Rasis epi Repons Pa NouEgzanp

E Si Tout Sa ta Twò Lou Pou Pote?

Lè se rasis ak diskriminasyon ki plis pale nan nouvèl yo epi ki boulvèse kominote yo, li konn parèt yon bagay ki twòp pou pote. Lè bagay sa yo rive nou pwoteje tèt nou, konsyan ou pa yon fason pou nou ka bloke pwoblèm nou santi nou pa kapab rezoud la, e nou fini tou lè konsa pa resanti okenn sansibilite parapò a twomatis bagay sa a pote ki, pou kèk moun, se yon reyalite chak jou. Ann founi je gade pi pre sou fason Jezi mande nou pou nou reponn lè nou konfwonte ak soufrans lòt moun.

Nan parabòl bon Samariten an, yo di nou prèt la ak Levit la – de mesye devwe ki gen responsablite relijye – te wè mesye Jwif ki te blese a, men yo te evite li. Petèt gen kèk moman kote ou konn fè menm bagay la: travèse lari a pou evite yon moun ki te fè ou santi ou mal alèz. E pesonn pami nou paka evite viv jan de deni sa yo: gade san ou pa wè, tande san ou pa koute anyen.

Bezwen yo nan mond lan anpil. Defi yo ap grandi chak jou e petèt ou ka santi ou pa gen anyen pou ofri, oswa ou pa konnen ki kote pou kòmanse. Petèt premye etap la se rekonèt kijan kè ou ka vin di, oswa kijan ou ka vin pèdi tout sansibilite w devan sitiyasyon moun ki nan kominote ou la. Apre sa, sonje, malgre gwo defi nou ap konfwonte nan sa ki gen pou wè ak inegalite sosyal nan mond lan, Jezi mande nou pou nou renmen pwochen nou tankou tèt nou, epi li pran bon Samariten an kòm yon egzanp sou fason sa fèt. Samariten an te kanpe – li te gen konpasyon – epi li te pran pitye pou mesye ki te blese a. Petèt li lè pou nou fè yon ti kanpe epi kite kè nou tranpe nan dlo konpasyon pou moun ki ap soufri. Ann pran tan pou nou soufri ak moun ki ap soufri san nou pa sipoze oswa jije yo davans. Pou mete sa an pratik, sa ka vle di fè espas nan orè ou pandan jounen an pou ou ka pran yon ti tan pou wè, fè yon ti kanpe, epi poze yon aksyon.

Nan tout levanjil yo, nou li kijan Jezi te souvan deplase pa konpasyon lè li te ap preche bon nouvèl la epi geri malad yo. Jezi la avèk ou chak jou ou. Imajine kijan li t ap reyaji ak tout moun ou pale avèk yo, chita bò kote yo, oswa pase bò kote yo. Konpasyon mennen a aksyon. Yon kè ki gen konpasyon reflete kè Bondye, e li te toujou ap deplase pou al soulaje kè brize yo, pou geri moun ki malad yo. Swiv egzanp bon Samariten an se yon travay difisil epi ki fèt nan sentete, men gerizon ak jwali pote a vo tout sakrifis sa yo.

Pandan w ap reflechi sou diskriminasyon rasyal nan kontèks ou kounye a, m ap swete ou pa paralize anba gwosè gravite pwoblèm nan. Okontrè, m ap mande Bondye pou l fè kè ou vin pi sansib epi ba ou sajès, kouraj, ak detèminasyon pou ou viv nan konpasyon li epi simaye lanmou li. Sonje ke pi piti jès jantiyès la ka gen yon gwo enpak, e li posib pou ou vin yon bon Samariten tou.