Pran aplikasyon anBondye Bon!Egzanp
Bonte Bondye dire pou tout tan
Bondye se fondasyon tout sa ki bon nan lavi nou, epi chak grenn benediksyon nou resevwa soti nan men li. Kèlkeswa sa k ap pase nan lavi nou, bonte li rete solid, li pa janm chanje. Nan tan lajwa tankou nan tan difikilte, bonte Bondye toujou ap kouvri nou, montre nou jan li renmen nou epi jan li fidèl. Pa gen anyen nan mond lan ki ka egalize jan bonte Li dire ak jan bonte Li toujou avèk nou.
Chak jou, lè nou reveye, se nan gras Bondye nou jwenn fòs pou kontinye jounen an. Bonte Li manifeste nan tout detay nan lavi nou, menm nan lè nou ap respire a, nan jan Li pwoteje nou, ak nan chemen li trase pou nou. Menm lè nou pa ka wè jan bagay yo ap avanse, se gras ak bonte Li ki pèmèt nou rete kanpe fèm. Sa ki pi enpòtan, se ke bonte Bondye pa gen kondisyon. Li pa depann de sa nou fè, men de lanmou li ki san limit pou nou.
Ann viv avèk yon kè plen rekonesans pou bonte san fen sa a. Chak moman nan lavi nou, ann nou glorifye non Bondye pou bonte li ak lanmou li ki pa janm sispann manifeste pou tout pitit Li yo sou tè a. Lè nou aprann rekonèt bonte Bondye nan tout bagay, nou vin viv yon lavi ki ranpli ak lapè ak gratitid tou. Glorifye non Bondye se pi bon repons nou ka bay pou tout bonte Li k ap kontinye fè wout pou nou chak jou.
Konsènan Plan sa a
Gid lekti sa a ap ede n dekouvri bonte Bondye ki prezan nan tout sikonstans yo. Kit n ap fè eksperyans lajwa oubyen difikilte, n ap sonje lanmou ak mizèrikòd Bondye ki dire pou tout tan. N ap wè kijan fidelite Bondye ka chanje lavi nou epi transfòme kè nou pandan n ap medite sou pawòl Li chak jou.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
