmahwaud gagoo enewh paundeganejin emuh keche‐ahnuhmeä‐weguhmigoong;
3Uhpe dush wuhyahbuhmaud enewh Peterun kuhya Johnun wepeendeganid emuh keche‐ahnuhmeä‐weguhmigoong, oogenundooduhmahwaun ewh gagoo chemeenegood.
4Peter dush ween kuhya John oogeühyeenzahbuhmahwaun, oo‐oo keënahwaud, Guhnuhwahbuhmeshenaum.
5Oogeguhnuhwahbuhmaun dush, keënandung gagoo chewemeenegood enewh.
6Medush keëkedood owh Peter, Kahween nindooshoo-neähmese kah kuhya nindooöozahwahshooneähmese: Ewh atuh ayahmaun kemeenin: emuh oodezhenekahzoowining owh Jesus Christ Nazareth duhzhe enene, puhsegween, kuhya bemoosan.
7Oogesuggeneenjenaun ewh ookecheneenj, kepuhsegwebenaud dush: bahbega dush enewh oosittun kuhya oodahnekahwegunahnun kemushkahwezemahgudenewun.
8Kahpuhsegwinjesad dush kenebahwe, kuhya kepahbahmoosa oogeühneweejepeendegamaun emuh keche‐ahnuhmeä‐weguhmigoong kepahpahmoosad, kepemequaush-qwanid, kemoojegahahmahzootahwaud dush enewh Kesha‐Muhnedoon.
9Kuhkenuh dush bamahdezejig oogewahbuhmahwaun pahpahmoosanid kuhya moojegahahmahzootahwahnid enewh Kesha‐Muhnedoon;
10Oogekekanemahwaun dush ewh ahwenid owh kahnuhmuhduhbepun emuh Quahnauj‐ishquandamewung ewh ahnuhmeä‐weguhmig puhgoosanjegagoobun; oogekeche‐mahmahkahdandahnahwah dush kahdoodahwemind enewh enenewun.
11Magwah dush owh kahahchahoosad enene kahnoojemooïnd keminjemenaud enewh Peterun kuhya enewh Johnun, kuhkenuh egewh ahnishenahbag pemebuhtoowaud, kepemahwunjeëdewaud emuh anduhzhe‐ahyahnid, emuh tasekauning Solomon ootasekaun azhenekahdag kekeche‐mahmahkahdanduhmoowaud.
12Uhpe dush owh Peter kahwahbundung, oogenuhquatuhwaun enewh ahnishenahban, Israel duhzhe enenewedoog, ahneeshwin mahmahkahdanduhmag oo‐oo? ahneeshwin oo‐oo azheguhnuhwahbuhmeyaung, debishkoo nenuhwind tebenuhwa nemushkahwezewinenaung gamuh penahdezewinenaung kahoonjeëzheüngid wah‐owh enene chebemoosad?
13Ookesha‐Muhnedoomun owh Abraham, kuhya owh Isaac, kuhya owh Jacob, Ookesha‐Muhnedoomewaun egewh kooseminahbuneeg, oogepeshegandahgooäun enewh oobuhmeetahgunun Jesusun; me owh kahwabenag, kuhya kahahgoonwayanemag emuh enahsuhmuhbid owh Pilate, uhpe kahenahkoonegad chepuggedenaud.
14Kenuhwah suh kegeähgoonwayanemahwah, owh Kache‐Peenezid kuhya Manooëzhewabezid, kegenundahwanemahwah owh nashewashkid chepuhgedenahmahgooyag;
15Kegenesahwah dush owh dabandung ewh bemahdezewin, mesuh enewh kahahbejebahahjin owh Kesha‐Muhnedoo; nenuhwind suh ningewahbungamin.
16Ween oodoonoozoowining kedabwayanduhmaung oodoonoozoowin oonjemushkahweze mahbuh enene, wuhyahbuhmag kuhya kakanemag; aahe, kedabwayanemind wah‐owh, wanjekuhyundahwezid mahbuh enene enahsuhmuhbeyag kenuhwah kuhkenuh.
17Benuh dush nejekewaëdoog, nekekandaun ewh kekanemahsewag kegeöonjeëzhechegam, debishkoo kahezhechegawaud egewh kedoogemahmewaug.
18Oonoo dush uhyeëen kezhah kahwahbunduhewagoobunan owh Kesha‐Muhnedoo emuh oodoonening kuhkenuh enewh oodaunwahjega‐wenenemun, chekootuggandung owh Christ, mesuh kahezhedebishkoosetood.
19Aunwanindezooyook dush ween kenuhwah, cheäunjeëgooyag, chekuhseebeähmahgooyag dush enewh kemujje‐ezhewabezewinewah, cheöonjedebishkoosag enewh aunwabewine‐kezhegudoon oonje anahsuhmuhbid owh Kesha‐Muhnedoo;
20Oogahpeëzhenahzhahwaun dush enewh Jesus Christun, owh kezhah kahdebahjemootahmahgooyag:
21Enandahgwud suh cheëzheöodahpenind ewede keche‐kezhegoong peenish debishkoosag uhpe kaäunjeëgahdag kuhkenuh uhyeëen, debishkoo kahekedoogoobunan owh Kesha‐Muhnedoo emuh oodoonening kuhkenuh enewh kachetwahwezenejin oodaunwahjega‐wenenemun, pahahkoo‐mahje‐uhkewung.
22Kagate suh Moses oo‐oo oogeënaun enewh koosenahnin, Enewh aunwahjega‐wenenewun kegahmeenegoowah owh Jehovah Kekesha‐Muhnedomewah, pazhik kejekewaëwah, ewh goo debishkoo neen azheähyahyaun; me suh owh kabezinduhwag kuhkenuh enewh uhyeëen wagoodoogwan kaënenoowagwan.
23Tahezhewabud dush, kuhkenuh bamahdezejig kabezindahwahsigoog enewh aunwahjega‐wenenewun tahbahnahdezewug emuh anduhzhe ahyahwaud egewh ahnishenahbag.
24Kagate egoo, kuhkenuh egewh aunwahjega‐wenenewug pahahkoo‐bemahdezid owh Samuel kuhya egewh kahahneka‐bemahdezejig, kuhkenuh egewh kahaunwahjegajig, kezhah oogewahweendahnahwah oonoo kezhegudoon.
25Kenuhwah kedoonejahnesemegoowaug egewh aunwahjega‐wenenewug, kuhya kedebandahgoozim emuh kekindewining kahoozhetuhmahwaud owh Kesha‐Muhnedoo enewh koosenahnin, oo‐oo keënaud enewh Abrahamun, Keen kaöonejahneseyun tahoonjeshahwandahgoozewug kuhkenuh ahnooj azheweenzoojig ahnishenahbag oomah uhkeeng.
26Kenuhwah netum kemeenenag owh Kesha‐Muhnedoo enewh oobuhmeetahgunun Jesusun oogepeëzhenahzhahwaun dush cheshahwanemenag, cheöonjequakeënenag kuhkenuh anduhcheyag enewh kemujjeëzhewabezewinewah.
Pilihan Saat Ini:
OODEZHECHEGAWINEWAH 3: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
