Luka 20
20
Hegbɛ ni Yesu yɔɔ
(Mateo 21.23-27; Marko 11.27-33)
1Gbi lɛ eko be ni Yesu tsɔ̃ɔ maŋ lɛ nii yɛ Sɔlemɔ we lɛ ni ejajeɔ Sanekpakpa lɛ, osɔfonukpai lɛ kɛ mlatsɔɔlɔi lɛ kɛ onukpai lɛ ba, 2ni amɛbakɛɛ lɛ akɛ, “Tsɔ̃ɔmɔ wɔ nɔ hegbɛ ni oyɔɔ hewɔ ni ofeɔ nii nɛɛ, ni namɔ ji mɔ ni hã bo nɛkɛ hegbɛ nɛɛ?” 3Ni eto he ekɛɛ amɛ akɛ, “Mi hu mibabi nyɛ sane ko, ni nyɛhãa mi hetoo: 4Yohane baptisimɔ lɛ, ani ŋwɛi ejɛ aloo gbɔmɛi adɛŋ?” 5Shi amɛhala mli yɛ amɛteŋ akɛ, “Kɛji wɔkɛɛ ejɛ ŋwɛi lɛ, eeekɛɛ, ‘Mɛɛba ni nyɛheee lɛ nyɛyeee mɔ?’ 6Ni asaŋ kɛji wɔkɛɛ akɛ ejɛ gbɔmɛi adɛŋ lɛ, maŋ lɛ fɛɛ aaatswia wɔ tɛi; ejaakɛ amɛyɛ nɔmimaa akɛ; Yohane lɛ, gbalɔ ji lɛ.” 7Ni amɛto he akɛ amɛleee he ni ejɛ. 8Ni Yesu kɛɛ amɛ akɛ, “Belɛ mi hu mitsɔ̃ɔɔ nyɛ nɔ hegbɛ ni miyɔɔ ni mifeɔ nii nɛɛ mɔ!”
Waintrom mli apaafoi fɔ̃ji lɛ
(Mateo 21.33-46; Marko 12.1-12)
9 #
Yes 5.1
Ni ebɔ̃i maŋ lɛ nɛkɛ abɛ nɛɛ buu akɛ, “Nuu ko fee waintrom ni ekɛhã okwaafoi apaayeli, ni etee maŋsɛɛ ni eyatsɛ aahu. 10#2 Kron 36.15-16 Ni be ni shɛ be lɛ, etsu tsulɔ ko kɛtee okwaafoi lɛ aŋɔɔ, koni amɛhã lɛ waintrom lɛ mli yibii lɛ eko; shi okwaafoi lɛ yi lɛ, ni amɛshwie lɛ kɛ edɛ̃ŋ folo. 11Ni esaa etsu tsulɔ kroko hu, shi amɛyi lɛ hu ni amɛshwie ehiɛ shi, ni amɛshwie lɛ kɛ edɛ̃ŋ folo. 12Ni esaa etsu mɔ ni ji etɛ̃; shi lɛ hu amɛpila lɛ, ni amɛtsirɛ eyi sɛɛ kɛje kpo. 13Ni waintrom lɛ tsɛ lɛ kɛɛ, ‘Mɛni sa akɛ mafee? Matsu mibi ni misumɔɔ lɛ; ekolɛ lɛ lɛ, kɛ amɛna lɛ lɛ, amɛhiɛ aaasɔ lɛ.’ 14Shi be ni okwaafoi lɛ na lɛ lɛ, amɛkɛɛkɛɛ amɛhe akɛ, ‘Niyelɔ lɛ nɛ; nyɛhãa wɔgbea lɛ, koni gboshinii lɛ atsɔ̃ wɔnɔ.’ 15Ni amɛtsirɛ eyisɛɛ kɛje waintrom lɛ mli ni amɛyagbe lɛ. No hewɔ lɛ, mɛni waintromtsɛ lɛ aaafee amɛ? 16Eeeba ebakpãtã nɛkɛ okwaafoi nɛɛ ahiɛ, ni ekɛ waintrom lɛ aaahã mɛi krokomɛi.” Shi be ni amɛnu lɛ, amɛkɛɛ, “Enɛ akagbale wɔ fɔ̃ŋfɔ!” 17#Lal 118.22 Shi ekwɛ amɛ kɛkpe ni ekɛɛ, “Mɛni nɔ ni aŋma nɛɛ tsɔ̃ɔ mɔ akɛ,
