Detewonòm 1
1
Premye diskou Moyiz la
1Men pawòl Moyiz te di tout pèp Izrayèl #Joz 3.16; 11.2 la lè yo te lòt bò larivyè Jouden an, nan dezè a, nan plenn Araba ki anfas Souf: Yo te gen dezè Paran an sou yon bò ak lavil Tofèl, Liban, Azewòt ak Dizaab sou lòt bò a. 2Pou mache sòti mòn Sinayi rive Kadès-Banea, lè ou swiv wout ki pase nan mòn Seyi a, sa pran onz jou. 3Se #Nonb 33.38 premye jou nan onzyèm mwa karantyèm lanne depi yo te sòti kite peyi Lejip la Moyiz te fè pale sa a ak pèp Izrayèl la, jan Senyè a te mande l la. 4Lè #Nonb 21.21-35 sa a, Senyè a te fin bat Siyon, wa peyi Amori a, ki te rete Esbon, ak Og, wa peyi Bazan an, ki te rete Astawòt nan zòn Edreyi. 5Se antan pèp la te lòt bò larivyè Jouden, nan peyi Mowab la, Moyiz tanmen esplike yo tou sa Senyè a te di. Li di yo konsa:
6— Lè #Egz 19.2; Nonb 10.11,12 nou te sou mòn Orèb la, nou chonje Senyè a, Bondye nou an, te pale ak nou. Li te di nou: Kounyeya, nou rete kont nou sou mòn sa a. 7Ranmase tout zafè nou pati. Ale nan mòn peyi Amori yo ak nan tout lòt peyi ki toupre l yo, nan plenn Araba a, nan mòn yo, nan fon yo, nan Negèv la bò sid ak bò gwo lanmè Mediterane a. Ale nan peyi Kanaran an ak nan peyi Liban an jouk nou rive bò gwo larivyè Lefrat la. 8Nou #Jen 12.7; 26.3; 28.13; 50.24 wè! Men m'ap ban nou tout peyi sa yo. Al pran posesyon peyi mwen menm Senyè a, mwen te pwomèt m'ap bay zansèt nou yo, Abraram, Izarak ak Jakòb, pou yo ak pou tout pitit yo ak pitit pitit yo apre yo.
Chèf Moyiz te chwazi
(Egzòd 18.13-27)
9Menm #Egz 18.18; Nonb 11.14 lè sa a, mwen te di nou: Mwen pa kapab reskonsab nou tout pou kont mwen, chay la twòp pou mwen. 10Senyè a, #Jen 15.5 Bondye nou an, ban nou anpil pitit, kifè kounyeya nou vin anpil, tankou zetwal nan syèl la. 11Se #Jen 12.2; 26.24 pou Senyè a, Bondye zansèt nou yo, ban nou mil fwa plis pitit pase sa nou gen kounyeya. Se pou l beni nou jan li te pwomèt nou an. 12Men, #1 Wa 3.8,9 ki jan pou m fè pote tout chay sa a pou kont mwen, pou m jwenn solisyon pou tout pwoblèm nou, pou m regle tout kont nou gen yonn ak lòt? 13Se poutèt sa, nan chak branch fanmi nou yo, chwazi kèk nèg ki gen lespri, ki gen bon konprann, ki konn lavi, m'a mete yo chèf pou dirije nou. 14Lè sa a, nou te reponn mwen, nou te di m konsa: Sa ou mande nou fè la a bon wi! 15Se #Egz 18.25 konsa mwen pran nan chak branch fanmi nou yo moun ki gen lespri, moun ki konn lavi, mwen mete yo chèf pou dirije nou. Genyen mwen mete chèf sou mil gason, dòt sou san gason, dòt sou senkant gason, dòt ankò sou dis gason. Mwen te chwazi lòt chèf tou pou chak branch fanmi. 16Lè #Lev 24.22; Det 16.18; Jan 7.24 sa a, men sa mwen te mande chèf nou yo pou yo fè: Chache konnen lè gen kont nan mitan pèp la. N'a regle tout kont yon moun ka gen ak frè parèy li osinon ak moun lòt nasyon k'ap viv nan mitan nou. N'a fè sa san patipri. 17Nou #Egz 18.22,26; 23.2,3; Lev 19.15; Det 16.19; Pwo 24.23; Jak 2.1 p'ap nan achte figi lè n'ap jije yon bagay. Se pou nou jije tout moun menm jan, kit se yon ti malere, kit se yon grannèg. Nou pa bezwen pè pèsonn paske n'ap jije dapre prensip Bondye bay. Lè se yon ka ki twò difisil pou nou, n'a pote l vin devan mwen, m'a jije l mwen menm.
18Se konsa, menm lè sa a, mwen te ban nou lòd, mwen te di nou sa pou n fè ak sa pou n pa fè.
Douz espyon nan peyi Kanaran
(Nonb 13.1—14.4)
19Apre #Nonb 10.12; 13.26; Det 8.15 sa, nou leve, nou kite mòn Orèb la. Jan Senyè a, Bondye nou an, te ban nou lòd la, nou mache nan tout gwo dezè ki gen anpil danje ladan l lan, dezè nou te wè a, nou pran chemen pou n'al nan mòn peyi Amori yo, epi nou rive Kadès Banea. 20Lè sa a, mwen di nou: Men nou rive nan mòn peyi Amori yo, peyi Senyè a, Bondye nou an, ap ban nou an. 21Gade, #Det 31.8; Joz 1.9 men peyi Senyè a, Bondye nou an, ap ban nou an. Ale non, pran peyi a pou nou, jan Senyè a, Bondye zansèt nou yo, te di l la. Nou pa bezwen pè, kè nou pa pou janm kase. 22Lè sa a nou tout, nou vin jwenn mwen, nou di m konsa: Ann voye kèk nèg pami nou devan pou y'al wè ki jan peyi a ye. Y'a tounen vin esplike nou ki wout pou nou swiv ak nan ki lavil nou ka antre.
