LanmouEgzanp

Lanmou Reyèl la, li Reziste Anba Tout Sikonstans

Lanmou reyèl la se yon bagay ki ra, ki ekzije anpil sakrifis ak devosyon. Nan yon mond kote anpil moun renmen pa okazyon, lanmou ki vrè a se yon lanmou ki pa janm febli, menm anba pi gwo sikonstans yo. Anpil fwa, nou jwenn moun ki renmen nou pou sa nou ka fè pou yo. Men lè bagay yo vin difisil, lè pwoblèm yo vini, yo kouri kite nou. Sa a se yon lanmou ki baze sou enterè pèsonèl, yon lanmou ki pa gen rasin pwofon.

Bib la esplike nou karakteristik lanmou ki chita sou yon bann bagay ki mande anpil sakrifis. Vèsè sa yo montre nou jan lanmou dwe konpòte li menm nan moman ki pi difisil yo.

Pasyans:

"Pasyans" se youn nan premye karakteristik lanmou reyèl la. Sa vle di, menm lè bagay yo pa ale nan jan nou ta vle a, nou pa dwe pèdi pansyans nou, nou pa dwe dekouraje. Yon bon egzanp sou sa, se istwa Jòb nan Bib la. Jòb te pèdi tout bagay, men li te kenbe lafwa li, li te rete pasyan nan soufrans li. Lanmou Jòb te genyen pou Bondye te demontre nan fason li te kenbe fèm.

Jantiyès:

Lanmou tou " Moun ki gen renmen nan kè li p'ap fè anyen ki pou fè moun wont…" Sa vle di, lanmou reyèl la toujou chache fè byen, li toujou gen yon atitid pozitif anvè lòt moun, menm lè lòt moun yo pa merite li. Nou ka wè sa nan istwa Jézi ak fanm adiltè a. Malgre tout moun te pare pou lapide fanm sa a, Jézi te fè prèv jantiyès anvè li epi Li te padone li.

Konstans:

Finalman, lanmou "pa janm fini". Lanmou reyèl la pèsiste, li kenbe, li reziste, menm lè tout bagay parèt san espwa. Yon egzanp lanmou sa a, se lanmou Bondye gen pou nou. Bondye di nan apwòl li, "Byen lwen, Seyè a te fè m' wè li. Li t'ap di: Nou menm moun pèp Izrayèl, mwen p'ap janm sispann renmen nou. Se poutèt sa m'ap toujou aji byen ak nou." Lanmou Bondye pou nou pa janm fini, li toujou la menm lè nou tonbe.

Lanmou ki vrè a mande nou pou nou fè sakrifis, pou nou gen pasyans, pou nou padone, pou nou janti, Lanmou reyèl la se sa k ap fè diferans nan mond lan, se sa k ap montre lòt moun nou se disip Kris la nou ye.