Nouvo KwayanEgzanp

Premye Renkont ak Kris la

Jodi a, n ap kòmanse ak fondasyon lafwa nou. Eske nou konnen Bondye renmen nou anpil, e li te menm voye Jezi pitit li vin mouri pou sove nou. Sakrifis Kris la louvri pòt pou nou jwenn Papa, pou nou jwenn Sali ak Lavi etènèl. Lè nou reflechi sou sa, nou wè vrèman vre kijan Bondye renmen nou san kondisyon. Lanmou sa a se sous fòs nou chak jou. Nan moman difisil yo, lè nou santi nou febli, lanmou Bondye pa p janm diminye. Se lanmou sa a ki te fè l voye Jezi vin sou tè a, pou li mouri pou peche nou yo epi leve soti vivan ankò pou ba nou lavi etènèl.

Bib la rakonte listwa Jezi ak yon nonm yo te rele Nikodèm, se te yon chita pale ki montre enpòtans renesans espirityèl pou moun ka resevwa lè w nan Kris. Nikodè te vin kote Jezi yon lannuit pou mande li kisa li te dwe fè pou l antre nan wayòm Bondye a. Jezi te reponn li ak yon pawòl ki klè kou dlo kokoye: « Si yon moun pa fèt ne de nouvo, li pa ka wè wayòm Bondye a. » Pawòl sa yo montre nati espirityèl nou bezwen yon chanjman pwofon. Nou bezwen fèt ankò nan lespri, atravè lafwa nan Jezi Kris.

Pandan n ap kontinye jounen an, annou reflechi sou kado sa a kip a gen pri a: Lavi nouvo nou jwenn nan Kris la. Annou fòtifye konviksyon nou chak jou, se pou nou rekonesan pou sali noujwenn nan Kris la. Pa bliye Bondye ap toujou avèk nou, li ap toujou ap gide wout nou, e li ap toujou ban nou fòs ak kouraj pou nou fè fas ak tout defi nan lavi a.

Sonje, Bondye gen yon plan pou chak nan nou, e se lè nou mete lafwa nou nan Jezi n ap kapab viv yon lavi ki ranpli ak lapè, lajwa, ak lespwa. Nou p ap pale de lapè, lajwa ak lespwa lèzòm bay men pito sa ki soti nan sous lavi a, Kris la. Annou kontinye grandi nan lafwa nou, se pou lavi nou sèvi kòm limyè pou lòt moun nan mond sa a.