Luke 3
3
Na Vunau i Joni na Dauveipapitaisotaki
(Maciu 3.1-12; Marika 1.1-8; Joni 1.19-28)
1Ia e nai katinikalima ni yabaki sa tui kina ko Tiperiu Sisa, ka sa kovana mai Jutia ko Ponitio Pailato, a sa turaga mai Kalili ko Eroti, a sa turaga mai Ituria kei na vanua ko Tirakoniti ko Filipe na tacina, a sa turaga mai Apilini ko Lisania; 2ni sa bete levu ko Anasa kei Kaiafa, sa qai yaco na vosa ni Kalou vei Joni na luve i Sakaraia e loma ni vanua. 3A sa lako mai ko koya ki na veiyasana kecega sa voleka ki na Joritani, a sa vunautaka na nodra papitaiso era veivutuni me vosoti kina nai valavala ca, 4#Aisea 40.3-5me vaka sa volai e nai vola ni vosa i Aisea na parofita, ni sa kaya,
“A domo ni dua sa kacikaci e na loma ni vanua lala:
‘Dou caramaka na sala i Jiova,
cakava me dodonu na nona salatu.
5Ena vakaceceretaki na buca kecega,
ka na vakalolovirataki na ulunivanua kei na vanua-cecere kecega,
ka na vakadodonutaki na veika e veve,
ka na vakalogalogavinakataki na sala sa sukusukura;
6ena raica talega na veivakabulai ni Kalou na tamata kecega.’ ”
7 #
Maciu 12.34; 23.33 Sa qai kaya ko koya vei ira na lewe vuqa era sa lako mai me papitaisotaki ira ko koya, “Oi kemudou na kawa ni gata! Ko cei sa vakasalataki kemudou mo dou dro tani mai na cudru sa bera mai? 8#Joni 8.33O koya mo dou qai vuataka na vua e kilikili kei na veivutuni. Ka dou kakua ni kaya e na lomamudou, ‘A tama i keimami ko Eparaama’; ni’u sa kaya vei kemudou, Sa rawarawa vua na Kalou me vakatubura na veivatu oqo me ra luve i Eparaama. 9#Maciu 7.19Ia na matau sa no edaidai e na waka ni vunikau. Ena ta laivi kina na kau kecega sa sega ni vuataka na vua vinaka, ka biu ki na bukawaqa.”
10A ra sa tarogi koya ko ira na lewe vuqa, ka kaya, “A cava me keimami cakava?” 11A sa vosa ko koya, ka kaya vei ira, “Ko koya sa rua na nona kote, me solia vua sa sega na nona; me kitaka vaka talega kina ko koya sa tu vua na kakana.” 12#Luke 7.29Sa qai lako talega mai ko ira eso na daukumuna nai vakacavacava me ra papitaisotaki, a ra sa taroga, “Vakavuvuli, a cava me keimami cakava?” 13A sa kaya vei ira ko koya, “Dou kakua ni taura me levu cake e na ka sa lesi vei kemudou.” 14O ira talega na sotia, era sa mai tarogi koya, ka kaya, “A cava me keimami cakava?” A sa kaya vei ira ko koya, “Dou kakua ni vakacacana e dua, se beitaka vakailasu, ka dou lomavinaka talega e na vuku ni kemudou i sau.”
15Ia ni sa levu na nodra nanamaki ko ira na tamata ka ra sa vakananumi Joni vakalevu e lomadra ko ira kecega se na Karisito ko koya se segai, 16sa qai vosa ko Joni, ka kaya vei ira kecega, “E dina ka’u sa papitaisotaki kemudou e na wai, ia sa lako mai ko koya sa levu cake vei keirau, kei na wa ni nona i vava ka’u sa sega ni yaga me’u sereka. Ena papitaisotaki kemudou ko koya e na Yalo Tabu kei na bukawaqa. 17Sa taura e ligana na nona i sivi ni sila, ka na vakasavasavataka sara ko koya na nona rara ni samu sila, ka binia vata na sila ki na nona lololo; ia ena vakama ko koya na qana e na bukawaqa e sega ni bokoci rawa.”
