OODEZHECHEGAWINEWAH 4
4
1Magwah dush guhnoonahwaud enewh ahnishenahban, oogepenaunzekahgoowaun enewh sahsahgewejega‐wenenewun, kuhya enewh wagemahkunduhmenejin ewh keche‐ahnumeä‐weguhmig, kuhya enewh Sadduceen.
2Keöonjeöosittahwanemegoowaud ewh kekekenooähmahwahwaud enewh ahnishenahban, kuhya kedebahdooduhmahwaud oonje enewh Jesusun ewh ahbejebahwin.
3Oogetuhkoonegoowaun dush enewh, kekebahquahoogoowaud dush peenish egoo wahyahbunenig, zhuhyegwah muh oonahgishenoobun.
4Nebewah dush egewh kahnoondungig ewh ekedoowin kedabwayanduhmoog; nauning‐metauswauk keduhchedooganug egewh enenewug.
5Kepuhgummeähyah dush kahwahbunenig, enewh oodoogemahmewaun, kuhya enewh ooketezemewaun, kuhya enewh oodoozhebeëga‐wenenemewaun.
6Kuhya Annas keche‐sahsahgewejega‐wenene, kuhya Caiaphas, kuhya John, kuhya Alexander, kuhya egewh menik kahenuhwamahjig enewh keche‐sahsahgewejega‐wenenewun, kemahoonjeëdewug emuh Jerusaleming.
7Uhpe dush kahahsahwaud emuh nesuhwuhyeëe ahyahwaud, oogeguhgwajemahwaun, Wagoonan ewh mushkahwezewin, kuhya wagoonan ewh ezhenekahzoowin, oo‐oo kahoonjeëzhechegayag kenuhwah?
8Peter dush, kemooshkenashkahgood enewh Keche‐Oojechaugwun, oo‐oo‐oogeënaun, Kenuhwah wadoogemahmenagwah egewh ahnishenahbag, kuhya katezeyag emuh Israëling.
9Kishpin noongoom kezheguk kuhgwajemegooyaung ewh kahmenoo‐doodahwind owh kahnuhneenuhmezid enene, wagoodoogwan kahoonjekuhyundahwezeähwindan;
10Kekanduhmoog kuhkenuh kenuhwah, kuhya kuhkenuh egewh Israëling duhzhe ahnishenahbag, emuh oodezhenekahzoowining owh Jesus Christ Nazarething duhzhe enene, owh kahahgahquahwag, enewh kahahbejebahahjin owh Kesha‐Muhendoo, mesuh owh wanjenebahwid oomah anahsuhmuhbeyag mahbuh enene kuhyundahwezid.
11Me suh mahbuh ahsin kahwabenag kenuhwah wazhegayag, me suh kache‐ahpetandahgoozid ahsin emuh wahkaheguning.
12Kah dush ahweyah bakahnezid ahwese kaöonjebemahjeïndwah bamahdezejig: kah muh gagoo bakahnuk oonoozoowin ahnahme‐kezhegoong meenahsewug egewh enenewug, kaöonjebemahjeëgooyungoobun.
13Uhpe dush kahwahbuhmahwaud kechaugedaäsenid Peterun kuhya Johnun, kahkekanemahwaud dush ewh muzzeneëgun chekekanduhsenid, kemahmahkahdanduhmoog; oogekekanemahwaun dush keweejewahnepun enewh Jesusun.
14Wahyahbuhmahwaud dush enenewun kahnoojemoonejin weejekahbahwetahgoowaud, kahween oogekushketoosenahwah ningood cheähgoonwatuhmoowahpun.
15Uhpe dush kahenahwaud ningooche cheëzhahnid emuh anduhzhe kahkekedoong, kekeche‐guhnoonedewug.
16Oo‐öo kahekedoowaud, Ahneesh kadoodahwungwah oogoo enenewug? kagate suh keoöozhetoowaud keche‐mahmaundahwechegun oodezhekekanemegoowaun kuhkenuh andahnejin emuh Jerusaleming; kah dush kekushketoosemin pukkaun cheëkedooyungoobun.
17Chesuhswashkahmahgussenook dush maunduh debahjemoowin emuh ahyahwaud egewh ahnishenahbag, wahweenga aungwahmemahdwahwahnig, kuhnuhga cheweenduhmahwahsigwah ahweyah enenewun oo‐oo oonoozoowin.
18Oogenundoomahwaun dush, keäungwahmemahwaud dush wekah chekekedoosenid, kuhya chekekenooähmahgasenid emuh oodezhenekahzoowining owh Jesus.
19Peter dush kuhya John oogenuhquatuhwahwaun oo‐oo keënahwaud, Kishpin oonisheshinoogwan emuh enahsuhmuhbid owh Kesha‐Muhnedoo ahwahshema chebezindahgooyag dush ween azhebezinduhwungid owh Kesha‐Muhnedoo, nahnahgahdahwanduhmook.
