Lucas 4
4
Ang Pagsulay kay Jesus
(Mat. 4:1-11; Mar. 1:12-13)
1Si Jesus nga napun-an sang Espiritu Santo nagbalik halin sa Jordan, kag gindala sia sang Espiritu sa desierto, 2sa diin ginsulay sia sang Yawa sa sulod sang kwarenta ka adlaw. Wala sia magkaon sa sulod sina nga mga inadlaw, kag sa tapos sadto gingutom sia.
3Ang Yawa nagsiling sa iya, “Kon ikaw ang Anak sang Dios, sugoa ining bato nga mangintinapay.”
4Pero#Deut. 8:3. nagsabat si Jesus, “Ang kasulatan nagasiling, ‘Indi lamang sa tinapay mabuhi ang tawo.’”
5Dayon gindala sia sang Yawa sa isa ka mataas nga lugar kag ginpakita sa iya sa isa ka pamisok ang tanan nga mga ginharian sang kalibutan. 6Nagsiling ang Yawa sa iya, “Ihatag ko sa imo ining tanan nga kagamhanan kag kamanggaran. Gintugyan ini tanan sa akon kag sarang ko ini mahatag sa bisan kay sin-o nga luyag ko hatagan. 7Gani ini tanan mangin-imo kon magsimba ka sa akon.”
8Nagsabat#Deut. 6:13. si Jesus, “Ang kasulatan nagasiling, ‘Magsimba ka sa Ginoo nga imo Dios kag sia lang ang imo alagaron!’”
9Dayon gindala sia sang Yawa sa Jerusalem, kag ginpatindog sia sa pinakamataas nga bahin sang Templo kag nagsiling sa iya, “Kon ikaw ang Anak sang Dios, lukso ka paidalom. 10Kay#Sal. 91:11-12. ang kasulatan nagasiling, ‘Ang Dios magasugo sang iya mga anghel sa pagbantay sa imo’. 11Kag nagasiling pa gid, ‘Bayawon ka nila sa ila mga kamot agod indi masamad bisan pa ang imo mga tiil sa mga bato.’”
12Pero#Deut. 6:16. nagsabat si Jesus sa iya, “Ang kasulatan nagasiling, ‘Indi mo pagsulayon ang Ginoo nga imo Dios.’”
13Sang matapos sang Yawa ang tanan nga paagi sang pagsulay, ginbayaan niya anay si Jesus tubtob nga may kahigayunan na man sia.
Ginsugoran ni Jesus ang Iya Bulohaton sa Galilea
(Mat. 4:12-17; Mar. 1:14-15)
14Dayon si Jesus nagbalik sa Galilea, kag ang gahom sang Espiritu Santo yara sa iya. Ang balita nahanungod sa iya naglapnag sa palibot nga mga lugar. 15Nagpanudlo sia sa ila mga sinagoga kag gindayaw sia sang tanan.
Si Jesus Ginsikway sa Nazaret
(Mat. 13:53-58; Mar. 6:1-6)
16Dayon si Jesus nagkadto sa Nazaret, sa diin sia nagdaku, kag sang Adlaw nga Inugpahuway nagkadto sia sa sinagoga suno sa iya kinaandan nga ginahimo. Nagtindog sia sa pagbasa sang mga Kasulatan 17kag ginhatag sa iya ang libro ni Isaias nga propeta. Ginbukad niya ini kag nakita niya ang bahin diin nasulat ang masunod:
18“Ang#Isa. 61:1-2 (LXX). Espiritu sang Ginoo yari sa akon,
tungod kay ginpili niya ako sa pagwali sang maayong balita sa mga imol.
Ginpadala niya ako sa pagpahibalo sang kahilwayan sa mga bihag,
kag sa pag-ayo sang panulok sang mga bulag,
sa paghilway sang mga ginapigos,
19kag sa pagpahibalo nga ang tion nag-abot na
nga ang Ginoo magaluwas sang iya mga katawhan.’”
20Gintakop ni Jesus ang libro, gin-uli sa manugbulig, kag nagpungko. Ang tanan nga mga tawo sa sinagoga nagtulok sa iya. 21Nagsugod sia sa paghambal sa ila, “Ini nga dinalan sang kasulatan natuman karon nga adlaw samtang ginapamatian ninyo ang pagbasa sini.”
22Gindayaw sia sang tanan, kag natingala sila sang matahom nga mga pulong nga iya ginhambal. Nagsiling sila, “Indi bala sia anak ni Jose?”