18A sa vuqa tale na ka sa vunautaka ko koya vei ira na tamata e na nona vunau. 19#Maciu 14.3,4; Mari 6.17,18Ia ko Eroti na turaga liu, o koya ka sa vunauci mai vua e na vuku i Erotiasa na wati Filipe na tacina, kei na vuku ni veika ca kecega sa kitaka ko Eroti, 20sa qai vakaikuritaka me levu cake, ni sa sogolati Joni e na valeniveivesu.
Na Papitaiso nei Jisu
(Maciu 3.13-17; Marika 1.9-11)
21Ia ni ra sa papitaisotaki tiko na tamata kece, sa papitaisotaki talega kina ko Jisu; ka ni sa masu tiko, sa wase rua ko lomalagi, 22#Vteki 22.2; Same 2.7; Aisea 42.1; Maciu 3.17; Mari 1.11; Luke 9.35ka sa lako sobu mai vua vakayago na Yalo Tabu, me vaka na ruve. A sa rogo e dua na domo mai lomalagi, sa vaka, “O iko na noqu Gone ni toko; au sa dauvinakati iko vakalevu.”
Nai Tubutubu i Jisu
(Maciu 1.1-17)
23A sa tolusagavulu na yabaki i Jisu, ko koya sa kainaki sa luve i Josefa, ni sa vakatekivu me vakavuvuli voli ko koya na luve i Ili, 24ko koya na luve i Macati, ko koya na luve i Livai, ko koya na luve i Meliki, ko koya na luve i Janai, ko koya na luve i Josefa, 25ko koya na luve i Mataceia, ko koya na luve i Emosi, ko koya na luve i Neumi, ko koya na luve i Esili, ko koya na luve i Nake, 26ko koya na luve i Maaci, ko koya na luve i Mataceia, ko koya na luve i Semei, ko koya na luve i Josefa, ko koya na luve i Juta, 27ko koya na luve i Joana, ko koya na luve i Risa, ko koya na luve i Serupepeli, ko koya na luve i Salacieli, ko koya na luve i Niri, 28ko koya na luve i Meliki, ko koya na luve i Ati, ko koya na luve i Kosami, ko koya na luve i Elimotama, ko koya na luve i Eri, 29ko koya na luve i Josua, ko koya na luve i Iliesa, ko koya na luve i Jorima, ko koya na luve i Macati, ko koya na luve i Livai, 30ko koya na luve i Simione, ko koya na luve i Jutasa, ko koya na luve i Josefa, ko koya na luve i Jonani, ko koya na luve i Elaiakimi, 31ko koya na luve i Melea, ko koya na luve i Menani, ko koya na luve i Mataca, ko koya na luve i Necani, ko koya na luve i Tevita, 32ko koya na luve i Jese, ko koya na luve i Opeti, ko koya na luve i Poasa, ko koya na luve i Salimoni, ko koya na luve i Nasoni, 33ko koya na luve i Amenatave, ko koya na luve i Erami, ko koya na luve i Esiromi, ko koya na luve i Peresi, ko koya na luve i Juta, 34ko koya na luve i Jekope, ko koya na luve i Aisake, ko koya na luve i Eparaama, ko koya na luve i Tira, ko koya na luve i Neori, 35ko koya na luve i Seruke, ko koya na luve i Rekau, ko koya na luve i Peleki, ko koya na luve i Eperi, ko koya na luve i Sela, 36ko koya na luve i Keinana, ko koya na luve i Afakisati, ko koya na luve i Semi, ko koya na luve i Noa, ko koya na luve i Lemeki, 37ko koya na luve i Mecusela, ko koya na luve i Inoke, ko koya na luve i Jereti, ko koya na luve i Malelili, ko koya na luve i Keinana, 38ko koya na luve i Inosi, ko koya na luve i Seci, ko koya na luve i Atama, ko koya na luve ni Kalou.
Trenutno odabrano:
Luke 3: FRV21
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj