Քո կյանքի ամենակարևոր որոշումըՕրինակ

«Արդյոք պե՞տք է, որ Աստված թույլ տա քեզ մտնել Երկինք»։

Միայն մի պահ պատկերացրեք, որ ձեր ժամանակն այստեղ՝ այս աշխարհի վրա, հասել է անսպասելի ավարտի։ Զարմանալիորեն՝ դուք հայտնաբերում եք ձեզ ձեր Արարչի առջև կանգնած։ Ինչքան էլ որ ձեր զարմանքն ու երկյուղը փոխվում են ակնկալիքի և հուզմունքի՝ վերջապես տեսնելու ձեր հավիտենական տունը, միևնույն է, ձեզ հանկարծ կանգնեցնում են մուտք գործելուց առաջ։ Աստված ձեզ մի խորաթափանց հարց է ուղղում․ «Ինչու՞ պետք է թույլ տամ, որ մտնես երկինք»։

Ինչպե՞ս կպատասխանես։

Բարեբախտաբար, երբ յուրաքանչյուրիս համար այդ ահեղ և հիասքանչ օրը գա, Աստված չի խնդրելու մեզ մինչ մտնելը թեստ լրացնել։ Այնուամենայնիվ, այս սցենարը ստեղծում է կարևոր և մտածելու տեղիք տվող պատկեր, ինչը միտված է օգնելու մեզ փրկությունն ավելի լավ հասկանալ։

Ոմանք Աստծո հարցին կարող են պատասխանել վկայակոչելով իրենց կատարած բարի գործերը։ Մյուսները կնկարագրեն իրենց հավատարմորեն եկեղեցի հաճախելը, իսկոմանք էլ գուցե թվարկեն բոլոր այն չար գործերը, որոնցից խուսափել են իրենց կյանքի ընթացքում։ Ինչքան էլ որ այս բոլորը կարևոր տարրեր են յուրաքանչյուր Քրիստոնյայի կյանքում, այնուամենայնիվ, դրանք փրկություն չեն երաշխավորում։ Կա հարցի միայն մեկ ճիշտ պատասխան․

«Ես Հիսուս Քրիստոսին իմ կյանքի Տերն եմ ընդունել և Նա մաքրել է ինձ իմ բոլոր մեղքերից»։