23Nagsiling si Jesus sa ila, “Sa walay duhaduha magasiling kamo sa akon sining hulobaton, ‘Manugbulong, ayuha ang imo kaugalingon.’ Kag magasiling man kamo sa akon, ‘Abi, himua man diri sa imo kaugalingon nga banwa ang nabatian namon nga ginhimo nimo sa Capernaum.’” 24Kag#Juan 4:44. nagsiling pa gid si Jesus, “Nagasiling ako sa inyo: wala sing propeta nga ginabaton sa iya kaugalingon nga banwa. 25Pamatii#1 Hari 17:1. ninyo ako: matuod gid nga madamo ang mga babayi nga balo sa Israel sang panahon ni Elias, sang wala gid mag-ulan sa sulod sang tatlo ka tuig kag anom ka bulan kag may daku nga tiggulotom sa bug-os nga duta. 26Pero#1 Hari 17:8-16. si Elias wala ginpadala sa bisan kay sin-o sa ila, kundi sa babayi lang nga balo nga nagaestar sa Sarepta sa duta sang Sidon. 27Kag#2 Hari 5:1-14. may madamo nga mga aruon sa Israel sang panahon ni Eliseo nga propeta, pero wala gid sing isa sa ila nga gin-ayo, kundi si Naaman lang nga taga-Siria.”
28Ang tanan nga mga tawo sa sinagoga naakig gid sang pagkabati nila sini. 29Nagtindog sila kag ila ginganoy si Jesus pa gwa sa banwa, kag gindala nila sia sa ibabaw sang bakulod sa diin ang ila banwa napasad, agod ila sia itiklod sa pil-as. 30Pero si Jesus nag-agi sa tunga nila, kag naglakat.
Ang Tawo nga may Malaut nga Espiritu
(Mar. 1:21-28)
31Dayon si Jesus nagkadto sa Capernaum, isa ka banwa sang Galilea, sa diin nagpanudlo sia sa mga tawo sa Adlaw nga Inugpahuway. 32Natingala#Mat. 7:28-29. gid sila sang iya pagpanudlo, tungod kay naghambal sia nga may awtoridad. 33May tawo didto sa sinagoga nga ginagamhan sang demonyo, kag nagsinggit sia sa mabaskog nga tingog, 34“A! Jesus nga taga-Nazaret, ano ang labot mo sa amon? Nag-abot ka bala sa paglaglag sa amon? Nahibal-an ko kon sin-o ka: ikaw ang Balaan nga ginpadala sang Dios!”
35Ginmanduan ni Jesus ang malaut nga espiritu nga nagasiling, “Maghipos ka, kag maggwa ka sa tawo!” Gintumba sang demonyo ang tawo sa atubang sang tanan. Naggwa sia sa tawo kag wala niya sia mahalitan.
36Tanan sila natingala gid kag nagsinilingay, “Ano bala nga sahi sang mga pulong ini? Ini nga tawo nagamando nga may awtoridad kag gahom sa malaut nga mga espiritu kag nagagwa sila!” 37Kag ang balita nahanungod kay Jesus naglapnag sa tanan nga mga lugar sa palibot nga rehiyon.
Ginpang-ayo ni Jesus ang Madamo nga mga Tawo
(Mat. 8:14-17; Mar. 1:29-34)
38Si Jesus naggwa sa sinagoga kag nagkadto sa balay ni Simon. Ang ugangan nga babayi ni Simon nagamasakit nga may mataas nga hilanat, gani ginpangabay nila si Jesus sa pag-ayo sa iya. 39Ginkadtuan sia ni Jesus kag nagtindog sia sa tupad sang iya higdaan, kag ginmanduan ang hilanat nga maghalin sa iya. Nag-ayo sia sa iya hilanat kag sa gilayon nagbangon sia kag nag-amuma sa ila.
40Sang makatunod na ang adlaw, ang tanan nga nagamasakit sa nagkalainlain nga mga balatian gindala sang ila mga abyan sa kay Jesus. Si Jesus nagtungtong sang iya mga kamot sa tagsatagsa sa ila kag gin-ayo niya sila tanan. 41Ang mga demonyo naggulowa man sa madamo nga mga tawo, kag nagsilinggit, “Ikaw ang Anak sang Dios!”
Ginmanduan ni Jesus ang mga demonyo kag wala niya sila pagtugoti sa paghambal, tungod kay nakahibalo sila nga sia amo ang Cristo.
Si Jesus Nagwali sa mga Sinagoga
(Mar. 1:35-39)
42Sang pagbutlak sang adlaw, si Jesus naggwa sa banwa kag nagkadto sa maligwin nga lugar. Ang mga tawo nagpangita sa iya, kag sang makita nila sia nagtinguha sila sa paghawid sa iya. 43Pero nagsiling si Jesus sa ila, “Kinahanglan iwali ko ang Maayong Balita nahanungod sang paghari sang Dios sa iban man nga mga banwa, tungod kay ginpadala ako sa sini nga katuyoan.”
44Gani nagpangwali sia sa mga sinagoga sa bug-os nga pungsod.
Pilihan Saat Ini:
Lucas 4: MBBHIL12
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Maayong Balita nga Biblia © Philippine Bible Society, 2012
