Kiyes Jezi ye?Egzanp

Zanmi Oswa Lènmi?

Men yon dezyèm kesyon nou bezwen poze konsènan Jezi, eske Li vrèman yon zanmi oswa yon lènmi. Lè moun li Bib la, yo souvan gade istwa nan Ansyen Testaman kote Bondye pini yon gwoup moun epi kote yo wè nan Li yon Bondye vanjans ak jijman. Yo menm konpare L ak divinite ki nan lòt relijyon yo—tankou bondye grèk yo—epi yo panse li se menm jan ak yo: Piti, Jalou, ki gen move tanperaman, epi ki kouto de Bò.

Kòm ou konnen deja, li ka difisil pou jije kiyès yon moun ye, lè w senpman gade aparans deyò moun nan. Lè w fenk rankontre yon moun, se toujou yon bagay kote w pran tan w pou konnen li pandan w ap devine ki moun li ye vre, epi answit teste sa w panse yo de moun nan pandan w ap fè konesans ak li. Menm bagay la tou kapab rive nan relasyon ou ak Jezi. Lè ou tande pale de Li, ou ka mande tèt ou kijan L ap reponn ou. Èske Li ap salye w ak yon souri? Èske Li ap kontan pale avèk ou? Oswa èske L ap wont ou poutèt erè pase w yo?

Jezi reponn kesyon sa a pou nou nan yon istwa, nou jwenn nan Lik 19:1–9. Jezi ap pase nan vil Jeriko lè li wè yon nonm yo rele Zache ki moute yon pye bwa. Zache se te yon pèseptè taks—yon pozisyon pèp Juif la te meprize paske pèseptè taks yo te konn travay pou fòs okipasyon an, Women yo e pèp la p at danse kole ak Women. Zache te rich tou, e li klè pou tout moun li te rive genyen anpil nan richès li yo nan jan li te konn twonpe sitwayen parèy li yo pou li te kapab fè kòb sou yo. Se konsa, Zache moun yo te rayi sou plizyè rezon.

Men, Jezi te gade pi lwen pase sa popilasyon an, jeneralman te panse de mesye sa a epi L te lonje men L bay Zache. Li di: “Zache desann imedyatman. Se lakay ou m ap desann jodi a” (vèsè 5 NIV). Nan kilti sa a, manje lakay yon moun se te yon siy onè, sa ki te pouse moun yo di: “Li te ale kay yon pechè” (vèsè 7 NIV). Yo te souvan akize Jezi nan yon fason ki negatif, tankou li sezanmi pechè yo (gade Lik 5:30), men se te yon tit Li te sanble bien asepte.

Jezi te di, “Se pa moun ki an sante ki bezwen doktè, men moun ki malad.” (Mak 2:17 NIV). Se “pechè” yo Li t ap chèche lè l te sou tè a, moun ki te rekonèt yo te bezwen L. Li te yon zanmi pou moun ki pa t jwenn amitye. Li te yon moun ki te lonje men, lonje dwèt sou moun lòt moun pa t vle manyen. . . epi lavi yo te chanje pou tout tan.

Jezi ap fè menm bagay la jodi a. Epi sa a se yon bòn nouvèl pou nou, paske, jan Pòl di, "Tout moun fè peche; yo tout vire do bay Bondye ki gen pouvwa a. " (Women 3:23 NIV). Nou chak, “tankou mouton, ki te fin pèdi” (Izayi 53:6 NIV). Nou tout se pechè ki bezwen yon zanmi tankou Jezi, e Li toujou nan biznis geri malad la. Se zanmi w Li vle vin ye, pa lènmi w.

Reponn:

Ki sikonstans ki montre ou Jezi vle rankontre ou? Si w pa konnen Jezi, ki sa sa vle di pou lè w aprann jodi a Jezi vle vin zanmi w?

Ki kèk bagay ki te anpeche w vin konnen Jezi pi byen ? Ki jan w ka retire baryè sa yo pou w ka rankontre Jezi?

Kiyès moun ou rankontre akoz de amitye w ak Jezi ? Kijan Jezi vle pou reyaji e kominike avèk moun sa yo?