Pran aplikasyon anLanmouEgzanp
Lanmou Bondye pou Nou
Lanmou Bondye se yon fòs ki depase sa nou ka konprann ki depase tout sa nou ka imajine. Li se sous tout bagay ki bon ak bèl nan lavi nou. Lanmou sa a pa depann de aksyon oswa merit nou, men li se yon kado Bondye bay chak moun san kondisyon. Bondye pa fè diskriminasyon; li renmen nou tout menm jan, kit nou fidèl, kit nou fè erè.
Nou tout peche, epi se peche ki separe nou ak Bondye. Men, Bondye, nan gran amou li, te voye Jezi Kris, sèl Pitit Li a, pou vin viv pami nou e Li te mouri sou kwa a pou delivre nou. Sa a se yon aksyon sakrifis ki depase tout konpreyansyon. Li montre konbyen Bondye renmen nou e Konbyen Li dispoze fè tout sa ki nesesè pou sove nou.
Nou pa t merite lanmou sa a. Pandan nou te toujou ap viv nan peche, Kris te chwazi mouri pou nou. Lanmou Li pa depann de jan nou ap viv oswa de bon aksyon nou poze, men li baze sou bonte Li menm ak lanmou etènèl Li pou nou ki se pitit Li. Kris pa t mande pou nou chanje dabò anvan pou L bay Lavi Li pou nou. Li te pran inisyativ la an premye, donk li te fè premye pa a pou delivre nou.
Bondye renmen nou ak yon lanmou ki san limit, san kondisyon. Lanmou sa a pa janm fini, li pa janm febli, epi li toujou prezan. kèlkeswa kote nou ye, nenpòt sa nou fè ki mal, nou ka toujou konte sou lanmou Bondye.
Konsènan Plan sa a
Men yon gid lekti biblik ki ape de nou fè devosyon chak maten, gid lekti sa a gen pou founi je gade sa nou ta dwe konnen sou lanmou Bondye pou nou ak kijan nou ka viv epi pataje lanmou sa a ak lòt moun nou rankontre sou chemen lavi a, tankou fanmi, zanmi, frè ak sè nan legliz e menm etranje. Chak jou yo ap mache ak yon versè akonpaye ak istwa ki montre enpòtans lanmou nan lavi yon kwayan.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
