Ayat-ayat Alkitab Ternama dari Yohane 2

Berbagi

Enɛ Yesu fee yɛ Kana yɛ Galilea ekɛje ekadii ashishi ni ekɛ enunyam lɛ tsɔ̃ɔ, ni ekaselɔi lɛ he enɔ amɛye.

Yesu kɛɛ lɛ akɛ, “Ohe sane mɛ ji no, Awo? Miŋmlɛtswaa lɛ shɛko.”

Yesu kɛɛ amɛ akɛ, “Nyɛwoa botokui lɛ amli nu obɔ̃bɔ̃.” Ni amɛwo amɛ obɔ̃bɔ̃ɔbɔ̃. Ni ekɛɛ amɛ akɛ, “Nyɛyɛa eko nyɛyahãa piafonyo lɛ.” Ni amɛyɛ kɛtee.

Yesu here nɔ ni ekɛɛ amɛ akɛ, “Nyɛkumɔa sɔlemɔtsu nɛɛ, ni gbii etɛ̃ mli lɛ mama ekoŋŋ.”

Ni ekɛ taŋkpei bibii fee kpelebii ni ekɛshwie amɛ fɛɛ kɛ toi kɛ tsinai lɛ kɛje Sɔlemɔ we lɛ, ni etsɔ̃ shikatsakelɔi lɛ ashika lɛ eshwie shi; ni etsirɛ okpɔlɔi lɛ etswia shi; ni ekɛɛ mɛi ni hɔ̃ɔ okpoi lɛ akɛ, “Nyɛjiea nii nɛɛ kɛjea biɛ, nyɛkɛ miTsɛ we lɛ akafea jara nɔ.”