Kiyes Jezi ye?Egzanp

BON OSWA BONDYE?

Kiyès Jezi ye? Se yon kesyon ki te poze pandan plizyè syèk, menm depi lè Jezi te parèt sou tè a pou premye fwa a, sa gen plis pase 2 000 ane. Men se yon kesyon Jezi vle ou poze tèt ou tou. Li aksepte kiryozite w—menm si w ta fè sa avèk odas—pandan w ap egzaminen Li epi egzaminen deklarasyon Li fè sou tèt Li yo. Nan tout Bib la, nou wè Bondye ap rankontre moun kote yo ye a, Li pa sèlman chache konnen bezwen yo, men tou dout yo genyen sou Li ak mank konfyans yo genyen nan li. Kòm salmis lan te ekri: "Lè m nan tèt chaje, lè mwen pa konn sa pou m fè, se ou menm ki ban m kouraj, se ou menm ki fè kè m kontan." (Sòm 94:19 NLT).

Youn nan premye kesyon sou Jezi ta pral genyen pou l reponn se si Li te senpman yon bon anseyan ki moral oubyen Li se vrèman Pitit Bondye a. Nou aprann de istoryen tankou Tacitus, Suetonius, Pliny Jèn, ak Flavius Josephus—tout enfòmasyon ki pa biblik—ki fè nou konnen Jezi te yon moun reyèl ki te egziste nan yon tan ak yon kote byen detèmine. Men, moun yo divize sou kisa Jezi te ye egzakteman lè li te sou tè a. Èske li te jis "yon gran anseyan sou moralite," jan ate tankou Richard Dawkins te di— Jezi egal ak yon moun ki te konn rann sèvis a limanite tankou Mè Terèza? Oswa èske li te plis pase sa?

Moun ki aksepte Jezi kòm yon bon anseyan moral sèlman gen difikilte pou konnen sa pou fè ak pasaj tankou Matye 16:13-19. Nan istwa sa a, Jezi te ansanm ak disip li yo epi li te mande: "Ki moun moun yo di Pitit Lòm nan ye?" (Matye 16:13 NIV). Pyè te reponn: "Ou se Kris la, Pitit Bondye vivan an," Lè sa a, Jezi di li: "Ou wè ou menm, Simon, pitit Jan an, ou se yon nonm Bondye beni. Paske, se pa moun ki fè ou konn verite sa a. Men, se Papa m' ki nan syèl la ki fè sa pou ou. " (vèsè 16-17 NIV). Klèman, Jezi te apwouve repons Pyè a, epi Li te dakò ak li sou koze li vrèman se Pitit Bondye a.

Pita, nou jwenn Jezi fè yon deklarasyon ki menm jan a. Nan Jan 10:22-32, kèk nan lidè jwif yo te mande Jezi pou li di yo klèman si li te Kris la. Jezi reponn lè li di "Mwen ak Papa a nou se yonn" (vèsè 30 NIV). Imedyatman, lidè jwif yo ranmase wòch pou touye li. Yo te kwè san dout ke Jezi te di li egal ak Bondye— Paske li site non Kris la yo te vle touye li pou "blasfèm, paske . . . ou di ou se Bondye" (vèsè 33 NIV).

Kòm C.S. Lewis te di yon fwa, anpil moun di, "Mwen pare pou aksepte Jezi kòm yon gran anseyan moral, men mwen pa aksepte deklarasyon li fè pou di li se Bondye. Sa se yon bagay nou pa ka di. . . . Li te dwe kite se nou ki jije sa nou memn. Li pa t gen entansyon fè sa." Jezi pa t' krisifye paske Li te jis yon bon moun. Yo te kondane Li a mò paske li te deklare Li se Bondye. Lè li te gen yon chans pou li retire sa Li te di yo, Li pa t' fè bak ni retire okenn nan deklarasyon li yo.

Kidonk, ki moun ou di Jezi ye? Èske Li te senpman yon bon moun oswa Li se vrèman Bondye? Panse sou kesyon an selon sa ou wè de Li nan listwa, temwayaj moun ki te wè mirak Li yo ak rezirèksyon Li, lè Li soti byen vivan nan lanmò epi deklarasyon Li fè pou di Li se Bondye. Yon lòt fwa ankò, ki moun ou di Jezi ye?

Reponn: Kijan ou ta dekri konpreyansyon ou genyen sou ki moun Jezi ye? Ki jan konpreyansyon ou chanje pandan tan an? Sou kisa konsepsyon ou sou Jezi a baze? Kisa sa vle di pou ou lè ou deklare Jezi se Bondye? Ki diferans sa fè pou ou deklare Li se Bondye? Poukisa li enpòtan pou nou reflechi sou kesyon si Jezi se jis yon bon moun oswa si li vrèman se Bondye? Kijan rezoud kesyon sa a ka enfliyanse lafwa ou nan Li?