Kiyes Jezi ye?Egzanp

Lyon Oswa Mouton an?

Tout kesyon ki te poze jiska kounye a te adrese moun k ap chèche Jezi—moun ki vle konnen si li vrèman Bondye, si li vrèman bon, tou-puisan, epi sèl chemen pou mennen a lavi etènèl nan syèl la. Men pou dènye kesyon sa a, nou bezwen konsidere tit Jezi nan Bib la ki, lè ou gade l yon premye fwa, li parèt yon bagay ki kontrè a sa Jezi te parèt la. Kesyon nou dwe poze jodi a eske Jezi te Lyon tribi Jida a oswa Ti Mouton Bondye a.

Pou nou chache konprann kesyon sa a, n ap gade nan liv Revelasyon an. Pou anpil moun, vizyon Jan an parèt twoub e difisil pou konprann, men li enpòtan paske nan liv sa a Bondye ban nou yon aperçu de sa ki pral gen nan syèl la pou tout tan an. Nan Revelasyon, nou gen yon ti apèsi de ak kisa syèl la sanble. Se yon kado san parèy Bondye ban nou . . . la nan men nou!

Nan Revelasyon 5, apot Jan pale nou de yon pwoblèm ki te gen nan syèl la. “Mwen wè yon zanj pwisan ki t ap deklare byen fò: ‘’Mwen wè yon zanj ki gen anpil fòs ki t'ap pale byen fò. Li t'ap di: Ki moun ki ka kase sele yo pou louvri liv la? Men, pa t gen pesonn ni nan sièl la, ni sou tè a, ni anba tè a ki te kapab louvri liv la pou wè sa ki te ladan li.’’ (vèsè 2–3, SNI). Jan kriye, paske li konnen woulo liv sa a reprezante plan etènèl Bondye pou detwi mechanste pou tout tan, e yon moun bezwen brize so a. Men, nan moman sa a, yon ansyen di: “Pa kriye! Gade, Lyon ki soti nan branch fanmi Jida a kapab louvri woulo liv la” (vèsè 5, SNI).

Jezi, kòm reyalizasyon pwomès Ansyen Testaman an Bondye te fè Abraram nan, se Lyon Jida a (gade Matye 1:1–3, 16 ak Lik 3:21–37). Sa enteresan paske “Jida” vle di rekonesans oswa louwanj—e Jezi, ki soti nan branch fanmi Jida a epi Li se Lyon Jida a, Li se sant adorasyon an. Li pwisan e Li merite louwanj nou. Epitou, kòm Lyon Jida a, li gen tout pouvwa pou defann nou kont tout atak lènmi an.

Sa ki enteresan, se lè Jan vire pou l gade Lyon an, olye de Lyon li wè yon Ti Mouton. Nan sistèm tanp lan, prèt yo te konn pote yon ti mouton san defo epi ofri l kòm yon sakrifis pou peche pèp la. Nan Ebre 10:14, nou li ke Jezi te vin tounen sakrifis sa a pou nou: “Konsa, avèk sèl ofrann li fè a, li fè moun li netwaye anba peche yo bon nèt pou tout tan.” (SNI). Jezi, kòm Ti Mouton Bondye a, se Sovè ki plen mizèrikòd ki delivre nou anba jijman peche nou yo.

Kidonk, istwa nan Revelasyon yo montre Jezi se ni Lyon an ni Ti Mouton an. Kòm Lyon, nou onore li epi nou ba li tout respè li merite kòm chèf ki gen tout pouvwa nan inivè a— Sa ki fè demon yo tranble (gade Jak 2:19). Kòm Ti Mouton an, nou vin devan li e nou aksepte sakrifis li fè pou rachte nou anba pouvwa esklavaj, peche, ak lanmò. Kesyon an pou ou jodi a se, èske ou pral aksepte sakrifis sa a? Èske w ap bay lavi ou a Jezi epi pran L kòmLyon an ak Ti Mouton an?

Reflechi:

Kijan ou rive konprann Jezi se 2 moun sa yo ni Lyon an ni Ti Mouton an?Kisa ki atire ou nan chak wòl sa yo li jwe nan lavi ou? Kisa sa vle di pou ou pou adore Jezi kòm Lyon Jida a ak Ti Mouton ki te bay lavi Li pou nou an? Kijan ou ka demontre adorasyon ou pou sa Jezi fè akoz lanmou li gen pou ou a? Kijan ou te kapab reponn kesyon, kiyès Jezi ye a? Kijan konpreyansyon ou sou idantite li afekte relasyon ou avèk li?