Zɛnɛse 34
34
Sɛkɔŋ è Dina tèe-perêi
1Liɛ ǹóŋ-nɛnii Dina, nyii da Zeeka dímaa sɔlɔ ƃôi, è lì ǹɔii tí su-nɛyãai naa kâai. 2Tãi Iva-nuui Amɔ nyii kɛ̀ a ǹɔii ŋɔkâloŋ, ǹóŋ-surɔ̂ŋ Sɛkɛŋ è Dina kàa lai, è zôŋ a wála-wala é lɔ-pɔ̂rɔŋ kɛ́ la. 3Dina maa mɛni è lɔ̀ ǹíi su a dámaa. È kɛ̀ a ŋ̀wɛ́liɛɛ kpɔ́ a ŋánaa. Nya ƃe è lòno bɔ́ a ǹɛ́lɛɛ. 4Mɛni ma Sɛkɛŋ è lòno ǹâŋ Amɔ pɔ́ ǹyɛɛ mai, “Nɛnîi ŋí kɔ́ri mî é kɛ́ a ŋánɛnî.”
5Ǹyaŋ Zeeka è mɛ̀ni a gɛɛ Sɛkɛŋ a ǹóŋ-nɛnii Dina ŋumɛ. Kɛ́lɛ Zeeka ǹônii-sinaai dí kɛ̀ ŋɔtaa-tulɛ-ŋai mɛi kâai gbálaŋ ŋá. È maa kpɛŋ kɛ̀ é lɛ́ɛ la zu dí pá. 6Nya ƃe Sɛkɛŋ ǹâŋ Amɔ è lì Zeeka pɔ́ naa a gɛɛ é lóno bɔ́. 7Tãi Zeeka ǹônii-sinaai dí mɛnii ŋí mɛ̀ni lai, dí kùla gbâlaŋ ŋá dí pá. Dí kɛ̀ kpɔ́ a dílii ŋwánaa a ŋánaa. Kpɛ́ni fêi, Sɛkɛŋ è ŋumɛ mɛni kɛ̀ a Eezuɛ-ŋai a Zeeka ǹóŋ-nɛnii sòŋɔɔ mì a wála-wala a lɔ-pɔ̂rɔŋ kɛ́ la, nyii vêi pɔ̂ri kɛ̂i a kɛ́-mɛnii. 8Kɛ́lɛ Amɔ è lòno dípɔ ǹyɛɛi, “Káloŋ-nɛnii maa mɛni a ńoŋ Sɛkɛŋ líi sóŋ a ŋánaa. Ŋa kákpera fêi a gɛɛ ká dɛ́ɛ bɔ́ da ǹyaa dí tûa. 9Kwaa kú nɛyâa kula kúkîe-ni loai. Ka kálônii-nɛyãai tɛ́ɛ kúpɔ, kúaŋ kú kúlônii-nɛyãai tɛ́ɛ kápɔ. 10Ka pɔ̂ri seêi kúlɔii su ǹɔii láa é ƃó kátuɛ. Ka pɔ̂ri seêi naa ká pɔni tɔ́ɔ naa kákɔ̃liŋ é kɛ́ naa.”
11Sɛkɛŋ máŋ è mò Dina ǹâŋ da zâaƃɔlɔ-ni dîa ǹyɛɛi, “Ka mɛnii ŋí kɛ́ mî, ǹyaŋ sɛŋ kélee ka ŋ̀wɛ̂lii ŋa pâi dɛ̂ɛi kápɔ. 12Sɛŋ kélee ka ḿarê kɛ̀ m̀ɛni ma é pîlaŋ la nɛnî kula-mɛni mai, ŋa pâi dɛ̂ɛi kápɔ à kɛ̀ nɔ́ kà nɛnîi tɛ̀ɛ ḿbɔ a gɛɛ é kɛ́ a ŋánɛnî.”
13Zeeka ǹônii-sinaai dí Sɛkɛŋ da ǹâŋ Amɔ wóo su tòo a dípɛlɛ-pere. Kpɛ́ni fêi, Sɛkɛŋ è dísâaƃɔlɔ Dina ŋûmɛ. 14Dí mò dîa dîyɛɛi, “Ǹúui vé see-ni kpono mɛi, va pɔ̂ri kúsâaƃɔlɔ kulâi a nɛnî. Kpɛ́ni fêi, gáa kûa a ƃɛlɛ-too. 15Kwa pɔ̂ri fâai à kɛ̀ káfâai mà a gɛɛ ká kɛ́ yɛ̂ɛ kúa, dí ká see kpono-mɛi da kálônii-sinaai kélee. 16Gɛ̀ ní kwa pâi kúlônii-nɛyãai tɛɛ̂i kápɔ kú káwɔ̂-ŋai síɣe kú sée kálɔii su kú kɛ́ zu tɔnɔɔ. 17Kɛ́lɛ à kɛ̀ kà wàla káwoli tɔ́ kûa dí ká see kpono-mɛi, gɛ̀ ní kwa pâi kúsâaƃɔlɔ siɣêi kú lí.”