‘Tɛ lɛ ni tsutswalɔi lɛ shɛ fɔ̃ lɛ,
No nɔŋŋ etsɔ koŋtɛ lɛ? ’
18 #
Luk 19.48
“Mɔ fɛɛ mɔ ni aaagbee tɛ nɛɛ nɔ lɛ, emli aaatserɛ; shi mɔ nɔ ni eeegbee lɛ, eeegbɛlɛ lɛ mɔnyɔmɔnyɔ.” 19Ni osɔfonukpai lɛ kɛ mlatsɔɔlɔi lɛ miitao lɛ amɔ yɛ nakai ŋmɛlɛtswaa lɛ nɔ nɔŋŋ, ejaakɛ amɛyoo akɛ amɛhewɔ ebu nɛkɛ abɛ nɛɛ; shi amɛmiishe maŋ lɛ gbeyei.
Oniatsumɔ kɛ Kaisare hamɔ
(Mateo 22.15-22; Marko 12.13-17)
20 #
Luk 11.54
Ni amɛsra lɛ, ni amɛtsu saralɔi, mɛi ni fee amɛhe tamɔ jalɔi, koni amɛmɔ enaa enyɔŋ, bɔ ni afee ni amɛŋɔ lɛ amɛhã amralo lɛ hewalɛ kɛ hegbɛ lɛ. 21Ni amɛkɛɛ lɛ akɛ, “Tsɔɔlɔ, wɔle akɛ owieɔ ni otsɔ̃ɔ nii jalɛ naa, ni asaŋ okwɛɛɛ gbɔmɛi ahiɛiaŋ, shi moŋ anɔkwale mli otsɔ̃ɔ Nyɔŋmɔ gbɛ lɛ yɛ. [Kɛɛmɔ wɔ]: 22Ani eja gbɛ akɛ wɔyeɔ too wɔhãa Kaisare, aloo ejaaa?” 23Shi be ni ekpa amɛŋaa lɛ shi lɛ, ekɛɛ amɛ akɛ, 24“Nyɛkɛ denario atsɔ̃a mi. Namɔ mfoniri nɛ? Ni namɔ he sane aŋma yɛ nɔ lɛ?” Ni amɛto he amɛkɛɛ, “Kaisare nɔŋ.” 25Ni ekɛɛ amɛ akɛ, “Belɛ nyɛkɛ Kaisare nii ahãa Kaisare; shi Nyɔŋmɔ nii lɛ nyɛkɛhãa Nyɔŋmɔ.” 26Ni amɛnyɛɛɛ enaa enyɔŋ ko amɛmɔ yɛ maŋ lɛ hiɛ, ni ehetoo lɛ fee amɛ naakpɛɛ, ni amɛbu amɛnaa.
Gbohiiashitee he sanebimɔ
(Mateo 22.23-33; Marko 12.18-27)
27Ni Sadukifoi lɛ hu ni tsɔ̃ɔ akɛ gbohiiashitee ko bɛ lɛ ateŋ mɛi komɛi ba eŋɔɔ, ni amɛbabi lɛ sane ko 28#Deut 25.5, 6 amɛkɛɛ, “Tsɔɔlɔ, Mose ŋma hã wɔ akɛ, ‘Kɛji mɔ ko nyɛmi ni yɔɔ ŋa gbo ni eshiii bi lɛ, enyɛmi aŋɔ eŋa lɛ, koni ewo shwiei ehã enyɛmi lɛ.’ 29Agbɛnɛ nyɛmimɛi kpawo hi shi, ni amɛteŋ onukpa lɛ ŋɔ yoo, ni egbo ni eshiii bi. 30Ni esɛɛho lɛ ŋɔ lɛ, ni lɛ hu egbo ni eshiii bi. 31Ni mɔ ni ji etɛ̃ lɛ hu ŋɔ lɛ, ni nakai nɔŋŋ amɛyi kpawo lɛ fɛɛ amɛfee; ni amɛshiii bii ni amɛgboi. 32Ni fee sɛɛ lɛ yoo lɛ hu bagbo.
33“Belɛ gbohiiashitee lɛ mli lɛ, amɛteŋ namɔ ŋa eeetsɔ? Ejaakɛ mɛi kpawo lɛ fɛɛ ŋɔ lɛ.” 34Ni Yesu to he ekɛɛ amɛ akɛ, “Je nɛɛŋ bii ŋɔŋɔɔ yei ni amɛkɛ yei hãa gbãlã, 35shi mɛi ni aaasa jeŋ ni baa lɛ kɛ gbohiiashitee lɛ namɔ lɛ, amɛŋɔɔɔ yei, asaŋ amɛkɛ yei hãaa gbãlã, 36#1 Yoh 3.1, 2 ni asaŋ amɛnyɛŋ amɛgboi dɔŋŋ, ejaakɛ amɛtamɔ ŋwɛi bɔfoi; ni Nyɔŋmɔ bii ji amɛ, ejaakɛ shitee lɛ bii ji amɛ. 37#Ɛks 3.6 Shi akɛ gbohii baate shi ekoŋŋ lɛ, Mose diɛŋtsɛ tsɔ̃ɔ yɛ koowie lɛ sane lɛ mli, be ni etsɛ Nuŋtsɔ lɛ akɛ ‘Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ’ lɛ; 38shi Nyɔŋmɔ lɛ, jeee gbohii aNyɔŋmɔ ni shi moŋ hiɛkãalɔi aNyɔŋmɔŋ; ejaakɛ ehiɛ lɛ mɛi fɛɛ hiɛkãmɔ.” 39Shi mlatsɔɔlɔi lɛ ateŋ mɛi komɛi here nɔ amɛkɛɛ, “Tsɔɔlɔ, owie jogbaŋŋ!” 40Ni amɛkaaa lɛ sane ko bimɔ dɔŋŋ.
David Bi ni ji David Nuŋtsɔ lɛ
(Mateo 22.41-46; Marko 12.35-37)
41Ni ekɛɛ amɛ akɛ, “Mɛɛ hewɔ akɛɔ akɛ Kristo lɛ, David biŋ lɛ? 42#Lal 110.1 Ejaakɛ David diɛŋtsɛ kɛɛ yɛ Lalai Awolo lɛ mli akɛ, ‘Nuŋtsɔ lɛ kɛɛ miNuŋtsɔ lɛ akɛ,
Ta mininejurɔ nɔ,
43kɛyashi beyinɔ ni maŋɔ
ohenyɛlɔi lɛ
mafee onajiashi maaŋoo.’
44Kɛ David tsɛ lɛ ‘Nuŋtsɔ’ lɛ, belɛ te feɔ tɛŋŋ mɔ ni efeɔ ebi?”
Yesu wie shi mlatsɔɔlɔi lɛ
(Mateo 23.1-36; Marko 12.38-40)
45Shi maŋ lɛ fɛɛ toiiaŋ ekɛɛ ekaselɔi lɛ akɛ, 46#Luk 11.43 “Nyɛhiɛ ahia nyɛhe nɔ yɛ mlatsɔɔlɔi lɛ ahewɔ, ni amɛsumɔɔ jara nɔ ŋamɔi kɛ onukpai ashitaramɔhei yɛ kpeehei lɛ kɛ yitsotamɔ kɛ atsɛ okplɔ̃ lɛ, 47amɛyeɔ okulafoi agboshinii yɛ amɛdɛŋ, belɛ amɛkwa amɛmiisɔle sɔlemɔi kakadaji. Amɛfɔbuu lɛ aaafe nine.”
Pilihan Saat Ini:
Luka 20: NEGAB
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Bible in Ga Language © Bible Society of Ghana, 2020.
