Pran aplikasyon anBondye Bon!Egzanp
Gras ak Mizèrikòd Bondye bay fòs nan tan lapenn
Lè lavi vin difisil, li fasil pou nou santi tout bagay ap depase nou, e fòs nou ap febli. Men, Bondye toujou ap gade sou nou ak yon kè plen gras. Gras li ase pou pote nou nan moman kote tout bagay parèt twoub. Lè n ap travèse moman lapenn, lè chay lavi a sanble twò lou pou nou pote, Bondye se sèl sous fòs nou. Li ba nou kouraj pou nou kanpe lè tout lòt bagay sanble tonbe, paske fòs li pa limite, e Li toujou la pou sipòte nou nan chak etap.
Mizèrikòd Bondye pa janm fini, e se mizèrikòd sa ki ban nou kouraj lè tout bagay sanble san espwa. Menm nan mitan gwo eprèv yo, Li pa kite nou pou kont nou. Bondye toujou avèk nou, lè doulè maladi a twò fò pou nou pote poukont nou. Se li menm ki pote chay nou, ki seche dlo nan je nou, epi ki rale nou pi pre Li. Avèk konfyans nan pwomès Li yo, nou konnen tout bagay ap travay pou byen nou, menm lè nou pa konprann kijan. Mizèrikòd Bondye fè limyè klere nan fènwa nou yo, epi li toujou la pou ban nou fòs.
Nan chak batay, menm nan tan lapenn ak eprèv, Bondye pa kite nou soufri san sipò. Gras li toujou ap renouvle fòs nou chak jou, lè nou santi nou bout ak tout bagay. Avèk kouraj ki soti nan mizèrikòd li, nou ka kontinye mache, pa paske nou gen tout solisyon yo, men paske nou gen yon Bondye ki fidèl, ki toujou pare pou soutni nou. Se gras li ki fè nou rete kanpe lè difikilte lavi vle fè nou tonbe.
Konsènan Plan sa a
Gid lekti sa a ap ede n dekouvri bonte Bondye ki prezan nan tout sikonstans yo. Kit n ap fè eksperyans lajwa oubyen difikilte, n ap sonje lanmou ak mizèrikòd Bondye ki dire pou tout tan. N ap wè kijan fidelite Bondye ka chanje lavi nou epi transfòme kè nou pandan n ap medite sou pawòl Li chak jou.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
