Yohane 3
3
Yesu kɛ Nikodemo
1 #
Yoh 7.50; 19.39 Nuu ko yɛ ni jɛ Farisifoi lɛ ateŋ ni atsɛɔ lɛ Nikodemo ni ji Yudafoi lɛ anukpa; 2lɛ eba Yesu ŋɔɔ nyɔɔŋ, ni ebakɛɛ lɛ akɛ, “Rabi, wɔle akɛ tsɔɔlɔ ni jɛ Nyɔŋmɔ ŋɔɔ ba ji bo; ejaakɛ mɔ ko nyɛŋ afee okadii ni ofeɔ nɛɛ, akɛ ja Nyɔŋmɔ kɛ mɔ lɛ yɛ.” 3#1 Pet 1.23 Yesu here nɔ ni ekɛɛ lɛ akɛ, “Anɔkwale mikɛɔ bo akɛ, kɛji ajɛɛɛ ŋwɛi afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ ena.” 4Nikodemo bi lɛ akɛ, “Te aaafee tɛŋŋ ni be ni gbɔmɔ egbɔ lɛ ni aaafɔ lɛŋ? Ani eeenyɛ ebote enyɛ musu mli ekoŋŋ ni afɔ lɛ?” 5#Eze 36.25-27; Efes 5.26; Tit 3.5 Yesu here nɔ akɛ, “Miikɛɛ bo anɔkwale akɛ, kɛji ajɛɛɛ nu kɛ Mumɔ mli afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ mli ebote. 6#Yoh 1.13; Jɛn 5.3; Lal 51.5 Nɔ ni ajɛ heloo mli afɔ lɛ, heloo ni; ni nɔ ni ajɛ Mumɔ mli afɔ lɛ, mumɔ ni. 7Ohiɛ akafee bo yaa akɛ mikɛɛ bo akɛ, ‘ja ajɛ ŋwɛi afɔ nyɛ’ lɛ. 8Kɔɔyɔɔ lɛ, he ni esumɔɔ etswaa kɛyaa, ni egbɛɛmɔ onuɔ, shi oleee he ni ejɛɔ kɛ he ni eyaa; nakai ji mɔ fɛɛ mɔ ni ajɛ Mumɔ mli afɔ lɛ lɛ.”
9Nikodemo here nɔ ni ebi lɛ akɛ, “Te aaafee tɛŋŋ ni nii nɛɛ aaanyɛ aba mli hu?”
10Yesu here nɔ ni ekɛɛ lɛ akɛ, “Te Israel tsɔɔlɔ ji bo? Ni oleee enɛɛmɛi nɛɛ? 11#Yoh 7.16; 8.26-28 Miikɛɛ bo anɔkwale akɛ, nɔ ni wɔle lɛ, no wɔwieɔ; ni nɔ ni wɔna lɛ, no he odase wɔyeɔ; shi nyɛŋɔɔɔ wɔdase lɛ. 12Kɛ mikɛ nyɛ wie shikpɔŋ nɔ nii ahe ni nyɛheee nyɛyeee lɛ, te aaafee tɛŋŋ kɛji mikɛ nyɛ wie ŋwɛinii ahe ni nyɛaahe nyɛyeŋ? 13#Efes 4.9 Ni mɔ ko ekwɔko kɛyako ŋwɛi, akɛ ja mɔ ni jɛ ŋwɛi kpeleke shi lɛ, Gbɔmɔ Bi lɛ ni yɔɔ ŋwɛi lɛ. 14#Num 21.8-9 Ni bɔ ni Mose wo onufu lɛ nɔ yɛ ŋa lɛ nɔ lɛ, nakai nɔŋŋ sa akɛ awo Gbɔmɔ Bi lɛ nɔ, 15koni mɔ fɛɛ mɔ ni heɔ enɔ eyeɔ lɛ ana naanɔ wala.”
16 #
Rom 5.8; 8.32; 1 Yoh 4.9 “Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala. 17#Yoh 12.47 Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala. 18#Yoh 3.36; 5.24 Mɔ ni heɔ enɔ yeɔ lɛ, akojooo lɛ; shi mɔ ni heee yeee lɛ, akojo lɛ momo, ejaakɛ eheko Nyɔŋmɔ Bi koome lɛ gbɛi lɛ nɔ eyeko. 19#Yoh 1.5, 9-11 Shi kojomɔ lɛ nɛ, akɛ la lɛ eba je lɛ mli, ni gbɔmɛi sumɔɔ duŋ lɛ moŋ fe la lɛ, ejaakɛ amɛnitsumɔi lɛ efɔ̃ɔji ni; 20#Efes 5.13 ni mɔ fɛɛ mɔ ni tsuɔ nifɔɔjianii lɛ nyɛɔ la lɛ, ni ebaaa la lɛ he, koni akajie enitsumɔi lɛ ashi. 21Shi mɔ ni feɔ anɔkwalenii lɛ baa la lɛ he, koni enitsumɔi lɛ aje kpo, ejaakɛ Nyɔŋmɔ mli atsu yɛ.”
Yohane odase kroko ni eye yɛ Yesu he
22 #
Yoh 4.1-2
Nii nɛɛ asɛɛ lɛ, Yesu kɛ ekaselɔi lɛ ba Yudea shikpɔŋ lɛ nɔ, ni ekɛ amɛ bahi jɛi, ni ebaptisiɔ. 23Ni Yohane hu miibaptisi yɛ Ainon yɛ Salim masɛi, ejaakɛ nu pii yɛ jɛi, ni mɛi baa ni abaptisiɔ amɛ; 24#Mat 14.3 ejaakɛ no mli lɛ anako awo Yohane tsuŋ.
25Agbɛnɛ naataamɔ bate shi yɛ Yohane kaselɔi lɛ kɛ Yudafonyo ko teŋ yɛ hetsuumɔ he. 26#Yoh 1.26-34 Ni amɛba Yohane ŋɔɔ ni amɛbakɛɛ lɛ akɛ, “Rabi, mɔ ni kɛ bo hi Yordan sɛɛ ni oye ehe odase lɛ, naa, lɛ diɛŋtsɛ eebaptisi, ni mɛi fɛɛ miiya eŋɔɔ.” 27#Heb 5.4 Yohane here nɔ ni ekɛɛ, “Gbɔmɔ nyɛŋ ana nɔ ko, akɛ ja ajɛ ŋwɛi akɛhã lɛ. 28#Yoh 1.20, 23-27 Nyɛ diɛŋtsɛ nyɛmiiye mi odase akɛ mikɛɛ akɛ, jeee mi ji Kristo lɛ, shi moŋ atsu mi kɛtsɔ̃ ehiɛ. 29#Mat 22.2 Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli. 30Lɛ lɛ, ja eshwere, ni mi lɛ, minɔ gbɔ.” 31#Yoh 8.23 Mɔ ni jɛ ŋwɛi ba lɛ, efe mɛi fɛɛ. Mɔ ni jɛ shikpɔŋ nɔ lɛ, shikpɔŋ lɛ nɔ ejɛ, ni shikpɔŋ lɛ he ewieɔ. Mɔ ni jɛ ŋwɛi ba lɛ, efe mɛi fɛɛ, 32ni nɔ ni ena ni enu lɛ, no he odase eyeɔ; ni mɔ ko mɔ ko eŋɔɔɔ edase lɛ. 33Mɔ ni ŋɔɔ edase lɛ, esɔo naa akɛ anɔkwafo ji Nyɔŋmɔ. 34#Yoh 1.33, 34 Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ. 35#Yoh 5.20; Mat 11.27; Luk 10.22 Tsɛ lɛ sumɔɔ Bi lɛ, ni etu nii fɛɛ ewo edɛŋ. 36Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.
Pilihan Saat Ini:
Yohane 3: NEGAB
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Bible in Ga Language © Bible Society of Ghana, 2020.
