LanmouEgzanp

Lanmou Chita tou nan renn Sèvis

Ann Ayiti, nou souvan di "rann sèvis bay chagren," yon pawòl ki ka fè nou ezite ede oubyen sèvi lòt moun. Men, nou menm ki se Kretyen, nou gen fason pa nou pou nou konprann lavi, e li chita nan ansèyman pawòl Bondye. Lanmou se yon fòs ki pouse nou sèvi lòt moun. Apèl nou resevwa nan lavi nou an se pou nou viv avèk lanmou nan sèvis n ap pote bay lòt moun, jan Jezi te montre nou lè li te lave pye disip li yo. Nou dwe swiv egzanp li nan sèvi ak imilite ak lanmou. Lanmou se pa sèlman yon santiman, men yon aksyon. Jezi te kite syèl la pou l vin sou tè a, li te viv tankou nou e li te montre nou fason pou n renmen ak sèvi lòt moun.

Lè Jezi te lave pye disip li yo, li te montre yon senbòl pwisan de sèvis ak imilite. Nou dwe swiv egzanp li nan sèvis ak lanmou.

Nan Bib la, gen plizyè egzanp ki montre lespri sèvis ak lanmou. Jezi te pale de jou Jijman an, kote li montre kijan lanmou ak sèvis pa gen limit. Lè nou sèvi lòt moun, se Jezi menm nou ap sèvi. Lè nou bay manje, dlo, abri, ak swen a moun ki nan bezwen, nou montre lanmou nou pou Jezi epi nou akonpli volonte Bondye.

Yon lòt egzanp lanmou ak sèvis se istwa Bon Samariten an. Jezi rakonte yon parabòl kote yon Samariten te ede yon moun ki te blese ak abandone bò chemen an, pandan lòt moun ki te pase bò kote li yo te inyore l. Samariten an te pran swen moun blese a, mennen l nan yon kay kote li te ka jwenn swen, epi li te peye tout depans li yo. Jezi te montre kijan lanmou pa gen limit nan parabòl sa a, li depase kote nou soti, ras nou, oswa pozisyon sosyal nou.

Lanmou ak sèvis se santiman ak aksyon ki montre nou se disip Jezi. Nou dwe sèvi lòt moun ak lanmou ak imilite, menm jan Jezi te montre nou. Ann suiv bonjan egzanp lanmou sa yo, ann mete nou dispoze pou sèvi lòt moun.