Vèsè popilè nan Bib la ki soti nan Detewonòm 1

Pataje

Senyè a, Bondye nou an, ap mache alatèt nou. Li pral goumen pou nou menm jan nou te wè l fè l la nan peyi Lejip ak nan dezè a. Nou wè ki jan sou tout wout la li pa janm lage nou, tankou yon papa ki pa janm lage pitit li, jouk nou rive bò isit la.

Se pou Senyè a, Bondye zansèt nou yo, ban nou mil fwa plis pitit pase sa nou gen kounyeya. Se pou l beni nou jan li te pwomèt nou an.

— Lè nou te sou mòn Orèb la, nou chonje Senyè a, Bondye nou an, te pale ak nou. Li te di nou: Kounyeya, nou rete kont nou sou mòn sa a.

Nou wè! Men m'ap ban nou tout peyi sa yo. Al pran posesyon peyi mwen menm Senyè a, mwen te pwomèt m'ap bay zansèt nou yo, Abraram, Izarak ak Jakòb, pou yo ak pou tout pitit yo ak pitit pitit yo apre yo.

Nou p'ap nan achte figi lè n'ap jije yon bagay. Se pou nou jije tout moun menm jan, kit se yon ti malere, kit se yon grannèg. Nou pa bezwen pè pèsonn paske n'ap jije dapre prensip Bondye bay. Lè se yon ka ki twò difisil pou nou, n'a pote l vin devan mwen, m'a jije l mwen menm.