18Díwoo è Amɔ da ǹóŋ Sɛkɛŋ líi làa. 19Ǹyaŋ Sɛkɛŋ fé tãi siɣe ní mɛnii ŋí kɛ́ mɛni ma. Kpɛ́ni fêi, Zeeka ǹóŋ-nɛnii wɛ́li è kɛ̀ ma a ŋánaa. Ǹyaŋ ƃaa-kɛ-maa è kɛ̀ ma ǹâŋ ŋɔpɛ́rɛi mu é tɛ́ɛ la ǹâŋ ŋɔnûai kpéli-ŋai dîa.
20Nya ƃe Amɔ da ǹóŋ Sɛkɛŋ dí pà dítaa-leei ŋɔsiɣãŋ lá dí lóno daa-leei su-ƃelai kélee pɔ́ dîyɛɛi, 21“Ǹûai ŋí díkaa a kúwɛli-kɛ-maa-ƃela. Tɔɔ dí sée ƃɛ́ kúlɔii su dí pɔni tɔ́ɔ naa. Ǹɔii kɛ̂tɛi dímɛni mà. Tɔɔ dí dílônii-nɛyãai tɛ́ɛ kúpɔ, kúaŋ kú kúlônii-nɛyãai tɛ́ɛ dípɔ. 22Ǹûai ŋí dí lɛ́ɛ pâi fâai a gɛɛ dí sée kúlɔii su kwa dîa-ni kú kɛ́ a núu tɔnɔ, fɛ̂ɛ kúai a zinâai dí kúsee kpono-mɛi yɛ̂ɛ berei díkaa lai. 23À kɛ̀ kwà fàa a gɛɛ kwa dîa-ni kú sée kúlɔii su, gɛ̀ ní díƃala-ŋai, díkɔ̃liŋ da dítaa-tulɛ-ŋai kélee da pâi kɛ̂i a kúpɔɔ.” 24Daa-ƃelai kélee dí fàa Amɔ da ǹóŋ Sɛkɛŋ wóo ma. Dí zinâai kélee see kpono-mɛi.
25Ŋ̀éle kûui zaaƃa-ɣelei tãi gbaa pâlai è kɛ̀ niî la diai, Zeeka ǹônii-sinaai veerɛ, Simiɔŋ da Liva nyii-ŋai kɛ̀ a Dina zâaƃɔlɔ-ni, dí pà a díƃoa-sɔkpɔ-ŋai dí pɛ́lɛ la ǹûai dîa daai su dítɛ̂i-pere, dí zinâai kélee páa. 26Dí Amɔ pàa da ǹóŋ Sɛkɛŋ dí Dina kula Sɛkɛŋ ŋɔpɛ́rɛi mu dí lí la. 27Zeeka ǹônii-sinaai kpéli-ŋai dí pà dí daai su sãai síɣe. Kpɛ́ni fêi, dí dísâaƃɔlɔ ƃɛlɛ tôo. 28Dí díƃala-ŋai sôŋ da dítaa-tulɛ-ŋai é pɛ́lɛ díwɛlɛ-sôo-ŋai dîa da zɛŋ kélee kɛ̀ daai su da gbâlaŋ ŋái. 29Dí díkɔ̃liŋ kélee sìɣe é pɛ́lɛ dínîa-pɛlɛɛi dîa da dínɛyâai da dípɛrɛ mu-sãai kélee dí lí a dîa.
30Nya ƃe Zeeka è mò Simiɔŋ ma da Liva ǹyɛɛi, “Ka ḿbu mɛni kpɔ̂lu su. Zu-kulai ƃa ka gɛ́ ǹɔii-ƃelai da ŋ́gbɔara nyii-ŋai díkaa a Keena-ƃelai da Pɛriza-ŋai. Ŋánûai dífe táma ní. Ǹyaŋ à kɛ̀ da díŋaa tɛ̀ ma a gɛɛ dí tɔ́ɔ ḿâ, gɛ̀ ní da pâi kúsu karaâi kwa ŋánûai.”
31Kɛ́lɛ dí mò mà dîyɛɛi, “Kúfa pɔ̂ri fâai ma a gɛɛ dí tûa a kúsâaƃɔlɔ yɛ̂ɛ wulu-wulu kɛ́-nɛni.”
હાલમાં પસંદ કરેલ:
Zɛnɛse 34: KWB
Highlight
શેર કરો
નકલ કરો
Want to have your highlights saved across all your devices? Sign up or sign in
© 2012 Bible Society in Liberia