Pran aplikasyon anBondye Bon!Egzanp
Bonte Bondye ap kontinye manifeste malgre feblès nou yo
Nou tout fè erè nan lavi nou, men sa ki bèl la se ke bonte Bondye pa janm fini, menm lè nou echwe. Bondye pa gade feblès nou kòm yon rezon pou abandone nou; okontrè, li toujou ap tann nou ak bra ouvè, pare pou remete nou sou bon chimen an. Malgre mank nou yo, li kontinye montre nou lanmou Li san kondisyon, yon lanmou ki pa depann de sa nou fè, men de fidelite Li. Bondye konprann feblès nou e li toujou ap chèche fason pou ede nou grandi nan Li.
Sa ki pi bèl nan relasyon nou ak Bondye se ke li toujou pare pou bay nouvo chans ak moun ki fè erè. Lè nou repanti pou erè nou yo, Bondye plen ak mizèrikòd, li padone nou san kondisyon. Li pa sèvi ak feblès nou kont nou, men pito Li sèvi ak yo pou montre nou konbyen lanmou Li gran. Lè nou santi nou tonbe, se moman sa yo Bondye rale nou pi pre Li, paske Li vle wè nou tounen vin jwenn Li ak tout kè nou. Nan chak move moman, gen yon opòtinite pou Bondye travay pi fò nan lavi nou.
Bonte Bondye depase kapasite nou pou nou konprann. Li pa baze sou merit nou ni sou sa nou ka fè pou li. Okontrè, se lanmou Li pou nou ki mennen benediksyon ak mizèrikòd Li chak jou nan lavi. Li toujou ap tann nou, pare pou padone, pare pou geri, e pare pou ranfòse nou.
Konsènan Plan sa a
Gid lekti sa a ap ede n dekouvri bonte Bondye ki prezan nan tout sikonstans yo. Kit n ap fè eksperyans lajwa oubyen difikilte, n ap sonje lanmou ak mizèrikòd Bondye ki dire pou tout tan. N ap wè kijan fidelite Bondye ka chanje lavi nou epi transfòme kè nou pandan n ap medite sou pawòl Li chak jou.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
