Yohane 2
2
Yookpeemɔ yɛ Kana
1Enɔ gbii etɛ̃ lɛ akpee yoo yɛ Kana yɛ Galilea; ni Yesu nyɛ yɛ jɛi. 2Ni akpee Yesu hu kɛ ekaselɔi lɛ kɛtee yookpeemɔ lɛ. 3Ni be ni wain lɛ tã lɛ, Yesu nyɛ kɛɛ lɛ akɛ, “Amɛbɛ wain.” 4#Yoh 19.26; Mat 12.48 Yesu kɛɛ lɛ akɛ, “Ohe sane mɛ ji no, Awo? Miŋmlɛtswaa lɛ shɛko.” 5Enyɛ kɛɛ tsuji lɛ akɛ, “Nɔ fɛɛ nɔ ni eeekɛɛ nyɛ lɛ, nyɛfea.” 6#Mar 7.3, 4 Ni tɛ botokui ekpaa mamɔ shi yɛ jɛi, yɛ Yudafoi lɛ ahetsuumɔ hewɔ, ekome yeɔ susumɔ gbɛi enyɔ loo etɛ̃. 7Yesu kɛɛ amɛ akɛ, “Nyɛwoa botokui lɛ amli nu obɔ̃bɔ̃.” Ni amɛwo amɛ obɔ̃bɔ̃ɔbɔ̃. 8Ni ekɛɛ amɛ akɛ, “Nyɛyɛa eko nyɛyahãa piafonyo lɛ.” Ni amɛyɛ kɛtee. 9Shi be ni piafonyo lɛ sa enaa nu ni etsɔ̃ wain, ni eleee he ni jɛ, shi tsuji lɛ ni yɛ nu lɛ kɛkɛ le lɛ, etsɛ ayɛmforowu lɛ, 10ni ekɛɛ lɛ akɛ, “Mɔ fɛɛ mɔ lɛ, wain kpakpa ekɛbamaa shi klɛŋklɛŋ, ni kɛ mɛi lɛ etɔrɔ lɛ, no dani ekɛ nɔ ni eŋɔɔɔ lɛ baa; shi bo lɛ okɛ wain kpakpa lɛ moŋ eto kɛbashi benɛ.” 11#Yoh 1.14 Enɛ Yesu fee yɛ Kana yɛ Galilea ekɛje ekadii ashishi ni ekɛ enunyam lɛ tsɔ̃ɔ, ni ekaselɔi lɛ he enɔ amɛye. 12#Yoh 7.3; Mat 4.13 Enɛ sɛɛ lɛ eyiŋ etee Kapernaum, lɛ kɛ enyɛ kɛ enyɛmimɛi kɛ ekaselɔi lɛ, shi amɛyeee gbii pii ko yɛ jɛi.
Yesu tsuu Sɔlemɔ we lɛ he
13 #
Ɛks 12.1-27
Agbɛnɛ Yudafoi lɛ aHehoo lɛ eshɛ etã, ni Yesu tee Yerusalɛm. 14Ni eyana mɛi ni hɔ̃ɔ tsinai kɛ toi kɛ okpoi kɛ mɛi ni tsakeɔ shika hu tara shi yɛ amɛkpɔlɔ̃i ahe yɛ Sɔlemɔ we lɛ. 15Ni ekɛ taŋkpei bibii fee kpelebii ni ekɛshwie amɛ fɛɛ kɛ toi kɛ tsinai lɛ kɛje Sɔlemɔ we lɛ, ni etsɔ̃ shikatsakelɔi lɛ ashika lɛ eshwie shi; ni etsirɛ okpɔlɔi lɛ etswia shi; 16ni ekɛɛ mɛi ni hɔ̃ɔ okpoi lɛ akɛ, “Nyɛjiea nii nɛɛ kɛjea biɛ, nyɛkɛ miTsɛ we lɛ akafea jara nɔ.” 17#Lal 69.9 Shi ekaselɔi lɛ kai akɛ aŋma akɛ, “Owe lɛ he hiɛdɔɔ lɛ eye mi.” 18#Mat 21.23 Kɛkɛ ni Yudafoi lɛ bi lɛ akɛ, “Mɛɛ okadi okɛtsɔ̃ɔ wɔ akɛ oyɛ hegbɛ akɛ ofeɔ enɛɛmɛi nɛɛ?” 19#Mat 26.61; 27.40; Mar 14.58; 15.29 Yesu here nɔ ni ekɛɛ amɛ akɛ, “Nyɛkumɔa sɔlemɔtsu nɛɛ, ni gbii etɛ̃ mli lɛ mama ekoŋŋ.” 20Kɛkɛ lɛ Yudafoi lɛ kɛɛ, “Afii nyɔŋmai ejwɛ kɛ ekpaa akɛma Sɔlemɔtsu nɛɛ, ni bo lɛ gbii etɛ̃ okɛaama lo?” 21#1 Kor 6.19 Shi lɛ lɛ, egbɔmɔtso akɛ Sɔlemɔtsu lɛ he ewieɔ lɛ. 22No hewɔ lɛ, be ni ete shi kɛjɛ gbohii ateŋ lɛ ekaselɔi lɛ kai akɛ ekɛɛ enɛ, ni amɛhe ŋmalɛ lɛ kɛ wiemɔ ni Yesu wie lɛ amɛye.
23Agbɛnɛ, be ni Yesu yɔɔ Yerusalɛm yɛ Hehoo Gbijurɔ lɛ mli lɛ, mɛi pii na okadii ni efee lɛ, ni amɛhe egbɛi lɛ nɔ amɛye. 24Shi Yesu diɛŋtsɛ lɛ ekɛ ehe efɔ̃ɔɔ amɛnɔ, ejaakɛ ele amɛ fɛɛ amɛsu. 25#Mar 2.8 Ni ehe ehĩaaa akɛ mɔ ko aye gbɔmɔ he odase ahã lɛ, ejaakɛ lɛ diɛŋtsɛ ele nɔ ni yɔɔ gbɔmɔ tsui mli.
Pilihan Saat Ini:
Yohane 2: NEGAB
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Bible in Ga Language © Bible Society of Ghana, 2020.