23Mwen #Nonb 13.2 te wè sa nou di m lan se te bon koze. Se konsa mwen chwazi douz nèg, yonn nan chak branch fanmi. 24Yo #Nonb 13.22-27 pati, yo pran chemen mòn lan jouk yo rive nan Fon Echkòl: yo vizite tout zòn lan nèt. 25Yo pran kèk fwi peyi a donnen, yo pote ban nou. Epi yo di nou peyi Senyè a ap ban nou an se yon bon venn tè. 26Men, #Nonb 14.1-4; Det 9.28 nou pat vle al ladan l. Se konsa nou te derefize obeyi lòd Senyè a, Bondye nou an, te ban nou. 27Nou antre lakay nou, nou pran plenyen. Epi nou di se vle Senyè a pa vle wè nou! Se poutèt sa li fè nou sòti kite peyi Lejip pou l lage nou nan men moun peyi Amori yo pou yo ka fini ak nou. 28Kote #Nonb 13.28-33 nou prale kounyeya? Moun nou te voye yo dekouraje nou. Yo di nou moun ki nan peyi sa a pi fò pase nou, yo pi bèl wotè pase nou. Lavil yo gran anpil ak gwo ranpa byen wo ki rive jouk nan syèl la. Nou te menm wè kèk moun ras Anak yo la tou.
29Men, mwen di nou: Kè nou pa bezwen kase, nou pa bezwen pè moun sa yo. 30Senyè a, #Egz 14.14,25 Bondye nou an, ap mache alatèt nou. Li pral goumen pou nou menm jan nou te wè l fè l la nan peyi Lejip 31ak #Eza 46.3,4; 63.9; Oze 11.3 nan dezè a. Nou wè ki jan sou tout wout la li pa janm lage nou, tankou yon papa ki pa janm lage pitit li, jouk nou rive bò isit la. 32Men, #Nonb 14.11; Sòm 106.24 atout mwen te di nou sa, nou pat vle mete konfyans nou nan Senyè a, Bondye nou an, 33li #Egz 13.21; Nonb 10.33 menm ki te pran devan nou sou tout wout la pou l te ka jwenn kote pou nou moute kan nou. Lannwit, li te mache devan nou nan yon poto dife. Lajounen, nan yon gwo nyaj li te moutre nou chemen pou nou pran.
Fache Bondye sou pèp la
(Nonb 14.20-35)
34Lè #Nonb 14.20-30; Joz 14.9; Eb 3.18 Senyè a tande jan nou t'ap plenyen, li te fache anpil, li sèmante, li di: 35Pa gen yonn nan tout move sije sa yo k'ap viv kounyeya k'ap antre nan bon peyi mwen te pwomèt m'ap bay zansèt nou yo, 36anwetan Kalèb, pitit gason Jefoune, ki va antre nan peyi sa a. M'a ba li peyi li t'al espyonnen an, pou li ak pou pitit li yo, paske li te obeyi mwen san gad dèyè.
37Nou #Nonb 20.12 lakòz Senyè a te fache ata avè m, epi li di m: Ou menm tou Moyiz, ou p'ap antre nan peyi a. 38Se #Egz 24.13; Det 31.7,23 Jozye, pitit gason Noun lan, k'ap sèvi avè ou la, ki va antre nan plas ou. Ankouraje l tande, paske se li menm ki pou fè pèp Izrayèl la antre al pran peyi a. 39Men, #Nonb 14.3,31 se pitit nou yo, sa nou di ki ta pral tonbe anba men lènmi nou yo, timoun nou yo ki kounyeya poko konnen sa ki byen ak sa ki mal, se yo menm ki pral antre nan peyi a. Se yo menm mwen pral bay peyi a, se yo menm ki pral rete ladan l. 40Men #Nonb 14.25 nou menm, tounen tounen nou nan dezè a! Pran chemen Lanmè Wouj la #1.40: Lanmè Wouj la: Dapre tèks ebre a se Lanmè Wozo yo. ankò!
Izrayèl pèdi batay la
(Nonb 14.39-45)
41Lè #Nonb 14.40-45 sa a nou reponn mwen: Nou rekonèt nou peche kont Senyè a. Nou prale, epi n'a goumen jan Senyè a, Bondye nou an, te ban nou lòd la. Epi nou leve nou pran zam nou. Nou te kwè sa ta pral fasil pou nou pran mòn yo. 42Men, Senyè a di m avèti nou: Piga n'al atake, piga n'al fè lènmi nou yo bat nou, paske li p'ap kanpe avèk nou. 43Mwen te pale nou, men nou pat koute m, nou derefize swiv lòd Senyè a te ban nou. Nou te konprann nou te fò kont kò nou pou n te al pran mòn lan. 44Lè sa a, moun peyi Amori yo ki te rete nan mòn yo sòti vin kontre ak nou. Tankou yon desen myèl, yo kouri dèyè nou, yo bat nou byen bat nan tout peyi Seyi a rive jouk Oma. 45Lè nou tounen, nou kriye nan pye Senyè a, men Senyè a a pat koute sa nou t'ap di l, li pat pran ka nou. 46Se #Nonb 13.25,26; 20.1 poutèt sa nou te blije pase tout tan sa a nan zòn Kadès la.
Chwazi Kounye ya:
Detewonòm 1: HAT98
Pati Souliye
Pataje
Kopye
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fht.png&w=128&q=75)
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.