խոստումներ քո ամենօրյա կյանքի համարՕրինակ

Դուրս նետել վախը

«Վախչկասերիմէջ. այլկատարյալսերըհեռացնումէվախը…»:—Ա Հովհաննես 4.18

Ես ուզում եմ քեզ հետ խոսել երեքտառանի բառի մասին՝ ՎԱԽ:

Մեզանից շատերը հավանաբար հիշում են, որ մանուկ ժամանակ, եթե վատ բառ էին ասում, մայրիկը սպառնում էր իրենց բերանը օճառով լվալ: Լավ, եթե «վախը» կեղտոտ երեքտառանի բառ է, այդ դեպքում Աստծո սիրո հանդեպ հավատքը «օճառ» է:

Ես չեմ խոսում թուլամորթ հավատքի մասին: Ես խոսում եմ մեր հանդեպ Աստծո անպայմանական, անսահմանափակ, անսասան, կատարյալ սիրուն ուղղված հզոր հավատքի մասին:

Ա Հովհաննեսի 4.18-ը սովորեցնում է, որ մեր հանդեպ Աստծո սերը հասկանալը կազատի մեզ մեր վախերից: Սա չի նշանակում, որ մենք երբևէ վախ չենք զգա, սակայն Աստծո և Նրա սիրո հանդեպ հավատքը մեզ կարողություն կտա թեկուզ «վախեցած անելու» այն, ինչ պետք է անենք:

Աստված ցանկանում է, որ դու իմանաս, որ Նա քեզ հետ է: Նա կառաջնորդի և կուղղորդի քեզ, այնպես որ դու կարող ես վստահել և հավատալ Նրան: Հիշի՛ր, Նրա սերը կատարյալ է նույնիսկ այն ժամանակ, երբ մենք այդպիսին չենք: Մեր սխալների պատճառով Նա մեզ ավելի շատ կամ ավելի քիչ չի սիրի: Մի՞թե լավ չէ իմանալ, որ Աստված սիրում է քեզ հենց այնտեղ, որտեղ դու գտնվում ես: Արդյո՞ք այդ միտքը չի բարձրացնում քո հավատքը և վայր գցում քո վախը:

Ես ու դու ժամանակ առ ժամանակ վախենալու ենք: Երբ վախ զգանք, կարող ենք կրկին կենտրոնանալ Աստծո վրա՝ իմանալով, որ Նա կառաջնորդի մեզ մեր առջև ծառացած ցանկացած իրավիճակի միջով:

Ոչ թե մեր կատարելությունը, այլ Աստծո կատարյալ սերն է հեռացնում վախը:

Աղոթքի սկիզբ

Աստվա՛ծ, միայն Քո սերը կարող է հեռացնել իմ վախը, ուստի ես իմ հավատքն ուղղում եմ Քեզ: Ես գիտեմ, որ Քո ներկայությունն ինձ հետ է, և Դու ինձ կառաջնորդես ցանկացած զարհուրելի իրավիճակի միջով, որի առջև ես կկանգնեմ: Ես ընդունում եմ Քո սերը:

Ջոյսից նմանատիպ այլ ուղերձներ ստանալու համար կարող եք այցելել. https://tv.joycemeyer.org/armenian/