20Kahween nekushketoosemin chepwahdebahdooduhmaung enewh kahnoonduhmaungoon kuhya kahwahbunduhmaungoon.
21Uhpe dush nahwuj kahaungwahmemahwaud, oogepuggedenahwaun, mekunsigwah gagoo kageöonjekooduhgeähwahpun, ahnishenahbag oonje; kuhkenuh muh enenewug oogewahwezhanemahwaun enewh Kesha‐Munedoon ewh oonje kahezhechegang.
22Ahwahshema muh kenemeduhnuh‐duhsoo‐pepoon‐uhgeze owh enene kahmahmaundah‐noojemooïnd.
23Kahpuggedenindwah, kepeëzhekewawug emuh anduhzhe‐mahwunjeëdenid ooweejekewaëmahwaun, kewahweenduhmoowaud ewh menik kahegoowaud enewh keche‐sahsahgewejega‐wenenewun kuhya katezenejin.
24Uhpe dush kahnoonduhmoowaud ewh, mahmahwe kekezhewawug kewahwezhanemahwaud enewh Kesha‐Muhnedoon, oo‐oo keëkedoowaud, Tabaningayun keen keKesha‐Muhnedow, kahoozhetooyun ewh kezhik, kuhya ewh uhkee, kuhya ewh kechegummee, kuhya kuhkenuh emuh ayaugin:
25Emuh oodooning owh kebuhmeetahgun David kahekedooyun, Ahneeshwin keneeshkahdezewaud egewh mayuggezejig, kuhya egewh ahnishenahbag nahnahguhduhwanduhmoowaud enewh kuhkebahdezewinun?
26Uhkeeng duhzhe keche‐oogemaug kepuhsegwewug, kuhya egewh tabahkoonegajig kepemahwunjeëdewug chemegahnahwaud enewh Tabaninganejin, kuhya enewh oo‐Christemun.
27Kagate suh chemegahnahwaud enewh pahnezenejin kebuhmeetahgun Jesusun, wah‐owh kahnuhmuhquenud, keöonjemahoonjeëdewug owh Herod, kuhya Pontius Pilate, kuhya egewh mayuggezejig, kuhya egewh Israeling duhzhe ahnishenahbag.
28Chetebishkoosittoowaud ewh kuhyet kahenanduhmun kuhya kahenahkoonegayun cheëzhewabuk.
29Benuh dush, Tabaningayun wahbundun azhekuhgwa‐sagemeyummingidwah; meezh edush kebuhmeetahgunug, emuh kuhkenuh soongedaäwining cheëzhedebahdooduhmoowaud ewh kedekedoowin,
30Cheshebenuhmun keneenj chenoojemooëwayun; chemahmaundahwejegang, kuhya chekekenoowahjechegang emuh oodezhenekahzoowining owh pahnezid kebuhmetahgun Jesus.
31Uhpe dush kahishquah‐ahnuhmeähwaud kemuhmeegwahsin ewh wegewaum kah‐duhzhe‐mahoonjeëdewaud; kuhkenuh dush oogemooshkenashkahgoowaun enewh Keche‐Oojechaugwun, emuh dush soongedaäwining oogeëzhedebahdoodahnahwah ewh oodekedoowin owh Kesha‐Muhnedoo.
32Kuhkenuh dush egewh kahdabwayandungig kepazhikwunene oodaëwaun kuhya kepazhegoowun oojechaugoowaun: kah dush ahweyah keëkedoose chedebandung kuhnuhga gagoo ooduhyeemun; kemahmahwe‐tebanjegawug menik kahdebanduhmoowaud.
33Emuh dush keche‐mushkahwezewining oogeëzhedebahdoodaunahwah egewh apostleüg ewh oodahbejebahwin owh Tabaningad Jesus; kekeche‐shahwandahgoozewug suh kuhkenuh.
34Kah dush ahweyah anduhchewaud oogemuhnazeseen gagoo: kuhkenuh muh kahdebandungig ketegaunun kuhya wegewaumun oogeähtahwahganahwah, kuhya oogepeetoonahwah ewh tebahahmahgoowin kahenuhgindanig enewh kahahtahwahgawahjin,
35Keähtoowaud dush emuh oosittahning enewh apostleün: kemahdahoonahwug dush kuhkenuh egewh enenewug debishkoo kahezhemuhnazewaud.
36Owh dush Joses, owh Barnabas kahtuhgoo‐weenegood enewh apostleün, (mesuh ahnekuhnootahming, Wagwissemegood aungwahmetahgoozewin,) Levite, Cyprusing kahoonjebaud,
37Ooduhkeemegoobun, oogeähtahwahgan dush ooduhkeem, oogepeenaun dush enewh shooneäun, keähsaud dush emuh oosittahning enewh apostleün.
Pilihan Saat Ini:
OODEZHECHEGAWINEWAH 4: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
