խոստումներ քո ամենօրյա կյանքի համարՕրինակ

Կայունկյանք

«Նականաչտեղերումհանգստացնումէինձ, ևհանդարտջրերիմոտտանումէինձ»:—Սաղմոս 23.2

Արդյո՞ք դու կայուն կյանք ունես: Միգուցե քեզ բռնացրել ես նման բաներ ասելիս. «Ես չեմ կարող ավելին անել: Ես չեմ կարող ընդմիշտ տանել դա»: Երբ այսպիսի մեկնաբանություններ ես անում, իրականում ասում ես հետևյալը. «Ես գիտեմ, որ ունեմ սահմաններ, և հասել եմ դրանց, սակայն ես պատրաստվում եմ անտեսել դրանք ու տեսնել, թե որքան երկար կարող եմ դիմանալ»: Երբ չափն անցնում ենք, մեր մարմինը մեզ նախազգուշացումներ է տալիս ցավի կամ տանջանքի միջոցով: Բայց մենք մտածում ենք. «Ինձ հետ ամեն բան կարգին է», ու անտեսում ենք զգուշացումները, մինչև չափազանց տկար ենք լինում դրանք մերժելու համար:

Ես չեմ հպարտանում սրանով, սակայն իմ ծառայության առաջին քսան տարիներին շատ հաճախ ֆիզիկապես սարսափելի ինքնազգացողություն էի ունենում: Վազում էի բժիշկների մոտ, փորձում ամեն տեսակի դեղահաբեր ու վիտամիններ: Բժիշկներն ասում էին, որ ես պարզապես չափից շատ եմ աշխատում, բայց ես անտեսում էի նրանց ասածը: Ես շարունակում էի բաց չթողնել ոչ մի ճանապարհորդություն, ոչ մի ելույթ, ոչ մի հավաքույթ՝ պարզապես ինքս ինձ ուժասպառ անելով:

Ի վերջո՝ ես գիտակցեցի, որ մենք չենք կարող անտեսել հանգստանալուն ժամանակ տրամադրելու Աստծո հրահանգը և գին չվճարել դրա համար: Հետևաբար ես որոշ փոփոխություններ կատարեցի և հիմա զգում եմ ավելի լավ, քան երբևէ:

Եթե դու ապրում ես ոչ կայուն կյանքով, դադարի՛ր հետաձգել այն փոփոխությունները, որոնք պիտի անես: Մի՛ սպասիր, մինչև ինչ-որ բան տեղի ունենա, ասենք՝ նյարդային խանգարում կամ սրտի ախտահարում: Կատարի՛ր փոփոխություններ հիմա, որպեսզի ապրես այն կյանքով, որ Աստված ուզում է:

Երբ ապրես այնպես, ինչպես Աստված է կամենում, ես կարող եմ երաշխավորել, որ քո կյանքում կհայտնաբերես խաղաղության մի նոր հիասքանչ մակարդակ:

Աղոթքի սկիզբ

Տե՛ր, ցո՛ւյց տուր իմ կյանքի անկայուն ոլորտները: Ես հանձնում եմ դրանք Քեզ: Առաջնորդի՛ր ինձ այսօր Քո հանգստի և խաղաղության մեջ, որպեսզի կարողանամ վայելել իմ կյանքը և ծառայել Քեզ հետագա տարիներին: